6 ເດືອນຕົ້ນປີຈັນທະບູລີເກັບລາຍຮັບເພີ່ມຂຶ້ນຫຼາຍກວ່າ 5 ຕື້ກີບ

0
38

ໃນ 6 ເດືອນຕົ້ນປີ 2019 ເມືອງຈັນທະບູລີສາມາດ​ເກັບ​ລາຍ​ຮັບ ແລະ ຄຸ້ມ​ຄອງ​ລາຍ​ຈ່າຍໂດຍ​ຜ່ານ​ລະ­ບົບ​ເອ​ເລັກ​ໂຕຣ​ນິກ​ໄດ້ 39,5 ຕື້​ກວ່າ​ກີບ ເທົ່າ​ກັບ 53,08% ຂອງ​ແຜນ­ການ​ປີ ທຽບ­ໃສ່​ໄລ­ຍະ​ດຽວ​ກັນ​ຂອງ​ປີ­ຜ່ານ­ມາເພີ່ມ​ຂຶ້ນ 5,1 ຕື້​ກວ່າ​ກີບ ເທົ່າ​ກັບ 6,02% ​ລາຍ​ຈ່າຍ 1,8 ຕື້​ກວ່າ​ກີບ.

ທ່ານ​ ນາງ ບົວ​ລອນ ວົງ​ດາ­ລາ​ແສນ ຄະ­ນະ​ພັກນະຄອນຫຼວງວຽງຈັນ ເລ­ຂາ​ຄະ­ນະ​ພັກ​ເມືອງ ເຈົ້າ­ເມືອງ​ຈັນ­ທະ​ບູ​ລີ ໄດ້ກ່າວ​ໃນກອງ​ປະ­ຊຸມ​ເປີດ​ກວ້າງ​ຄົບ​ຄະ­ນະ​ບໍ­ລິ­ຫານ​ງານ​ພັກເມືອງ​ຈັນ­ທະ​ບູ​ລີ ຄັ້ງ​ທີ 22 ສະ­ໄໝ​ທີ VI ຮ່ວມ​ກັບ​ອົງ­ການ​ປົກ­ຄອງປະ­ຈຳ 6 ເດືອນ​ຕົ້ນ​ປີ 2019 ຈັດ​ຂຶ້ນໃນ​ວັນ​ທີ 12 ສິງ­ຫາ 2019 ມີບາງຕອນລະບຸວ່າ ໄດ້​ສືບ­ຕໍ່​ພັດ­ທະ­ນາພື້ນ­ຖານ​ໂຄງ​ລ່າງ ການ​ລົງ­ທຶນ​ພາກ​ລັດ ແລະ ເອ­ກະ​ຊົນ​ເພີ່ມ​ຂຶ້ນ ການ​ປຸກ​ສ້າງ​ຕ່າງໆເຂົ້າ​ສູ່​ລະ­ບົບ​ກົດ­ໝາຍ ການ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ແຫ່ງ​ລັດ​ ມີ​ຜົນ­ງານ​ດີ­ເດັ່ນ ຄະນະດຽວກັນສະ­ຖານ­ທີ່​ແອ​ອັດ ການ​ຈອດ​ລົດ​ຊະ­ຊາຍ ແລະ ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ ​ໄດ້​ຮັບ​ການ​ແກ້​ໄຂ​ຢ່າງ​ຕໍ່​ເນື່ອງ ສ­ະຖານທີ່​ທ່ອງ​ທ່ຽວ​ທຳ​ມະ​ຊາດ​ແຄມ​ຂອງ ເຂດ​ປະ­ຕິ­ສັງ­ຂອນ ວັດ​ວາ​ອາ​ຣາມ​ໄດ້​ຮັບ​ການ​ບູ­ລະ­ນະ​ດີ​ຂຶ້ນ ​ຊຸກ­ຍູ້​ບັນ­ດາ​ຫົວ­ໜ່ວຍ​ທຸ­ລະ​ກິດ ປະ­ຊາ­ຊົນ​ເອົາ­ໃຈ­ໃສ່​ຜະ­ລິດ​ເປັນ​ສິນ­ຄ້າ ການ​ບໍ­ລິ­ການດ້ານການ​ຄ້າ ການ​ປຸງ​ແຕ່ງ ແລະ ປະ­ກອບ​ອາ­ຊີບ​ອື່ນໆທີ່​ບໍ່​ຜິດ​ຕໍ່​ລະ­ບຽບ​ກົດ ໝາຍ ແລະ ມີ​ລັກ­ສະ­ນະ​ຂະ­ຫຍາຍ­ຕົວ​ເພີ່ມ​ຂຶ້ນ​ຢ່າງ​ຕໍ່​ເນື່ອງ ນອກ​ຈາກນີ້ ຍັງ​ໄດ້​ສຸມ​ກຳ­ລັງ​ເຂົ້າ​ຮ່ວມ​ທຸກ​ຂະ​ບວນ​ການລົງ​ກໍ່­ສ້າງ​ຮາກ​ຖານ ແລະ ເຮັດ​ວຽກ​ງານຕ້ານ ແລະ ສະ­ກັດ​ກັ້ນ ລວມທັງວຽກງານແກ້​ໄຂ​ປາ­ກົດ­ການ​ຫຍໍ້­ທໍ້​ໃນ​ສັງ­ຄົມ​ຢ່າງ​ກວ້າງ­ຂວາງ ສາ­ມາດ​ຮັກ­ສາ​ໄດ້​ສະ­ຖຽນ​ລະ​ພາບ​ດ້ານ​ການ­ເມືອງ​ຢ່າງ​ໜັກ​ແໜ້ນ ສັງ­ຄົມ​ມີ​ຄວາມ​ສະ­ຫງົບເປັນ​ລະ­ບຽບ​ຮຽບ​ຮ້ອຍ ແລະ ປອດ​ໄພ​ໂດຍ​ພື້ນ ຖານ.

ພ້ອມນີ້ ກອງ​ປະ­ຊຸມ​ກໍໄດ້​ຮັບ­ຮອງ​ເອົາ​ແຜນ​ວຽກ​ຈຸດ​ສຸມ 6 ເດືອນ​ທ້າຍ​ປີ 2019 ຄື ຂົງ­ເຂດ​ວຽກ​ງານ​ການເມືອງ ການ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະ­ຫງົບ ເສດ­ຖະ­ກິດວັດ­ທະ­ນະ­ທຳ-ສັງ­ຄົມ ການ​ຄຸ້ມ​ຄອງ ແລະ ບໍ­ລິ­ຫານ​ລັດ ແລະ ການ​ພົວ­ພັນ​ເມືອງ​ແຮກສ່ຽວ​ພາຍ​ໃນ ແລະ ຕ່າງ­ປະ­ເທດຕື່ມ​ອີກ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.