ເກີດເຫດແຜ່ນດິນໄຫວທີ່ຍີ່ປຸ່ນ ເຜີຍມີຜູ້ເສຍຊີວິດ 3 ຄົນ

0
201

ເກີດເຫດແຜ່ນດິນໄຫວຂະໜາດ 6.1 ທີ່ໂອຊາກາ, ເສຍຊີວິດແລ້ວ 3 ຄົນ ແລະ ມີຜູ້ບາດເຈັບອີກເກືອບ 100 ຄົນ.

ໃນວັນທີ 18 ມິຖຸນາ 2018, ສຳນັກຂ່າວຕ່າງປະເທດລາຍງານຈາກນະຄອນໂຕກຽວ ກ່ຽວກັບຄວາມຄືບໜ້າຫຼັງເກີດເຫດແຜ່ນດິນໄຫວຮຸນແຮງ ໃນຕອນເຊົ້າຂອງມື້ນີ້ ເວລາ 07:58 (ຕາມເວລາທ້ອງຖິ່ນ) ເຊິ່ງມີເສັ້ນຜ່າສູນກາງຢູ່ໃກ້ກັບແຂວງໂອຊາກ້າ ເລິກຈາກພື້ນດິນປະມານ 13 ກິໂລແມັດ ແລະ ແຮງສັ່ນສະເທືອນຍັງຮັບຮູ້ໄດ້ໄກເຖິງແຂວງຊິງະ ແລະ ແຂວງກຽວໂຕ. ສຳນັກງານອຸຕຸນິຍົມວິທະຍາຍີ່ປຸ່ນໄດ້ເພີ່ມລະດັບຄວາມຮຸນແຮງຂອງແຜນດິນໄຫວຄັ້ງນີ້ຈາກ 5.9 ແມັກນິຈູດ ເປັນ 6.1 ແມັກນິຈູດ.

ສະຖານນີໂທລະພາບ NHK ລາຍງານວ່າ ເຫດແຜ່ນດິນໄຫວຄັ້ງນີ້ໄດ້ສ້າງຄວາມເສຍຫາຍໃຫ້ແກ່ອາຄານບ້ານເຮືອນ ແລະ ສິ່ງອຳນວຍຄວາມສະດວກສາທາລະນະຕ່າງໆເປ່ເພ ແລະ ພັງລົງ. ແລະ ຍັງພົບຜູ້ເສຍຊີວິດ 3 ຄົນ ລະບຸວ່າ 2 ໃນຜູ້ເສຍຊີວິດແມ່ນເດັກນ້ອຍຜູ້ຍິງອາຍຸ 9 ປີ ແລະ ພໍ່ຕູ້ອາຍຸ 80 ປີ ເສຍຊີວິດເນື່ອງຈາກຝາລົ້ມທັບ. ແລະ ຍັງມີຜູ້ປະສົບເຫດອີກຫຼາຍຄົນເກີດພາວະຫົວໃຈຢຸດເຕັ້ນ.

ນອກຈາກນັ້ນ, ເຫດການນີ້ຍັງໄດ້ເຮັດໃຫ້ທໍ່ນໍ້າປະປາໃຫຍ່ໃຕ້ດິນໃນເຂດທາຄາສຶກິແຕກ ແລະ ບ້ານຫຼັງໜຶ່ງໄຟໄໝ້. ນອກຈາກນັ້ນ ຍັງເຮັດໃຫ້ຂະບວນລົດໄຟຕ້ອງຢຸດໃຫ້ບໍລິການຊົ່ວຄາວ. ທ່ານ ຊິນໂຊ ອາເບະ, ປະທານາທິບໍດີຂອວຍີ່ປຸ່ນກ່າວວ່າ ລັດຖະບານກຳລັງປະເມີນຄວາມເສຍຫາຍຈາກແຜ່ນດິນໄຫວ ແລະ ເລັ່ງໃຫ້ຄວາມຊ່ວຍເຫຼືອປະຊາຊົນທີ່ເດືອດຮ້ອນຈາກເຫດການດັ່ງກ່າວ.

ທາງດ້ານບໍລິສັດໄຟຟ້າຄັນໄຊຍືນຍັນວ່າຍັງບໍ່ພົບຄວາມຜິດປົກກະຕິໃດໆທີ່ໂຮງໄຟຟ້ານິວເຄຼຍທັງສາມແຫ່ງອັນໄດ້ແກ່ ມີຮາມະ, ທາຄາຮາມະ ແລະ ໂອຮິ, ແຕ່ກໍມີບ້ານເຮືອນປະມານ 170,000 ຄອບຄົວໄດ້ຮັບຜົນກະທົບໄຟຟ້າດັບ ເຊິ່ງຕອນນີ້ໂຮງໄຟຟ້າຄັນໄຊກຳລັງເລັ່ງແກ້ໄຂລະບົບຈ່າຍໄຟໃຫ້ກັບປະຊາຊົນຜູ້ເດືອດຮ້ອນຈາກແຜ່ນດິນໄຫວຄັ້ງນີ້.

ອອກ​ຈາກ REPLY ເປັນ

Please enter your comment!
Please enter your name here