​ກອງ​ກະ­ຖິນ​ພຣະ​ຣາ​ຊະ​ທານ​ຂອງ​ເຈົ້າ​ຊີ­ວິດ​ລາ­ຊະ​ອາ­ນາ­ຈັກ​ໄທ ຣາ​ຊະ​ການ​ທີ 10 ຖວາຍ​ຢູ່​ວັດ​ພຣະ​ທາດ­ຫຼວງ​ເໜືອ

0
57

ເວັບໄຊຂ່າວໜັງສືພິມວຽງຈັນໃໝ່ລາຍງານເມື່ອວັນທີ 29 ຕຸລາຜ່ານມາວ່າ ສະ­ມາ­ຄົມລາວ-ໄທຮ່ວມ​ກັບສະ­ມາ­ຄົມໄທ-ລາວເພື່ອ​ມິດ­ຕະ­ພາບ ແລະ ສະ­ຖານ​ເອກ​ອັກ­ຄະ­ລາ­ຊະ­ທູດລາ­ຊະ​ອາ­ນາ­ຈັກ​ໄທປະ­ຈຳ ສປປ ລາວ ນຳ​ກອງ​ກະ­ຖິນ​ພຣະ​ຣາ​ຊະ​ທານ​ຂອງ​ເຈົ້າ​ຊີ­ວິດ​ແຫ່ງຣາຊະ​ອາ­ນາ­ຈັກ​ໄທ (ຣາ​ຊະ​ການ​ທີ 10) ຖວາຍ​ຢູ່​ວັດ​ພຣະ​ທາດ­ຫຼວງ​ເໜືອ ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ ວັນ​ທີ 27 ຕຸ­ລາ 2019.

ໂດຍ​ມີ​ ທ່ານ ​ນາງ ນາ­ລີ ສີ​ສຸ​ລິດ ພັນ​ລະ​ຍາ​ນາ­ຍົກ­ລັດ­ຖະ­ມົນ­ຕີແຫ່ງ ສປປ ລາວ, ທ່ານ ຫຽມ ພົມ­ມະ­ຈັນ ປະ­ທານ​ສະ­ມາ­ຄົມ ລາວ-ໄທ ເພື່ອ​ມິດ­ຕະພາບ, ທ່ານ ແສງ ສຸ​ຂະ​ທິ​ວົງ ເອກ​ອັກ​ຄະ​ລັດ​ຖະ​ທູດ ສປປ ລາວ ປະ­ຈຳ​ຣາ­ຊະ​ອາ­ນາ­ຈັກ​ໄທ, ທ່ານ ສຸ​ວິດ ສິ​ມະ​ສະ­ກຸນ ນາ­ຍົກ​ສະ­ມາຄົມໄທ-ລາວ ເພື່ອ​ມິດ­ຕະ­ພາບ, ທ່ານ ດຳ­ລົງ ໄຄ່​ຄວນ ເອກ​ອັກ­ຄະ­ລາ­ຊະ­ທູດຣາ­ຊະ​ອາ­ນາ­ຈັກ​ໄທປະ­ຈຳ ສປປ ລາວ ພ້ອມ​ດ້ວຍ​ພາ­ສ່ວນ​ກ່ຽວ­ຂ້ອງ ແລະ ຜູ້​ມີ​ຈິດ­ໃຈ​ເຫຼື້ອມ​ໃສ​ໃນ​ພຸດ​ທະ​ສາ­ສະ­ໜາລາວ ແລະ ໄທ ເຂົ້າ​ຮ່ວມຢ່າງຫຼວງຫຼາຍ.

ການ​ຖວາຍ​ກະ­ຖິນແມ່ນ​ກິດ­ຈະ­ກຳ​ຮ່ວມ​ຂອງ​ສອງ​ສະ­ມາ­ຄົມ ລາວ-ໄທ, ໄທ-ລາວ ເພື່ອ​ມິດ­ຕະ­ພາບ ໂດຍໄດ້​ປະ­ຕິ­ບັດ​ນຳ​ກັນ​ທຸກ​ປີ ເພື່ອ​ສົ່ງ­ເສີມ​ຮີດ­ຄອງ​ປະ­ເພ­ນີ​​ດີ­ງາມ​ຂອງ ສປປ ລາວ ແລະ ຣາ­ຊະ​ອາ­ນາ­ຈັກ​ໄທ ຊຶ່ງຄັ້ງ​ນີ້​ເປັນ​ຄັ້ງ​ທີ 3 ທີ່​ເຈົ້າ​ຊີ­ວິດ​ແຫ່ງຣາ­ຊະ​ອາ­ນ­ຈັກ​ໄທໄດ້​ນຳ​ມາ​ຖວາຍ​ຢູ່ ສປປ ລາວ ໂດຍ​ໃຫ້​ກຽດ​ຮັບ​ກະ­ຖິນ​ຂອງ​ຍາ​ທ່ານ​ໃຫຍ່ ມະ­ຫາ​ງອນ ດຳ­ລົງ​ບຸນ ມະ­ຫາ​ເຖຣະ​ເຈົ້າ ປະ­ທານ​ອົງ­ການ​ພຸດ​ທະ​ສາ­ສະ­ໜາສຳ­ພັນ​ລາວ ເພື່ອ​ປະ­ກອບ­ສ່ວນ​ສຳ­ຄັນ​ໃນ​ການ​ເສີມ​ຂະ­ຫຍາຍ​ສາຍ​ພົວ­ພັນການ​ຮ່ວມ​ມື​ທີ່​ມີ​ມູນ­ເຊື້ອ​ດີ­ງາມ, ທັງ​ເປັນ​ການ​ເສີມ​ຂະ­ຫຍາຍ​ຮີດ­ຄອງ​ປະ­ເພ­ນີ​ດ້ານ​ພຸດ​ທະ​ສາ­ສະ­ໜາ​ຂອງ​ສອງ​ປະ­ເທດ.

ການ​ຖວາຍ​ກະ­ຖິນ​ຄັ້ງ​ທີ 1 ຈັດ​ຂຶ້ນ​ຢູ່​ເມືອງ​ຫຼາ ແຂວງ​ອຸ­ດົມ​ໄຊ ຄັ້ງ​ທີ 2 ຢູ່​ເມືອງ​ໄຊ​ຍະ​ບູ​ລີ ແຂວງ​ໄຊ​ຍະ​ບູ​ລີ ແລະ ຄັ້ງ​ນີ້​ຈັດ​ຢູ່​ນະຄອນ ຫຼວງ​ວຽງ​ຈັນ ໂດຍ​ຄຽງ​ຄູ່​ກັບ​ການ​ຖວາຍ​ກະ­ຖິນ​ແລ້ວໂຮງ­ໝໍ​ກຸງ​ເທບ-ຂອນ​ແກ່ນ ແລະ ໂຮງ­ໝໍ​ກຸງ​ເທບ-ອຸ­ດອນ ຍັງ​ໄດ້​ນຳ­ພາ​ທີມ​ແພດ​ມາ​ກວດ​ສຸ­ຂະ­ພາບ​ໃຫ້​ພຣະ­ສົງ-ສາ­ມະ­ເນນ​ພາຍ​ໃນ​ເມືອງ​ໄຊ​ເສດ​ຖາ ໂດຍ​ບໍ່​ໄດ້​ເສຍ​ຄ່າ​ອີກດ້ວຍ.

ຮຽບຮຽງຂ່າວ:​ພຸດສະດີ ລາວລີ
ແຫຼ່ງຂໍ້ມູນ: vientianemai.net
ຮູບປະກອບ: ຂ່າວສານປະເທດລາວ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.