10 ວິທີສູ່ຄວາມສຸກ

0
137

ການສ້າງພູມຄຸ້ມກັນໃຫ້ຊີວິດຕົນເອງນັ້ນ ເປັນສິ່ງທີ່ສຳຄັນ ເໝືອນກັບເປັນກຳແພງເຫຼັກທີ່ປ້ອງກັນໄພອັນຕະລາຍຕ່າງໆ ບໍ່ໃຫ້ມາທຳຮ້າຍເຮົາໄດ້ ສ່ວນຫຼາຍຄົນທີ່ມີບັນຫາໃນການດຳລົງຊີວິດ ແລະບໍ່ມີຄວາມສຸກນັ້ນ ຕົ້ນຕໍກໍແມ່ນ “ຄວາມຄຽດ” ເຊິ່ງທຸກຄົນຫຼີກລຽງບໍ່ໄດ້ ແຕ່ມັນມີວິທີປ້ອງກັນໄດ້ ດັ່ງນີ້

  1. ຮັກຕົນເອງ ຊື່ນຊົມໃນຕົນເອງ ເບິ່ງຂໍ້ດີທີ່ມີຢູ່ໃນໂຕເຮົາ ແລະພັດທະນາໃຫ້ດີຍິ່ງຂຶ້ນ.
  2. ມີເພື່ອນຄູ່ຄິດ ຄົ້ນຫາຄົນທີ່ເຮົາສາມາດເວົ້ານຳໄດ້ ເປິກສາໄດ້ ຊ່ວຍເຫຼືອເກື້ອກູນກັນ ແລະບຳລຸງຈິດໃຈເຊິ່ງກັນແລະກັນ.
  3. ໝັ່ນຍິ້ມຫົວຢູ່ຕະຫຼອດ ເບິ່ງໂລກໃນແງ່ດີ ແລະມີອາລົມຂັນໃນຕົນເອງ.
  4. ບໍ່ປິດລ້ອມຕົນເອງ ມີຄວາມສຸກຕໍ່ການເວົ້າກັບຄົນອື່ນ ຢ່າງໃກ້ຊິດ ສະໜິດສະໜົມ ຫ່ວງໃຍ ຮັກໃຄ່ ອົບອຸ່ນ.
  5. ໃຫ້ຄວາມສຳຄັນກັບຊີວິດປັດຈຸບັນໃຫ້ຫຼາຍໆ ອາດີດເປັນພຽງຫົນທາງທີ່ເຮົາເດີນຜ່ານມາ ເຊິ່ງອາດຈະໃຫ້ບົດຮຽນທີ່ດີຫຼືຮ້າຍກໍໄດ້ ແຕ່ມັນກໍເປັນພຽງບົດຮຽນເທົ່ານັ້ນ ປັດຈຸບັນຄືທຸກຫຼືສຸກໃນຊີວິດ ເຊິ່ງແວດລ້ອມແລະມີອິດທິພົນຕໍ່ເຮົາຢ່າງຫລວງຫລາຍ.
  6. ຫາເວລາພັກຜ່ອນໃຫ້ຕົນເອງ ຕ້ອງເຫັນຄວາມສຳຄັນຂອງສຸຂະພາບແລະຊີວິດ ບໍ່ນ້ອຍໄປກວ່າໜ້າທີ່ການງານ.
  7. ອອກກຳລັງກາຍໃຫ້ສະໝໍ່າສະເໝີແລະຕໍ່ເນື່ອງ.
  8. ຮູ້ຈັກວາງເປົ້າໝາຍໃນຊີວິດ ຢ່າຢູ່ລ້າໆໄປວັນໆ ຫລືໃຊ້ຊີວິດໂດຍບໍ່ມີເປົ້າໝາຍ.
  9. ສະໜຸກສະໜານກັບການເຮັດວຽກ ເຖິງວ່າວຽກຈະເປັນໜ້າທີ່ ແຕ່ຄວາມເປັນໜ້າທີ່ກໍຕ້ອງໃຫ້ມັນມີຄວາມສຸກຢູ່ນຳດ້ວຍ.
  10. ຮູ້ຈັກເປັນຜູ້ໃຫ້ ຄວາມສຸກທີ່ເກີດຈາກການໃຫ້ ຈະເຮັດໃຫ້ເຮົາອີ່ມອົກອີ່ມໃຈຢູ່ສະເໝີ ເປັນ ຄວາມສຸກທີ່ເຮັດໃຫ້ຍືນຍາວແລະຖາວອນ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.