ໜ້າທຳອິດ Tags ຂ່າວປະເທດລາວ

ໂຄດ​ຄໍາ​ສັ່ງ: ຂ່າວປະເທດລາວ

ລັດຖະມົນຕີຕ່າງປະເທດລາວ ພົບປະກັບຄູ່ຮ່ວມຕຳແໜ່ງປະເທດເພື່ອນມິດ ຢູ່ນະຄອນຫລວງມານີລາ

ຂປລ. ໃນລະຫວ່າງການເຂົ້າຮ່ວມ ກອງປະຊຸມລັດຖະມົນຕີຕ່າງປະເທດອາຊຽນ (AMM) ຄັ້ງທີ 50 ແລະ ກອງປະຊຸມອື່ນໆ ທີ່ກ່ຽວຂ້ອງທີ່ນະຄອນຫລວງມານີລາ ປະເທດຟິລິບປິນ ແຕ່ວັນທີ 4-8 ສິງຫາ 2017, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ພົບປະກັບຄູ່ຮ່ວມຕຳແໜ່ງ ຈາກປະເທດເພື່ອນມິດຈຳນວນໜຶ່ງ. ​ໃນ​ນີ້, ​ໄດ້​ພົບ​ປະ​ກັບ ທ່ານ ຟ້າ​ມ ບິ່ງ ມິ​ງ, ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ຕ່າງປະ​ເທດ ​ແຫ່ງ ສສ ຫວຽດນາມ ພ້ອມ​ດ້ວຍ​ຄະນະ ​ໃນ​ວັນ​ທີ...

ເລີ່ມທາບທາມຮ່າງດຳລັດ ວ່າດ້ວຍການຄຸ້ມຄອງ ແລະ ນຳໃຊ້ລົດຂອງລັດ

ຂປລ. ​ໃນວັນທີ 4 ສິງຫານີ້, ທີ່ຫໍວັດທະນະທຳແຫ່ງຊາດ ໂດຍການເປັນປະທານ ຂອງທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ທັງເປັນຫົວໜ້າຄະນະຮັບຜິດຊອບຊີ້ນຳລວມ ວຽກງານຄົ້ນຄວ້າ ຮ່າງດຳລັດວ່າດ້ວຍການຄຸ້ມຄອງ ແລະ ນຳໃຊ້ລົດຂອງລັດ, ຊຶ່ງມີບັນດາແຂກຖືກເຊີນຈາກກະຊວງ-ອົງການຈັດຕັ້ງຂັ້ນຕ່າງໆ ອ້ອມຂ້າງສູນກາງກະຊວງການເງິນ ໄດ້ຈັດກອງ ປະຊຸມທາບທາມ ຕໍ່ຮ່າງດຳລັດວ່າດ້ວຍການຄຸ້ມຄອງ ແລະ ນຳໃຊ້ລົດບາງແຂວງພາກກາງ ຕະຫລອດຮອດພາກສ່ວນກ່ຽວຂ້ອງເຂົ້າຮ່ວມ. ​ກອງປະຊຸມຄັ້ງນີ້, ຈັດຂຶ້ນເພື່ອເປັນການລະດົມຄວາມຄິດເຫັນຈາກບັນດາກະຊວງ, ອົງການທຽບເທົ່າ, ແຂວງ, ນະຄອນຫລວງ ແລະ ພາກສ່ວນກ່ຽວຂ້ອງໃສ່ຮ່າງດຳລັດ...

ສານຂອງນາຍົກລັດຖະມົນຕີ ໃນໂອກາດຄົບຮອບ 50 ປີ ອາຊຽນ ແລະ 20 ປີ ສປປ ລາວ ເຂົ້າເປັນສະມາຊິກອາຊຽນ

ພໍ່ແມ່ພີ່ນ້ອງ ປວງຊົນລາວ ທົ່ວປະເທດ ທີ່ເຄົາລົບ ແລະ ຮັກແພງທັງຫລາຍ! ປີ 2017 ນີ້ ເປັນປີສຳຄັນທາງປະຫວັດສາດ ຊຶ່ງແມ່ນປີ ຄົບຮອບ 50 ປີ ແຫ່ງການສ້າງຕັ້ງສະມາຄົມບັນດາປະຊາຊາດອາຊີຕາເວັນອອກສ່ຽງໃຕ້ ຫລື ອາຊຽນ (8 ສິງຫາ 1967-8 ສິງຫາ 2017) ແລະ ເປັນປີຄົບຮອບ 20 ປີ ທີ່ ສປປ ລາວ ເຂົ້າເປັນສະມາຊິກອາຊຽນ (23 ກໍລະກົດ 1997 - 23 ກໍລະກົດ 2017). ຂ້າພະເຈົ້າ ຂໍຖືໂອກາດນີ້ ຕາງໜ້າລັດຖະບານ ແຫ່ງ...

ສະເຫລີມສະຫລອງ ວັນສ້າງຕັ້ງອົງການກວດສອບແຫ່ງລັດ ຄົບຮອບ 19 ປີ

ຂປລ. ​ໃນວັນທີ 4 ສິງຫາ ທີ່ຫ້ອງປະຊຸມໃຫຍ່ ອົງການກວດສອບແຫ່ງລັດ ໄດ້ຈັດຕັ້ງພິທີສະເຫລີມສະຫລອງ ອົງການກວດສອບແຫ່ງລັດ ຄົບຮອບ19 ປີ (ວັນທີ 5 ສິງຫາ 1998-5 ສິງຫາ 2017), ໂດຍເປັນກຽດເຂົ້າຮ່ວມຂອງ ທ່ານ ພົນໂທ ແສງນວນ ໄຊຍະລາດ ຄະນະເລຂາທິການ ສູນກາງພັກ, ຮອງປະທານສະພາແຫ່ງຊາດ, ເຂົ້າຮ່ວມເປັນຄະນະປະທານໃນຄັ້ງນີ້ ມີ ທ່ານ ນາງ ວຽງທອງ ສີພັນດອນ ກຳມະການສູນກາງພັກ ເລຂາຄະນະພັກ, ປະທານອົງການກວດສອບແຫ່ງລັດ, ພ້ອມ​ດ້ວຍພາກສ່ວນກ່ຽວຂ້ອງເຂົ້າຮ່ວມ. ພິທີດັ່ງກ່າວ, ໄດ້ຮັບຟັງການຫວນຄືນປະຫວັດການກຳເນີດ...

ຄະນະເລຂາທິການສະພາແຫ່ງຊາດ ຕີລາຄາຄືນວຽກງານ 6 ເດືອນຕົ້ນປີ 2017

ຂປລ. ​ໃນ​ວັນ​ທີ 4 ສິງຫາ 2017 ນີ້ ຄະນະ​ເລຂາສະພາ​ແຫ່ງ​ຊາດ ​ໄດ້​ຈັດ​ກອງ​ປະຊຸມ​ສະຫລຸບ​ຕີ​ລາຄາ​ກາ​ນ​ເຄື່ອນ​ໄຫວ​ວຽກ​ງານ 6 ​ເດືອນຕົ້ນ​ປີ ​ແລະ ​ແຜນການ​ເຄື່ອນ​ໄຫວ​ 6 ​ເດືອນ​ທ້າຍ​ປີ 2017 ​​ໂດຍ​ການ​ເປັນ​ປະ​ທານ​ຂອງ​ ທ່ານ ນາງ ສວນ​ສະຫວັນ ວິ​ຍາ​ເກດ ​ເລຂາທິການ​ສະພາ​ແຫ່ງ​ຊາດ, ມີ​ທ່ານ ນາງ ສີ​ໃສ...

ຄະນະຜູ້ແທນລາວ ສືບຕໍ່ຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ທີ່ປະເທດຟີລິບປິນ

ທ່ານ ທອງ​ຜ່ານ ສະ​ຫວັນ​ເພັດ, ຮອງ​ລັດ​ຖະ​ມົນ​ຕີກະ​ຊວງ​ການ​ຕ່າງ​ປະ​ເທດ ທັງ​ເປັນ​ຫົວ​ໜ້າ​ເຈົ້າ​ໜ້າ​ທີ່​ອາ​ວຸ​ໂສ​ອາ​ຊຽນ ຂອງ ສ​ປ​ປ ລາວ ໄດ້​ສືບຕໍ່ເຂົ້າ​ຮ່ວມກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ​ອາ​ຊຽນ​ບວກ​ສາມ (ສປ.ຈີ​ນ, ຍີ່​ປຸ່ນ, ສ. ເກົາຫລີ) ແລະ ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ ອີ​ເອ​ເອ​ສ (ອົດ​ສ​ຕ​ຣາ​ລີ, ສ​ປ. ຈີນ, ຍີ່​ປຸ່ນ, ອິນ​ເດຍ, ນິວ​ຊີ​ແລນ, ສ.ເກົາຫລີ, ລັດ​ເຊຍ ແລະ ສະ​ຫະ​ລັດ ອາ​ເມ​ຣິ​ກາ), ກອງປະຊຸມຄະນະກໍາມາທິການເຂດປອດອາວຸດນິວເຄລຍ ໃນອາຊີຕາເວັນອອກສ່ຽງໃຕ້ ແລະ...

ບັນຫາລະເບີດຕົກຄ້າງ ຍັງເປັນໄພຂົ່ມຂູ່ ຕໍ່ການພັດທະນາຂອງລາວ

ຂປລ. ສປປ ລາວ ​ເປັນ​ປະ​ເທດ​ໜຶ່ງ​ທີ່ໄດ້​ຮັບ​ຜົນ​ກະທົບ​ຈາກ​ລະ​ເບີດ​ບໍ່​ທັນ​ແຕກ​ ​ເຊິ່ງໃນ​ຫລາຍ​ປີຜ່ານມາ​ ມີ​ຜູ້​ໄດ້​ຮັບເຄາະ​ຮ້າຍບາດ​ເຈັບ ​ແລະ ​ເສຍ​ຊີ​ວິດ​ ຈາກ​ລະ​ເບີດ​ບໍ່​ທັນແຕກ​ເປັນ​ຈໍານວນ​ຫລາຍ, ​ສະ​ເພາະ​ປີ 2017 ​ນີ້​ ໄດ້ມີ​ຜູ້​ຮັບເຄາະຮ້າຍຈາກ​ລະ​ເບີດບໍ່ທັນ​ແຕກ​ແລ້ວ 20 ກວ່າ​ຄົນ. ສໍາລັບ​ປີ​ຜ່ານ​ມາ​ມີ​ຜູ້​ບາດ​ເຈັບ ຫລື ​ເສຍ​ຊີວິດ​ແລ້ວ​ເກືອບ 60 ​ຄົນ. ນັກວິຊາການ​ໄດ້​ຄາດ​ວ່າ 30% ຂອງ​ລະ​ເບີດ​ລູກ​ຫວ່ານ ທັງ​ໝົດ...

ແຂວງຊຽງຂວາງ-ກະຊວງ ຖວທ ຫາລືກຽມສະເໜີແຫລ່ງໄຫຫີນ 11 ແຫ່ງ ເປັນມໍລະດົກໂລກ

ຂປລ. ໃນ​ວັນ​ທີ 2 ສິງຫາ 2017 ນີ້, ​ແຂວງ​ຊຽງ​ຂວາງ ຮ່ວມ​ກັບກົມ​ມໍ​ລະ​ດົກ ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ດຳ​ເນີນກອງ​ປະ​ຊຸມ​ປຶ​ກ​ສາ​ຫາ​ລື​ ​ເພື່ອ​ກະກຽມ​ນຳ​ສະ​ເໜີ​ ແຫລ່ງ​ໄຫ​ຫີນ​ ຈຳນວນ 11 ແຫ່ງ ​ເຊິ່ງມີ​ໄຫ​ຫີນທັງ​ໝົດ 999 ໜ່ວຍ​ ​ເຂົ້າ​ເປັນ​ມໍລະດົກ​ໂລກ. ພາຍ​ໃຕ້​ການ​ເປັນ​ປະທານ ຂອງ ທ່ານ ບົວ​ສ​ອນ ສີ​ນວນ​ທອງ ຮອງ​ເຈົ້າ​ແຂວງ​ຊຽງ​ຂວາງ, ຜູ້​ຊີ້​ນຳ​ວຽກ​ງານ...

ສອງກະຊວງແຜນການ ແລະ ການລົງທຶນ ລາວ-ຫວຽດນາມ ແລກປ່ຽນບົດຮຽນທາງວິຊາການ

ຂປລ.​ໃນ​ທ້າຍ​ເດືອນກໍລະກົດ ຜ່ານ​ມາ​ນີ້, ​ ກະຊວງແຜນການ ​ແລະ ການ​ລົງທຶນ ສປປ ລາວ ແລະ ສສ ຫວຽດນາມ ໄດ້​ຈັດກອງປະຊຸມພົບປະແລກປ່ຽນທາງດ້ານວິຊາການ ຂຶ້ນທີ່ນະຄອນດານັງ ສສ ຫວຽດນາມ ເພື່ອ​ສືບ​ຕໍ່ເສີມ​ຂະຫຍາຍສາຍ​ພົວພັນ​ມິດຕະພາບທີ່​ເປັນ​ມູນ​ເຊື້ອ, ຄວາມ​ສາມັກຄີ​ພິ​​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ​ສອງ​ຊາດ ​ລາວ-ຫວຽດນາມ, ພ້ອມ​ນັ້ນສອງ​ກະຊວງ​​ໄດ້​ເຫັນ​ດີ ​ແລະ ​ເປັນ​ເອກະ​ພາບ​ລົງ​ນາມ...

ສາທາລະນະສຸກແຂວງຄຳມ່ວນ ສ້າງນັກສຶກສາວິຊາຊີບ ສາຂາແພດບ້ານ ສຳເລັດ 25 ຄົນ

ຂປລ. ນັກ​ສຶກສາ​ໂຮງຮຽນສາທາລະນະ​ສຸກ ​ແຂວງ​ຄຳ​ມ່ວນ ຈຳນວນ 25 ຄົນ, ຍິງ 16 ຄົນ ​ສຳ​ລັດການຈັດ​ຕັ້ງ​ປະຕິບັດ ການ​ຮຽນ-ການ​ສອນ ຫລັກສູດ​ປະກາສະ​ນີຍະ​ບັດ​ວິຊາ​ຊີບ​ຂັ້ນ 1 ສາຂາ​ແພດ​ບ້ານ ​ໂດຍ​ໄດ້​ຈັດ​ພິທີ​ມອບ​-ຮັບ​ໃບ​ປະກາສະນີຍະບັດ ​ໃນ​ວັນ​ທີ 1 ສິງຫາ 2017 ​ເຊິ່ງມອບ​ໂດຍ ​ທ່ານ ພາ​ສຸກ ຄຳ​ມະນີ​ທອງ ຮອງ​ຫົວໜ້າພະ​ແນ​ກສາທາລະນະ​ສຸກ ​ແຂວງ​ຄຳ​ມ່ວນ. ການຈັດ​ຕັ້ງ​ປະຕິບັດ ການ​ຮຽນ-ການ​ສອນ ຫລັກສູດ​ປະກາສະ​ນິຍະ​ບັດ​ ວິຊາ​ຊີບ​ຂັ້ນ 1 ສາຂາ​ແພດ​ບ້ານ ​ແມ່ນ​ໃຊ້​ເວລາ​ໃນ​ການ​ຮຽນ-ການ​ສອນ 6 ​ເດືອນ, ​ແບ່ງ​ອອກ​​ເປັນ​ສອງ​ພາກຮຽນ, ປະກອບ​ມີ 16 ໜ່ວຍກິດ ​ໃນ​ນັ້ນ​ມີ​ພາກ​ປະຕິບັດ 8 ໜ່ວຍກິດ ​ເທົ່າ​ກັບ 384 ຊົ່ວ​ໂມງ ​ແລະ ພາກ​ທິດ​ສະ​ດີ 8 ໜ່ວຍກິດ ​ເທົ່າ​ກັບ 160 ຊົ່ວ​ໂມງ. ຜ່ານ​ການຈັດ​ຕັ້ງ​ປະຕິບັດ​ ການ​ຮຽນ-ການ​ສອນ ສຳ​ເລັດ​ທັງ​ພາກ​ທິດ​ສະ​ດີ ​ແລະ ​ໄດ້​ລົງພາກ​ປະຕິບັດ​ຕົວ​ຈິງ​ຢູ່​ໂຮງໝໍ  ​ແລະ ​ໄດ້​ມີ​ການ​ສອບ​ເສັງເອົາ​ປະກາສະ​ນີຍະ​ບັດ. ຜ່ານ​ການ​ສອບ​ເສັງ​ເຫັນ​ວ່າ​ ນັກ​ສຶກສາ​ຈໍານ​ວນດັ່ງກ່າວ​ ແມ່ນ​ເສັງ​ຜ່ານ​ໝົດ​ທຸກ​ວິຊາ.   ແຫລ່ງຂ່າວ: ຂປລ  

ສປປ ລາວ ກຽມເຈລະຈາຄັ້ງທີ 2 ກັບສະຫະພາບເອີຣົບ ສົ່ງເສີມການຄ້າໄມ້ຖືກກົດໝາຍ

ຂປລ. ບັນດາ​ຕົວ​ແທນ​ຈາກ​ພາກລັດ, ອົງການ​ຈັດ​ຕັ້ງ​ທາງ​ສັງຄົມ ​ແລະ ຂະ​ແໜງ​ອຸດສາ​ຫະກຳ​ປຸງ​ແຕ່ງ​ໄມ້​ ໄດ້​​ເຂົ້າກອງ​ປະຊຸມ​ວິຊາ​ການ ​ເຊິ່ງຈັດ​ຂຶ້ນ ໃນ​ວັນ​ທີ 2 ສິງຫາ 2017 ນີ້ ຢູ່​ນະຄອນຫລວງ​ວຽງ​ຈັນ ​ເພື່ອ​ປຶກສາ​ຫາລື ​ແລະ ກະກຽມ​ໃນ​ການເຈລະຈາ​ເປັນ​ຄັ້ງ​​ທີ 2 ກັບ​ສະຫະພາບ​ເອີຣົບ ​​​ກ່ຽວກັບ​ຂໍ້​ຕົກລົງ​ການ​ເຂົ້າ​ເປັນ​ຄູ່​ຮ່ວມ​ສັນຍາ​ການ​ຄ້າ​ແບບ​ສະໝັກ​ໃຈ, ພາຍ​ໃຕ້​ແຜນ​ງານການຈັດ​ຕັ້ງ​ປະຕິບັດ​ກົດໝາຍ, ການ​ຄຸ້ມ​ຄອງ ​ແລະ ການ​ຄ້າ​ໄມ້​​ ລະຫວ່າງ​ລາວ-​ສະຫະພາບ​ເອີຣົບ ເພື່ອ​ສົ່ງ​ເສີມ​ການ​ຄ້າ​ໄມ້​ທີ່​ຖືກ​ກົດໝາຍ. ທ່ານ ຊູ​ຊາດ ​ໄຊ​ຍະ​ກຸມມານ ຫົວໜ້າ​ກົມ​ປ່າ​ໄມ້ ກະຊວງ​ກະສິກໍາ​-ປ່າ​ໄມ້​ ກ່າວ​ວ່າ: ຜ່ານ​ມາຂະ​ແໜງການ​ທີ່​ກ່ຽວຂ້ອງ ກັບ​ວຽກງານ​ປ່າ​ໄມ້ຂອງ​ລາວ ​ໄດ້​ມີ​ຄວາມ​ຄືບໜ້າ​ໃນ​ການ​ປັບປຸງ ນິຍາມ​ໄມ້​ທີ່​ຖືກ​ກົດໝາຍ ​ເພື່ອ​ເປັນ​ບາດກ້າວ​ສຳຄັນ ທີ່​ຈະ​ກ້າວ​ເຂົ້າ​ສູ່​ຕະຫລາດ ​ສະຫະພາບ​ເອີຣົບ ​ເຊິ່ງ​ເປັນ​ຂອດ​ທີ່​ຈຳ​ເປັນ ເພາະ​ອີງຕາມ​ລະບຽບກົດໝາຍ ​ແມ່ນ​ຫ້າມນຳ​ເຂົ້າ ​ແລະ ຂາຍ​ໄມ້​ທີ່​ຜິດ​ກົດໝາຍ ​ໃນ​ຕະຫລາດສະຫະພາບ​ເອີຣົບ. ສະ​ນັ້ນ ນິຍາມ​ທີ່​ຖືກຕ້ອງ​ຕາມ​ກົດໝາຍ ຈະ​ສະ​ແດງ​ໃຫ້​ເຫັນ​ເຖິງການ​ຄຸ້ມ​ຄອງປ່າ​ໄມ້​ທີ່​ດີ ​ແລະ ການ​ບໍລິຫານ​ຈັດການ​ໄມ້​ແບບ​ຍືນ​ຍົງ ​ເຊິ່ງຈະ​ສົ່ງ​ຜົນ​ດີ​ຕໍ່​ການ​ເພີ່ມ​ຂຶ້ນ​ຂອງ​ເນື້ອ​ທີ່​ປົກ​ຫຸ້ມປ່າ​ໄມ້​​ ໃນ​ລາວໃຫ້​ໄດ້​ເຖິງ 70% ດັ່ງ​ທີ່​ໄດ້​ລະບຸ​ໄວ້​ ໃນ​ແຜນ​ຍຸດ​ທະ​ສາດ​ປ່າ​ໄມ້​ ປີ 2020. ພາຍ​ໃຕ້​ແຜນ​ງານ​ການຈັດ​ຕັ້ງ​ປະຕິບັດ​ກົດໝາຍ, ການ​ຄຸ້ມ​ຄອງ ​ແລະ ການ​ຄ້າ​ໄມ້​​ ຂອງສອງ​ຝ່າຍ​ ​ໂດຍ​ສະ​ເພາະ​ແມ່ນ ​ການ​ປັບປຸງ​ວຽກ​ງານ​ການ​ເຄື່ອນ​ຍ້າຍ​ຂອງ​ໄມ້​ ໃນ​ບັນດາ​ແຂວງ​ທົດ​ລອງ​ຕ່າງໆ​​ແມ່ນຈະ​ຊ່ວຍ​ບັນລຸ​ເປົ້າ​ໝາຍ​ໂດຍ​ລວມ ຂອງ​ຄໍາ​ສັ່ງ​​ເລກທີ 15/ນຍ ອີກ​ດ້ວຍ. ທ່ານ ຊູ​ຊາດ ​ໄຊ​ຍະ​ກຸມມານ​ ກ່າວ​ອີກ​ວ່າ: ​ແຜນ​ງານ​ດັ່ງກ່າວ ໄດ້ຮັບ​ການ​ລິ​ເລີ່​ມ​ໂດຍ​ລັດຖະບານ​ແຫ່ງ ສປປ ລາວ ​ແລະ ພາກສ່ວນ​ກ່ຽວຂ້ອງ​ທັງ​ພາຍ​ໃນ ​ແລະ ຕ່າງປະ​ເທດ ​ທີ່​ມີ​ເປົ້າ​ໝາຍ​ໃນ​ການ​ສົ່ງ​ເສີມ​ການ​ຄຸ້ມ​ຄອງ​ປ່າ​ໄມ້​ທີ່​ດີ ​ແລະ ການ​ຫລຸດຜ່ອນ​ການ​ຕັດ​ໄມ້​ທີ່​ຜິດ​ກົດໝາຍ ​ໃນ​ປະ​ເທດ​ລາວ.ສຳລັບຂໍ້​ຕົກລົງ​ ການ​ເຂົ້າ​ເປັນ​ຄູ່​ຮ່ວມ​ສັນຍາ​ການ​ຄ້າ​ແບບ​ສະໝັກ​ໃຈ ​ເຊິ່ງ​ເປັນ​ຂໍ້​ຕົກລົງ​ການ​ຄ້າ​ສອງ​ຝ່າຍ​ລະຫວ່າງ ສະຫະພາບ​ເອີຣົບ ​ແລະ ປະ​ເທດ​ທີ່​ຜະລິດ​ໄມ້ເພື່ອ​ສົ່ງ​ອອກ​, ​ເປົ້າໝາຍສຳຄັນ​ແມ່ນ​ແກ້​ໄຂ​ການ​ຕັດ​ໄມ້​ທີ່​ຜິ​ດກົດໝາຍ ແລະ ສົ່​ງເສີມການ​ຄ້າຜະລິດ​ຕະພັນ​ໄມ້ ​ທີ່​ຖືກຕ້ອງ​ຕາມ​ກົດໝາຍ.   ແຫລ່ງຂ່າວ: ຂປລ

ກົມກອງລວມໝູ່ແຂວງເຊິນລາ ຫວຽດນາມ ໄດ້ຮັບຫລຽນໄຊມິດຕະພາບຈາກ ປະທານປະເທດ ແຫ່ງ ສປປ ລາວ

ເຊົ້າວັນທີ 31 ກໍລະກົດ 2017 ຜ່ານມານີ້, ແຂວງເຊີນລາ ສສ. ຫວຽດນາມ ໄດ້ຈັດພິທີຮັບຫລຽນໄຊມິດຕະພາບ ຂອງປະທານປະເທດ ແຫ່ງ ສປປ ລາວ ໃຫ້ກົມກອງລວມໝູ່ຂອງແຂວງເຊີນລາ. ເຂົ້າຮ່ວມພິທີ ມີທີ່ປຶກສາຝ່າຍສຶກສາວັດທະນະທຳ ຕາງໜ້າໃຫ້ສະຖານທູດລາວ ປະຈຳ ສສ ຫວຽດນາມ, ມີບັນດາຜູ້ຕາງໜ້າຈາກ 8 ແຂວງພາກເໜືອ ສປປ ລາວ,...