ເຜີຍຄລິບ! ລົດເມຈີນຕົກຂົວນ້ຳແຍງຊີກຽງຄາດເສຍຊີວິດ 15 ຄົນ ເຫດຜູ້ໂດຍສານ ແລະ ຄົນຂັບຜິດກັນ

0
111

ຖືໄດ້ວ່າເປັນໂສກນາຕະກຳທີ່ສ້າງຄວາມສະເທືອນໃຈທີ່ສຸດສຳລັບເຫດການລົດເມປະຈຳທາງໃນສົງຊິ່ງຕົກຂົວແມ່ນ້ຳແຍງຊີກຽງ ຫຼັງຜູ້ໂດຍສານຜິດຖຽງກັບຄົນຂັບລົດຢ່າງຮຸນແຮງ.

ສຳນັກຂ່າວຊິນຫົວລາຍງານວ່າ ເມື່ອເວລາ 10:02 ນາທີ ຂອງວັນທີ 28 ຕຸລາ 2018ທີ່ຜ່ານມາ ໄດ້ເກີດອຸບັດຕິເຫດລົດເມປະຈຳທາງ ຕົກຂົວແມ່ນ້ຳແຍງຊີກຽງ ໃນນະຄອນສົງຊິງ ທາງຕາເວັນຕົກສຽງໃຕ້ຂອງຈີນ ທີມໜ່ວຍກູ້ໄພຈີນໄດ້ເຮັດການວາງແຜນກູ້ຊາກລົດເມທີ່ຈົມລົງໄປໃນນ້ຳເລິກກວ່າ 71 ແມັດ ພ້ອມທັງຄົ້ນຫາຜູ້ໂດຍສານ ແລະ ຄົນຂັບລວມ 15 ຄົນທີ່ຕົກລົງໄປພ້ອມກັບລົດ.

ຫຼ້າສຸດ, ຕຳຫຼວດນະຄອນສົງຊິງຂອງຈີນໄດ້ເປີດເຜີຍກັບສຳນັກຂ່າວຊິນຫົວ ເມື່ອວັນທີ 2 ພະຈິກ 2018ວ່າ ຈາກຜົນການກວດສອບກ່ອງດຳຂອງລົດເມ ພົບສາເຫດມາຈາກການຜິດຖຽງກັນລະຫວ່າງຄົນຂັບລົດກັບຜູ້ໂດຍສານຍິງຄົນໜຶ່ງທີ່ມີຊື່ວ່າ ນາງ ຫຼິວ ອາຍຸ 48 ປີ ນັ່ງລົດເມກາຍຈຸດທີ່ນາງຕ້ອງການລົງ ນາງຈິ່ງໄດ້ບອກໃຫ້ຄົນຂັບລົດທີ່ມີຊື່ວ່າ ທ້າວ ຫຼານ ອາຍຸ 43 ປີ ຈອດລົດໃຫ້ນາງທັນທີ ໃນຂະນະທີ່ລົດເມກຳລັງແລ່ນຢູ່ເທິງຂົວ ແຕ່ຄົນຂັບປະຕິເສດບໍ່ຍອມຈອດ ນາງ ຫຼິວ ຈິ່ງເກີດຄວາມໂມໂຫ ແລະ ໃຊ້ມືຖືຕົບໄປທີ່ຫົວຂອງທ້າວ ຫຼານ (ຄົນຂັບລົດ) ເຫດການໂຕ້ຖຽງກັນໄດ້ບານປາຍກາຍເປັນການລົງມືຕົບຕີຕໍ່ສູ້ ສົ່ງຜົນໃຫ້ທ້າວ ຫຼານສູນເສຍການຄວບຄຸມລົດທີ່ກຳລັງແລ່ນຢູ່ເທິງຂົວ ໂດຍຕົວລົດໄດ້ຫັກລ້ຽວກະທັນຫັນໄປຕຳກັບລົດຄັນສີແດງກ່ອນຈະຕຳກັບຮາວເຫຼັກກັ້ນຂົວແລ້ວຕົກລົງແມ່ນ້ຳແຍງຊີກຽງ ເຮັດໃຫ້ລົດທີ່ຕົກລົງໄປມີສະພາບເສຍຫາຍໜັກ ແລະ ໃນວັນພຸດທີ 31 ສິງຫາ 2018 ເຈົ້າໜ້າທີ່ກູ້ໄພສາມາດກູ້ສົບຜູ່ເສຍຊີວິດຂຶ້ນຈາກນ້ຳໄດ້ 13 ສົບ ແລະ ຍັງຄົ້ນຫາຜູ່ສູນຫາຍອີກ 2 ຄົນ. ສ່ວນຍິງເຈົ້າຂອງລົດຄັນສີແດງທີ່ຖືກຕຳແມ່ນບໍ່ໄດ້ຮັບບາດເຈັບຮ້າຍແຮງ.

 

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂໍ້ມູນ: sanook, thairath
ວິດີໂອຈາກ: 
CBS News

 

ອອກ​ຈາກ REPLY ເປັນ

Please enter your comment!
Please enter your name here