spot_img
Homeຂ່າວທ້ອງຖິ່ນເຈົ້າໜ້າທີ່ເລັ່ງຫາສາເຫດປາຕາຍ 4 ບ້ານໃນແຂວງຫົວພັນ

ເຈົ້າໜ້າທີ່ເລັ່ງຫາສາເຫດປາຕາຍ 4 ບ້ານໃນແຂວງຫົວພັນ

Published on

ຈາກກໍລະນີ ທີ່ສື່ສັງຄົມອອນລາຍໃຫ້ຄວາມສົນໃຈຢ່າງຫຼວງຫຼາຍກ່ຽວກັບ ບັນຫາມີປາຕາຍຈໍານວນຫລາຍຢູ່ເຂດບ້ານກໍຝຸງ ເມືອງກວັນ ແຂວງຫົວພັນ ເຮັດໃຫ້ຜູ້ຄົນຕາງສະແດງຄວາມຄິດເຫັນ ແລະ ຕັ້ງຄຳຖາມເຖິງສາເຫດຂອງປາທີ່ຕາຍ.

ຕໍ່ບັນຫາດັ່ງກ່າວ, ທ່ານ ພອນສິນ ພົມປານດາ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງຫົວພັນ ໄດ້ຊີ້ແຈງຜ່ານລາຍການຮອບບ້ານຜ່ານເມືອງ ຂອງສະຖານີວິທະຍຸກະຈາຍສຽງແຫ່ງຊາດລາວ ໃນວັນທີ 1 ເມສາ 2024 ນີ້ວ່າ: ຂ່າວດັ່ງກ່າວມີມູນຄວາມຈິງແທ້ ເນື່ອງຈາກໃນວັນທີ 30 ມີນາຜ່ານມາ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ໄດ້ສົ່ງວິຊາການທີ່ກ່ຽວຂ້ອງໄປເຄື່ອນໄຫວກວດກາຕົວຈິງເຫັນວ່າ ເຫດການປາຕາຍ ແມ່ນເກີດຂຶ້ນແຕ່ວັນທີ 29 ມີນາ ຢູ່ສາຍນໍ້າເຢື້ອງ ກວມເອົາ 4 ບ້ານ ຄື: ບ້ານກໍຝຸງ, ສັນຄູນ, ທ່າຄວາຍ ແລະ ບ້ານບວກ. ແຕ່ປັດຈຸບັນ, ຍັງບໍ່ທັນຮູ້ກ່ຽວກັບສາເຫດທີ່ເຮັດໃຫ້ປາຕາຍເທື່ອ ເນື່ອງຈາກວິຊາການທີ່ໄປກວດກາຕົວຈິງບໍ່ທັນມີເຄື່ອງມືວັດແທກຄຸນນະພາບຂອງນໍ້າ, ແຕ່ໃນຂອບເຂດທີ່ໃກ້ຄຽງ ແມ່ນເຄີຍມີການສໍາຫລວດແຮ່ເຫລັກມາແຕ່ດົນແລ້ວ ແຕ່ຍັງບໍ່ທັນໄດ້ມີການເຄື່ອນໄຫວຂຸດຄົ້ນຫຍັງເທື່ອ.

ທ່ານ ພອນສິນ ພົມປານດາ ຍັງໃຫ້ຮູ້ຕື່ມວ່າ: ໃນຕອນບ່າຍວັນທີ 1 ເມສານີ້, ທີມງານທີ່ກ່ຽວ ຂ້ອງຂອງແຂວງ ໄດ້ນໍາເອົາເຄື່ອງໄປກວດຄຸນນະພາບຂອງນໍ້າ ຄາດວ່າຈະຮູ້ຜົນລະອຽດໃນໄວໆນີ້, ປັດຈຸບັນ ຫ້ອງການຊັບພະຍາກອນທໍາມະຊາດ ແລະ ສິ່ງແວດ ລ້ອມເມືອງກວັນ ໄດ້ແຈ້ງໄປຫາປະຊາຊົນໃນຂອບເຂດທີ່ມີປາຕາຍ ຫ້າມເອົາປາທີ່ຕາຍໄປບໍລິໂພກ, ລວມເຖິງຫ້າມນໍາໃຊ້ນໍ້າຢູ່ເຂດດັ່ງກ່າວໃນໄລຍະນີ້ ເພື່ອຮັບປະກັນຄວາມປອດໄພ ຈົນກວ່າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ຈະຮູ້ລະອຽດກ່ຽວກັບສາເຫດຂອງປາຕາຍທີ່ເກີດຂຶ້ນຢູ່ 4 ບ້ານຂອງເມືອງກວັນ ໃນຄັ້ງນີ້.

ແຫຼ່ງຂ່າວ: ຂປລ

ບົດຄວາມຫຼ້າສຸດ

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...

ປະຊາຊົນຊາວອາເມລິກາລວມຕົວກັນຕາມເມືອງໃຫຍ່ ກວ່າ 50 ລັດ ປະທ້ວງຕໍ່ຕ້ານ ໂດນັລ ທຣຳ ຜູ້ນຳສະຫະລັດ

ຊາວອາເມລິກາລວມຕົວກັນຕາມເມືອງໃຫຍ່ ແລະ ສະຖານທີ່ຕ່າງໆ ເພື່ອປະທ້ວງຕໍ່ຕ້ານ ປະທານາທິບໍດີ ໂດນັລ ທຣຳ ແລະ ອີລອນ ມັສ. ສຳນັກຂ່າວຕ່າງປະເທດລາຍງານໃນວັນທີ 6 ເມສາ 2025 ຜ່ານມານີ້ວ່າ:...