“ຟ່ານ ປິງປິງ” ຖືກຈີນສັ່ງຫ້າມອອກນອກປະເທດ! ລືສະນັ່ນຖືກຈັບກຸ່ມໃນຄະດີຫຼີກລ່ຽງການຈ່າຍພາສີ

0
613

ແຟນຄລັບດາລາສາວຈີນ “ຟ່ານ ປິງປິງ” ເຖິງກັບເສົ້າ ຫຼັງມີຂ່າວລືໜາຫູວ່າ ນາງຟ້າແຫ່ງເອເຊຍຄົນນີ້ຖືກຈັບ ເພາະຄະດີຫຼີກລ່ຽງການຈ່າຍພາສີ

ສື່ສຳນັກຂ່າວບັນເທີງຈີນລາຍງານ ວ່າ ໃນສື່ສັງຄົມອອນໄລນ໌ ເວ່ຍປໍ ຂອງຈີນ ໄດ້ຕັ້ງຄຳຖາມຕໍ່ການຫາຍຕົວໄປຂອງດາຣາສາວເບີໜຶ່ງຂອງຈີນ ຟານ ປິງປິງ ໄວອາຍຸ 36 ປີ ຜູ້ທີ່ມີຄ່າຕົວແພງໃນອັນດັບຕົ້ນໆຂອງຈີນ ເພາະຄ່າຕົວຂອງນາງສະແດງ 1 ເລື່ອງ 80 ລ້ານຢວນ ຫຼື 398 ລ້ານບາດ, ອອກງານອີເວັ້ນ 1 ຄັ້ງ 2.8 ລ້ານຢວນ ຫຼື 14ລ້ານບາດ ເຊິ່ງກ່ອນໜ້ານີ້ນາງໄດ້ຖືກກ່າວຫາວ່າຫຼີກລ່ຽງການຈ່າຍພາສີ ເຖິງແມ່ນວ່າທາງຕົ້ນສັງກັດຈະອອກມາປະຕິເສດຂ່າວກໍ່ຕາມ ແລະ ພ້ອມຈະໃຫ້ຄວາມຮ່ວມມືກັບທາງເຈົ້າໜ້າທີ່ໃນການກວດສອບຂໍ້ເທັດຈິງໃນເລື່ອງນີ້

ການທີ່ນາງບໍ່ມີການເຄື່ອນໄຫວໃນສື່ອອນລາຍເວ່ຍປໍ ຂອງນາງເປັນເວລາດົນຖືເປັນເລື່ອງຜິດປົກກະຕິ ຈິ່ງເຮັດໃຫ້ແຟນຄລັບທີ່ຕິດຕາມນາງກວ່າ 62 ລ້ານຄົນກັງວົນວ່ານາງອາດຖືກເຈົ້າໜ້າທີ່ຈັບກຸ່ມຕົວ

ມີແຟນໆຫຼາຍຄົນສັງເກດວ່າໃນຊ່ວງນີ້ ຟ່ານປິງປິງ ປະກົດຕົວຕາມງານຕ່າງໆນ້ອຍລົງ ທັງທີ່ເຈົ້າຕົວໂດ່ງດັງລະດັບອິນເຕີ ເນື່ອງຈາກເກີດກໍລະນີທີ່ຖືກທ້າວ ຊຸຍ ຫຍົ່ງຫຍວນ ໂປດິວເຊີ ແລະ ເຈົ້າຂອງລາຍການໂທລະທັດ ອອກມາແສນາງເອກຊຸບຕຣາຄົນນີ້ວ່າ ຫຼີກລ່ຽງການເສຍພາສີ ໂດຍເຂົາໄດ້ໂພສວ່າ ນາງເອກສາວໄດ້ເຮັດສັນຍາມູນຄ່າ 1.6 ລ້ານໂດລາ ແລະ ໄດ້ເຮັດ “ສັນຍາຫຍິນຫຍາງ” ໝາຍເຖິງສັນຍາສອງສະບັບທີ່ມີຕົວເລກລາຍຮັບຕົວຈິງ ກັບ ສະບັບທີ່ມີຕົວເລກລາຍຮັບທີ່ໜ້ອຍກວ່າຄວາມເປັນຈິງ ເພື່ອແຈ້ງທາງພາສີ ນັ້ນເປັນເຫດໃຫ້ເຈົ້າໜ້າທີ່ດ້ານພາສີຂອງຈີນ ເປີດການສອບສວນສັນຍາຈ້າງງານຂອງດາຣາສາວ ຕັ້ງແຕ່ທ້າຍເດືອນ ພຶດສະພາເປັນຕົ້ນມາ ເຊິ່ງການຫາຍຕົວໄປຂອງດາລາສາວຄົນນີ້ ເຮັດໃຫ້ແຟນໆເປັນຫ່ວງວ່ານາງອາດຖືກທາງການຈີນຈັບກຸມຕົວ ເພາະນາງກຳລັງຖືກຫາວ່າຫຼີກລ່ຽງການຈ່າຍພາສີໃນຈຳນວນມະຫາສານ

ນອກຈາກນີ້ສື່ການເງິນຂອງຈີນຫຼາຍສຳນັກຍັງລາຍງານວ່າ ຫຸ້ນຂອງບໍລິສັດ ຫວາອີ ບຣາເທີຣ ຕົ້ນສັງກັດຂອງ ຟ່ານ ປິງປິງ ຕົກລົງໄປເຖິງ 7% ເມື່ອອາທິດກ່ອນ ແຕ່ບໍລິສັດຖະແຫຼງວ່າເລື່ອງນີ້ບໍ່ໄດ້ກ່ຽວກັບ ຟ່ານ ປິງປິງ.

 

ອອກ​ຈາກ REPLY ເປັນ

Please enter your comment!
Please enter your name here