ໜ້າທຳອິດ Tags ຂ່າວ​ຕ່າງ​ປະເທດ

ໂຄດ​ຄໍາ​ສັ່ງ: ຂ່າວ​ຕ່າງ​ປະເທດ

ລາຄາຄຳປັບຕົວຂຶ້ນ! ຕະຫຼາດຄຳໂລກຈັບຕາເບິ່ງຄວາມສຳພັນສະຫະລັດ-ຈີນ

ສຳນັກຂ່າວຣອຍເຕີລາຍງານວ່າ ລາຄາຄຳທີ່ຕະຫຼາດສະຫະລັດປັບຂຶ້ນ 8,45 ໂດລາສູ່ 1.489,37 ໂດລາຕໍ່ອອນໃນຊ່ວງທ້າຍຕະ ຫຼາດວັນພຸດ ໂດຍລາຄາຄຳໄດ້ຮັບແຮງສະໜັບສະໜູນຈາກຄວາມກັງວົນທີ່ວ່າຈຸດຢືນຂອງລັດຖະບານອາເມຣິກາໃນປະເດັນເລື່ອງຮົງກົງຊຶ່ງອາດເປັນອຸປະສັກຂັດຂວາງການເຈລະຈາຕໍ່ລອງທາງການຄ້າລະຫວ່າງຈີນກັບອາເມຣິກາ ນອກຈາກນີ້ ນັກລົງທຶນກໍຈັບຕາເບິ່ງການປະຊຸມສຸດຍອດເລື່ອງ Brexit ທີ່ນະຄອນຫຼວງບຣັສເຊລໃນວັນພະຫັດ ແລະ ວັນສຸກນີ້. ລາຄາສັນຍາຊື້ຂາຍຄຳຂອງເດືອນທັນວາປິດຕະຫຼາດປັບຂຶ້ນ 10,50 ໂດລາ ຫຼື 0,7% ສູ່ 1.494 ໂດລາຕໍ່ອອນ ທາງດ້ານລາຄາໂລຫະເງິນໃນຕະຫຼາດສະປອນປິດປັບຂຶ້ນ 0,020 ໂດລາ...

ຄັ້ງທຳອິດຂອງປະເທດໄທກັບເທສະການ “ກັນຊາໂລກ”

ເມື່ອວັນທີ 9 ຕຸລາ 2019 ທີ່ຜ່ານມາໄດ້ມີການຖະແຫຼງຂ່າວພິທີຈັດງານເທສະການກັນຊາໂລກ 2020 (World Ganja Festival 2020) ໂດຍການເປັນປະທານເປີດງານຂອງ ທ່ານພົນເອກ ຈະລັນ ກຸນລະວະນິດ ປະທານທີ່ປຶກສາກິດຕິປະສັກ ປະໂຄງການເທດສະການກັນຊາໂລກ ພ້ອມຄະນະສະມາຄົມນັກວິໄຈແຫ່ງປະເທດໄທ ມູນນິທິຮ່ວມນໍ້າໃຈໄທ ແລະ ສະມາຄົມຜູ້ສື່ຂ່າວ ແລະ ສື່ມວນຊົນເພື່ອສັງຄົມປະເທດໄທ ຜູ້ສະໜັບສະໜູນຈັດງານ ແຂວງນະຄອນພະນົມ...

ຈານໃບຕອງຜະລິດຕະພັນເປັນມິດຕໍ່ສິ່ງແວດລ້ອມ

ກຸ່ມໄວໜຸ່ມຊາວເປຣູໄດ້ເຮັດໂຄງການໂຮງງານຊີວະພາບເພື່ອຊ່ວຍໃຫ້ໂລກໃຊ້ພລາສຕິກໜ້ອຍລົງ ເຂົາເຈົ້າໄດ້ສ້າງຈານໃສ່ອາຫານທີ່ສາມາດຍ່ອຍສະຫຼາຍໄດ້ຊຶ່ງເຮັດມາຈາກໃບຕອງເພື່ອຫຼຸດມົນລະພິດທາງສິ່ງແວດລ້ອມທີ່ເກີດຈາກພລາສຕິກຫຼາຍເກີນໄປ ຊຶ່ງກຸ່ມໄວໜຸ່ມກຸ່ມນີ້ໄດ້ນຳໃຊ້ໃບຕອງມາຜະລິດເປັນພາຊະນະ (ຈານ) ແທນພລາສຕິກຊຶ່ງຖືເປັນອີກໜຶ່ງຊ່ອງທາງທີ່ຈະຊ່ວຍຫຼຸດບັນຫາ ໂລກຮ້ອນ ຈານໃບຕອງທີ່ຜະລິດຂຶ້ນມານີ້ສາມາດຍ່ອຍສະຫຼາຍໄດ້ພາຍໃນເວລາ 60 ວັນ ຈານ ແລະ ພາຊະນະທີ່ເຮັດຈາກໂຟມຈະໃຊ້ເວລາດົນເຖິງ 500 ປີກວ່າຈະຍ່ອຍສະຫຼາຍ ແລະ ເຮັດໃຫ້ເກີດຄວາມເສຍຫາຍຕໍ່ພືດ ແລະ ສັດໃນທະເລ ລວມເຖິງສັດປ່າຈຳ ນວນຫຼາຍ. ດ້ວຍການຮ່ວມທຶນຂອງໂຄງການ Innóvate Peru (ຜ່ານການປະກວດ Bio...

ຝຸ່ນ PM2.5 ກັບມາຝົກຄຸມບາງກອກ (ປະເທດໄທ) ອີກຄັ້ງ

ໃນວັນທີ 28 ກັນຍາ 2019 ທ່ານ ປຣະລອງ ດຳລົງໄທ ອະທິການບໍດີກົມຄວບຄຸມມົນລະພິດທາງອາກາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຂອງໄທໄດ້ໃຫ້ຮູ້ວ່າ ຈາກການຕິດຕາມກວດສອບຄຸນນະພາບສະພາບອາກາດໃນພື້ນທີ່ກຸງເທບມະ ຫານະຄອນ ແລະ ປະລິມົນທົນ ໂດຍກົມຄວບຄຸມມົນລະພິດ ແລະ ກຸງເທບ ພົບວ່າ ປະລິມານຝຸ່ນລະອອງ PM2.5 ວັດແທກໄດ້ລະຫວ່າງ 28-62 ໄມໂຄຣກຣາມຕໍ່ລູກບາດແມັດ...

ຄົ້ນພົບທະວີບໃໝ່ທີ່ຊຸກເຊື່ອງໄວ້ກວ່າ 240ລ້ານປີ

ໃນວັນທີ 24 ກັນຍາ 2019 ສຳນັກຂ່າວ CNN ມີລາຍງານອ້າງອີງຈາກງານວິໄຈຫຼ້າສຸດທີ່ຫາກໍ່ຖືກເຜີຍແຜ່ລົງວາລະສານ Gondwana Research ໃນເດືອນກັນຍານີ້ໂດຍເຜີຍໃຫ້ເຫັນການຄົ້ນພົບທີ່ສ້າງຄວາມຕະລຶງນັ້ນກໍຄືການຄົ້ນພົບທະວີບທີ່ເຊື່ອງຕົວຢູ່ຕອນໃຕ້ຂອງທະວີບເອີຣົບ ໂດຍທະວີບດັ່ງກ່າວຖືກເອີ້ນວ່າ "Greater Adria" ມີຂະໜາດໃຫຍ່ເທົ່າກັບເກາະກຣີນແລນ ຊຶ່ງເປັນທະວີບທີ່ແຍກຕົວອອກຈາກທະວີບອາຟຣິກາເໜືອນັບຕັ້ງແຕ່ປະມານ 240 ລ້ານປີກ່ອນ. ການຄົ້ນພົບດັ່ງກ່າວເກີດຂຶ້ນໃນຂະນະທີ່ສາສະດາຈານ ຕາເວີ ຟານອິນເບີເກນ ຜູ້ຊ່ຽວຊານດ້ານການແປພູມສັນຖານແຜ່ນທໍລະນີພາກ (ການເຄື່ອນຕົວຂອງເປືອກໂລກ) ແລະ ພູມສາດ ຈາກມະຫາວິທະຍາໄລຍູເທຣກໃນປະເທດເນເທີແລນກຳລັງເຮັດໂມເດລຈຳລອງວິວັດທະນາການຂອງທໍລະນີວິທະຍາທີ່ມີຄວາມຊັບຊ້ອນຂອງພູມີພາກເມດິເຕີເຣນຽນ. ໂດຍສາສະດາຈານ...

ຮຸນເຊັນປະກາດກຳປູເຈຍເຫຼືອຄົນທຸກຍາກ 10%

ສົມເດັດ ເດໂຊ ຮຸນເຊັນ ນາຍົກລັດຖະມົນຕີກຳປູເຈຍ ລາຍງານວ່າອັດຕາຄວາມຍາກຈົນໃນກຳປູເຈຍຫຼຸດລົງຢ່າງໄວໃນຊ່ວງໄລຍະ 15 ປີທີ່ຜ່ານມາ ແລະ ມີແນວໂນ້ມຈະຫຼຸດລົງຕໍ່ເນື່ອງໃນປີຕໍ່ໆໄປ. ສົມເດັດ ຮຸນເຊັນ ກ່າວວ່າ ການເຕີບໂຕທາງເສດຖະກິດ ແລະ ນະໂຍບາຍການພັດທະນາທີ່ເໝາະສົມພາຍໃຕ້ຍຸດທະສາດສີ່ຫຼ່ຽມ ຂອງປະເທດສາມາດຊ່ວຍຫຼຸດອັດຕາຄວາມທຸກຍາກໃນກຳປູເຈຍຈາກ 53,2% ໃນປີ 2004 ເຫຼືອພຽງ 10% ໃນປັດຈຸບັນ. ກຳປູເຈຍປະສົບຄວາມສຳເລັດດ້ວຍອັດຕາການເຕີບໂຕທາງເສດຖະກິດຫຼາຍກວ່າ 7% ຕໍ່ປີໃນໄລຍະ 20...

ອິນໂດເນເຊຍ “ຍົກເລີກເຈົ້າສາວອາຍຸນ້ອຍ”

ສຳນັກຂ່າວຣອຍເຕີລາຍງານຈາກນະຄອນຫຼວງຈາກາຕາ ປະເທດອິນໂດເນເຊຍເມື່ອວັນທີ 17 ກັນຍາຜ່ານມາວ່າ ທຸກຝ່າຍການເມືອງໃນລັດສະພານະຄອນຈາກາຕາເຫັນດີໃຫ້ແກ້ໄຂກົດໝາຍໃນລະຫວ່າງການປະຊຸມເຕັມອົງຄະນະ ເມື່ອວັນທີ 16 ກັນຍາ 2019 ທີ່ຜ່ານມາ ອິນໂດເນເຊຍຖືເປັນ 1 ໃນ 10 ປະເທດທີ່ມີຈຳນວນເຈົ້າສາວທີ່ອາຍຸນ້ອຍທີ່ສຸດ ອີງຈາກຂໍ້ມູນຂອງກົມປຸກລະ ດົມຕໍ່ຕ້ານເຈົ້າສາວອາຍຸນ້ອຍ ເກຣີສ ນັອດ ໄບຣ (Girls not brides) ສ່ວນລາຍງານຂອງສຳນັກງານສະຖິຕິແຫ່ງຊາດອິນ...

ເດັກເກີດໃໝ່ນໍ້າໜັກ 450 ກຣາມ! ລອດຕາຍປະຕິຫານ

ເຢ່ເຢ່ ຄືເດັກນ້ອຍເກີດໃໝ່ທີ່ເກີດມາພ້ອມກັບນໍ້າໜັກພຽງ 450 ກຣາມ ຈາກການທີ່ຢູ່ໃນທ້ອງແມ່ພຽງ 26 ອາທິດກ່ອນຈະເກີດ ແພດໄດ້ລອງເອົາມືມາແທກເບິ່ງ ຊຶ່ງປາກົດວ່ານາງມີຂະໜາດຕົວໃຫຍ່ພຽງ 1 ຝາມືເທົ່ານັ້ນ. ໂຮງໝໍລຳດັບທີ 3 ໃນເຄືອຂ່າຍຂອງມະຫາວິທະຍາໄລແພດກວ່າງໂຈ ໄດ້ຈັດຕັ້ງທີມແພດພິເສດຂຶ້ນມາ ເພື່ອຕິດຕາມດູແລສຸຂະ ພາບຂອງເດັກເກີດໃໝ່ຄົນນີ້ຢ່າງໃກ້ຊິດ ແລະ ຊ່ວຍຊີວິດໄວ້ໄດ້ຫຼັງຈາກຜ່ານໄປຫຼາຍເດືອນກ່ອນທີ່ອາການຂອງນາງທີ່ຢູ່ໃນຫ້ອງເດັກເກີດໃໝ່ໄລຍະວິກິດ (NICU) ຈະມີອາການດີຂຶ້ນຕາມລຳດັບ. ທີມແພດໄດ້ເຮັດການດູແລນາງ ເຢ່ເຢ່ ເຖິງ 88 ວັນ...

ຈີນທຸ່ມງົບແຈກເຮືອນໃຫ້ຄົນທຸກກວ່າ 140.000 ຄົນ

ຊິນຈຽງ ໄດ້ຈັດສັນທີ່ຢູ່ອາໄສໃໝ່ໃຫ້ຊາວນາ ແລະ ຄົນລ້ຽງສັດທີ່ມີຖານະທຸກຍາກກວ່າ 140.000 ຄົນ ຫວັງກຳຈັດຄວາມທຸກຍາກໃຫ້ໝົດໄປຈາກພື້ນທີ່ພາຍໃນປີ 2020 ນີ້. ສຳນັກຂ່າວຊິນຫົວລາຍງານວ່າ ເພື່ອໃຫ້ບັນລຸພາລະກິດກຳຈັດຄວາມທຸກຍາກໃຫ້ໝົດໄປຢ່າງສົມບູນພາຍໃນປີ 2020 ດັ່ງນັ້ນ ເຂດປົກຄອງຕົນເອງຊິນຈຽງອຸຍກູ ຈຶ່ງໄດ້ຊ່ວຍເຫຼືອບັນດາຊາວກະສິກຳ ແລະ ກຸ່ມຄົນລ້ຽງສັດທີ່ມີຖານະທຸກຍາກຈຳນວນຫຼາຍໃຫ້ຍ້າຍອອກຈາກພື້ນທີ່ເຂດພູ ແລະ ທະເລທີ່ຫ່າງໄກເຂົ້າມາອາໄສຢູ່ບໍລິເວນທົ່ງພຽງ ແລະ ໂອເອຊິສ ເພື່ອໃຫ້ມີຕົ້ນທຶນຊີວິດດີຂຶ້ນ ພ້ອມນີ້ ກໍຈະເປັນການເອື້ອຍອຳນວຍຕໍ່ການຫາລ້ຽງຊີບ ແລະ...

ຈາກາຕາອາດຈົມທະເລ! ອິນໂດເນເຊຍປະກາດຍ້າຍເມືອງຫຼວງໄປບ່ອນໃໝ່

ປະທານາທິບໍດີ ໂຈໂກ ວິໂດໂດ ຜູ້ນໍຳອິນໂດເນເຊຍໄດ້ຖະແຫຼງການຕໍ່ປະຊາຊົນອິນໂດເນເຊຍເຖິງການຈັດຕັ້ງເມືອງຫຼວງແຫ່ງໃໝ່ຂອງປະເທດແທນນະຄອນຫຼວງຈາກາຕາທີ່ພວມປະສົບກັບບັນຫາຫຼາຍດ້ານ ທັງການຈະລະຈອນ ມົນລະພິດ ລວມເຖິງບັນຫາຫຼັກທາງທໍລະນິວິທະຍາທີ່ມີການສຳຫຼວດຢ່າງບໍ່ເປັນທາງການຊຶ່ງພົບວ່າ ນະຄອນຫຼວງຈາກາຕາມີໂອກາດເກີດການຢຸບໂຕຂອງແຜ່ນ ດິນໄຫວຕິດອັນດັບໂລກ. ປັດຈຸບັນ ກໍະລນີຕົວເມືອງຢຸບໂຕແມ່ນເກີດຂຶ້ນໃນຫຼາຍແຫ່ງທົ່ວໂລກ ຊຶ່ງແຕ່ລະບ່ອນກໍເກີດຈາກຫຼາກຫຼາຍປັດໄຈທີ່ແຕກຕ່າງກັນ ທັງນີ້ ເມືອງທີ່ມີເປີເຊັນຢຸບໂຕໄວທີ່ສຸດໃນໂລກປະກອບມີ ນະຄອນຮິວຕັນ ລັດເທັກຊັສຂອງອາເມຣິກາ ນະຄອນລາກອສຂອງໄນຈີເຣຍ ນະຄອນນິວອໍລິນ ລັດຫຼຸຍເຊຍນາ ອາເມຣິກາ ນະຄອນປັກກິ່ງ ສປ ຈີນ ນະຄອນວໍຊິງຕັນດີຊີ ອາເມຣິກາ.     ຮຽບຮຽງຂ່າວ:...

ຈີນເກັບຄ່າຊົມສ້ວມຄຳແທ້ 3 ນາທີມູນຄ່າເກືອບ 3 ແສນກີບ

ສຳນັກຂ່າວຊິນຫົວລາຍງານວ່າ ສ້ອມຄຳແທ້ 18 ກາຣັດຈາກພິພິດທະພັນກຸກເກນໄຮ (Guggenheim Museum) ໃນນະຄອນນິວຢອກຂອງອາເມຣິກາຈະຖືກນຳມາວາງສະແດງໃນເດືອນກັນຍາ 2019 ທີ່ຈະມາເຖິງນີ້ ສຳລັບຄົນທີ່ຈະເຂົ້າຊົມແມ່ນຈະຕ້ອງຈ່າຍເງິນຈຳນວນ 287.000 ກີບ ຊຶ່ງສາມາດເບິ່ງໄດ້ພຽງແຕ່ 3 ນາທີເທົ່ານັ້ນ. ສ້ອມຄຳທີ່ວ່ານີ້ມີຊື່ວ່າ America ເປັນຜົນງານຂອງ ເມົາຣິສຊິໂອ ຄັດເຕລານ (Maurizio Cattelan) ສິລະປິນຮ່ວມສະໄໝຊາວອີຕາລີ ສ້າງຂຶ້ນໂດຍມີຈຸດປະສົງເພື່ອປະຊົດຄວາມອຸດົມຮັ່ງມີທາງວັດຖຸ ແລະ...

ອົສຕຣາລີຊອກແຮງງານສີມືດີທົ່ວໂລກເຮັດວຽກເພື່ອແລກກັບວີຊ່າຖາວອນ

ລັດຖະບານອົສຕຣາລີຈັດໂຄງການໃໝ່ທີ່ມີຊື່ວ່າ Global Talent Independent Program ຫຼື GTIP ເພື່ອຊອກຫາແຮງ ງານຕ່າງຊາດທີ່ມີທັກສະ ແລະ ສີມີດີຈຳນວນ 5.000 ຄົນໃນຫຼາຍສາຂາອາຊີບຈາກທົ່ວໂລກເພື່ອມາເຮັດວຽກຢູ່ພາຍໃນປະເທດ ໂດຍໃຊ້ວິທີຄົ້ນຫາໃນກຸ່ມຄົນເປົ້າໝາຍທີ່ຈະເອົາມາເຮັດວຽກນຳແທນການເປີດຮັບສະໝັກ ແລະ ຜົນຕອບແທນທີ່ບັນດາແຮງງານຈະໄດ້ກໍຄື ການໄດ້ຮັບວີຊ່າແບບຖາວອນໃນອົສຕຣາລີ. ຖະແຫຼງການຂອງລັດຖະບານອົສຕຣາລີລະບຸວ່າ ສິ່ງທີ່ລັດຖະບານຕ້ອງການແມ່ນເພື່ອດຶງດູດແຮງງານທີ່ມີທັກສະສູງຈາກທົ່ວໂລກໃຫ້ເຂົ້າມາເຮັດວຽກ ຊຶ່ງໂຄງການນີ້ມີຈຸດເດັ່ນຢູ່ບ່ອນວ່າ ບໍ່ຕ້ອງລໍຖ້າແຮງງານເຫຼົ່ານັ້ນເຂົ້າມາສະໝັກ ແຕ່ລັດຖະບານຈະມີໜ່ວຍງານທີ່ໄປອອກໄປຄົ້ນຫາແຮງງານທີ່ມີສີມືດີເຫຼົ່ານັ້ນດ້ວຍຕົນເອງ. ນອກຈາກນີ້ ການດຶງແຮງງານທັກສະສູງຈາກຕ່າງຊາດຈະເປັນຜົນດີຕໍ່ຄົນອົສຕຣາລີ ໂດຍບັນດາແຮງງານທີ່ໄດ້ຮັບເລືອກຈະໄດ້ຮຽນຮູ້ດ້ານທັກສະຕ່າງໆເພີ່ມຕື່ມເພື່ອພັດທະນາປະເທດໄປພ້ອມໆກັນ. ຮຽບຮຽງຂ່າວ:​ບຸດສະດີ ສາຍນໍ້າມັດ ແຫຼ່ງຂໍ້ມູນ:...
error: Content is protected !!