ການຜະລິດ ແລະ ການລັກລອບຂາຍຢາເສບຕິດແມ່ນມີປະລິມານສູງໃນບໍລິເວນເຂດແມ່ນນໍ້າຂອງ

0
479

         ສະຫະປະຊາຊາດ (ສປຊ) ໄດ້ອອກລາຍງານກ່າວເຕືອນວ່າ: “ປະລິມານການຜະລິດ ແລະ ການລັກລອບຂາຍຢາເສບຕິດແມ່ນມີປະລິມານສູງໃນບໍລິເວນເຂດແມ່ນນໍ້າຂອງອາຊີຕະເວັນອອກສ່ຽງໃຕ້ ແລະ ອາຊີຕາເວັນອອກ ເປັນຄັ້ງປະຫວັດສາດ ສົ່ງຜົນເຮັດໃຫ້ມີຈຳນວນເພີ່ມຂຶ້ນໃນຕະຫຼາດ ແລະ ລາຄາຂາຍໃນຕະຫຼາດກໍຫຼຸດລົງໃນພາກພື້ນ ເຮັດໃຫ້ເຍົາວະຊົນເຂົ້າເຖິງຢາເສບຕິດໄດ້ງ່າຍຂຶ້ນ”.

         ຕາມຂ່າວຕ່າງປະເທດລາຍງານວ່າ ສຳນັກງານປ້ອງກັນຢາເສບຕິດ ແລະ ປາບປາມອາດຊະຍາກຳແຫ່ງງ ສປຊ ໄດ້ອອກແຈ້ງເຕືອນໃນວັນທີ 2 ຕຸລາ 2018 ວ່າ: “ການຜະລິດ ແລະ ເສບຢາເສບຕິດຜິດກົດໝາຍແມ່ນມີຈຳນວນເພີ່ມຂຶ້ນຫຼາຍຜິດປົກກະຕິ ໃນບໍລິເວນເຂດແມ່ນໍ້າຂອງອາຊີຕະເວັນອອກສ່ຽງໃຕ້ ແລະ ອາຊີຕາເວັນອອກ ການມີຢາເສບຕິດເພີ່ມຂຶ້ນຫຼາຍເກີນໄປ ຈະເຮັດໃຫ້ເຍົາວະຊົນຕົກຢູ່ໃນຄວາມສ່ຽງທີ່ຕິດຢາເສບຕິດໄດ້ງ່າຍຂຶ້ນ”. ການລາຍງານໄດ້ລະບຸອີກຕື່ມວ່າ: “ເຖິງແມ່ນວ່າທາງການນາໆປະເທດຈະສາມາດກວດຢຶດຢາເສບຕິດໄດ້ຫຼາຍຂຶ້ນ ແຕ່ການມີຢາເສບຕິດເພີ່ມຂຶ້ນຫຼາຍເຊັ່ນນີ້ ຈະສົ່ງຜົນເຮັດໃຫ້ຢາເສບຕິດມີລາຄາຫຼຸດລົງ ເຊັ່ນ ຢາບ້າທີ່ຈະເຮັດໃຫ້ເຂົ້າເຖິງໄດ້ງ່າຍຂຶ້ນ”.

         ທ່ານ ເຈເຣນີ ດັກລາສ ຕົວແທນຂອງ ສປຊ ລະບຸວ່າ: “ການທີ່ກຸ່ມອາຊະຍາກອນເລັ່ງເດີນໜ້າຜະລິດຢາເສບຕິດ ຈົນເຮັດໃຫ້ມີຈຳນວນເພີ່ມຂຶ້ນຫຼາຍໃນພາກພື້ນອາຊີ ເຊິ່ງມີຢາບ້າເພີ່ມຂຶ້ນໃນຕະຫຼາດສົ່ງຜົນເຮັດໃຫ້ລາຄາຂາຍໃນຕະຫຼາດຫຼຸດລົງໃນພາກພື້ນ ນີ້ຈະເຮັດໃຫ້ເຍົາວະຊົນເຂົ້າເຖິງຢາເສບຕິດໄດ້ງ່າຍຂຶ້ນ”.

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມເສດຖະກິດ-ສັງຄົມ

ຮູບພາບຈາກ: http://coastguard.dodlive.mil

ອອກ​ຈາກ REPLY ເປັນ

Please enter your comment!
Please enter your name here