ໄວໜຸ່ມລາວຕອບຮັບໂຄງການ “ທູບ໋ອກ ເປີດໃຈຮັບປະສົບການໃໝ່” ຫຼາຍເກີນຄາດ!!

0
192

ໂຄງການ Open To More Challenge ຫຼື “ເປີດໃຈຮັບປະສົບການໃໝ່” ທີ່ຈັດໂດຍທູບ໋ອກ, ເປັນໂຄງການຮູບແບບໃໝ່ທີ່ໜ້າຕື່ນເຕັ້ນ, ໂດ່ງດັງ ແລະ ເກີດເປັນກະແສຢູ່ໃນໂລກອອນລາຍພໍສົມຄວນຈົນເຮັດໃຫ້ມີຜູ້ສົນໃຈ ແລະ ສົ່ງຄຣິບວີດິໂອເຂົ້າມາຢ່າງຫຼວງຫຼາຍ. ໂຄງການນີ້ໄດ້ສົ່ງເສີມໃຫ້ພວກເຂົາກ້າເຮັດ, ກ້າສະແດງອອກ ແລະ ກ້າອອກໄປຄົ້ນພົບພໍ້ສິ່ງໃໝ່ໆ ຊຶ່ງສອດຄ່ອງກັບແຄມເປນ “Open To More” ຂອງທູບ໋ອກທີ່ໃຊ້ກັບທຸກໆຕະຫຼາດໃນທົ່ວໂລກ ໂດຍໄດ້ເນັ່ນການສົ່ງເສີມໃຫ້ຜູ້ບໍລິໂພກກ້າລອງ-ກ້າເຮັດ ແລະ ປົດປ່ອຍຄວາມເປັນອິດສະຫຼະໂດຍຜ່ານການອອກໄປຄົ້ນຫາ ແລະ ພົບກັບປະສົບການໃໝ່ໆ ເພື່ອໃຫ້ກາຍ ເປັນຄົນໃໝ່.

ໂຄງການ “ເປີດໃຈຮັບປະສົບການໃໝ່” ຂອງທູບ໋ອກ ໄດ້ເລີ່ມມາຕັ້ງແຕ່ວັນທີ 20 ກັນຍາ 2019 ທີ່ເຊີນຊວນໃຫ້ຜູ້ບໍລິໂພກສົ່ງ  ຄລິບວີດິໂອໂຕເອງທີ່ເຮັດກິດຈະກຳໃດໜຶ່ງທີ່ບົ່ງບອກເຖິງ “ການເປີດໃຈຮັບປະສົບການໃໝ່” ທີ່ສາມາດເຮັດໄດ້ງ່າຍໆໃນຫຼາຍຮູບ ແບບ, ທີ່ກະຕຸ້ນໃຫ້ເຂົາກ້າວອອກຈາກຈຸດທີ່ໂຕເອງສະດວກສະບາຍ ແລ້ວລົງມືເຮັດສິ່ງໃໝ່ໆ, ທີ່ສະແດງເຖິງແນວຄວາມຄິດສ້າງ ສັນ ແລະ ຄວາມກ້າສະແດງອອກຂອງຄົນລາວ ເພື່ອເປັນການສົ່ງເສີມໃຫ້ຜູ້ບໍລິໂພກກ້າເຮັດສິ່ງໃໝ່ໆ ທູບ໋ອກ ໄດ້ມອບລາງວັນ ທຣິບເດີນທາງທ່ອງທ່ຽວຮອບໂລກ 5 ທະວີບ 5 ປະເທດ ໂດຍບໍ່ຕ້ອງເສຍຄ່າໃຊ້ຈ່າຍໃດໆໃຫ້ແກ່ຜູ້ຊະນະທັງ 3 ຄົນທີ່ຈະຮ່ວມເດີນ ທາງກັບ 2 ຄົນດັງໃນລາວ.

“ຈຸດປະສົ່ງທີ່ແທ້ຈິງຂອງໂຄງການ ເປີດໃຈຮັບປະສົບການໃໝ່ ແມ່ນເພື່ອສ້າງແຮງບັນດານໃຈໃຫ້ຄົນລາວກ້າລອງ-ກ້າເຮັດ ໃນສິ່ງໃໝ່ໆເພື່ອໃຫ້ກາຍເປັນຄົນໃໝ່. ພຽງແຕ່ມີໃຈມັກ ແລະ ມີຄວາມກະຕືລືລົ້ນໃນການກ້າລອງ ແລະ ກ້າເຮັດສິ່ງໃໝ່ໆ ເທົ່ານີ້ທ່ານກໍຈະໄດ້ສຳພັດກັບປະສົບການໃໝ່ທີ່ລໍຖ້າທ່ານໃຫ້ອອກໄປຄົ້ນຫາ. ເມື່ອພວກເຮົາໄດ້ເບິ່ງຄຣິບວີດິໂອທີ່ຖືກສົ່ງເຂົ້າມາ ພວກເຮົາກໍໄດ້ເຫັນເຖິງຄວາມຕັ້ງໃຈ ແລະ ຄວາມພະຍາຍາມຂອງພວກເຂົາ ເຖິງວ່າຈະມີຈຳນວນບໍ່ຫຼາຍກໍຕາມແຕ່ວີດິໂອກໍ່ເຕັມປຽມໄປດ້ວຍຄຸນນະພາບມັນເປັນການສະແດງໃຫ້ເຫັນວ່າພວກເຂົາເຫຼົ່ານັ້ນໄດ້ເຂົ້າເຖິງການເປີດໃຈຮັບປະສົບການໃໝ່ ແລະ ຊອກຫາແຮງບັນດານໃຈໃໝ່ໆ ພຽງແຕ່ກ້າລອງ ແລະ ກ້າເຮັດ. ໃນນັ້ນ ພວກເຂົາຍັງໄດ້ສະແດງໃຫ້ເຫັນເຖິງຄວາມເຂົ້າໃຈຢ່າງແທ້ຈິງ ແລະ ຮັບຮູ້ເຖິງຄວາມໝາຍທີ່ທູບ໋ອກຕ້ອງການສື່ສານອອກໄປ”.

“ຄລິບວີດິໂອໄດ້ຖືກສົ່ງເຂົ້າມາຫາພວກເຮົາຢ່າງຕໍ່ເນື່ອງ ແລະ ໃນມື້ປິດຮັບ ພວກເຮົາໄດ້ຄລິບວີດິໂອທີ່ມີຄຸນນະພາບທັງໝົດຢູ່ 58 ຄລິບວີດິໂອ ມັນສະແດງໃຫ້ເຫັນເຖີງພະລັງອັນແຮງກ້າ, ສັກກະຍະພາບ ແລະ ຄວາມກະຕືລືລົ້ນຂອງໄວໜຸ່ມໃນການກ້າລອງ-ກ້າ ເຮັດສິ່ງໃໝ່ໆ. ຊຶ່ງໃນແຕ່ລະຄລິບວີດິໂອຜູ້ເຂົ້າຮ່ວມໄດ້ສື່ສານການເປີດໃຈຮັບປະສົບການໃໝ່ອອກມາໄດ້ດີຫຼາຍ ຈົນເຮັດໃຫ້ຄະນະກຳມະການແນ່ນອນວ່າໜັກໃຈ ແລະ ຄິດໜັກພໍສົມຄວນໃນການຄັດເອົາຜູ້ທີ່ຈະຜ່ານເຂົ້າໄປສູ່ຮອບສຸດທ້າຍ” ທ່ານ ວິກເຕີ ຊ໋ອງ ໄດ້ກ່າວເພີ່ມເຕີມ.

ທັງນີ້ 58 ຄລິບວີດິໂອທີ່ໄດ້ສົ່ງເຂົ້າມານັ້ນໄດ້ຖືກຄັດໃຫ້ເຫຼືອ 10 ຄລິບວີດິໂອ ແລະ ໃນທີ່ສຸດກໍໄດ້ 3 ຄົນສຸດທ້າຍທີ່ໄດ້ຄະແນະສູງ ສຸດ ແລະ ເປັນຜູ້ຊະນະເຊິ່ງໄດ້ແກ່ Win William ຄລິບວີດິໂອ 1. Soukphaphone Phongsyla ຄລິບວີດິໂອ 2 ແລະ Joun-Jk Moukdahane ຄລິບວີດິໂອ 3 ໂດຍຮ່ວມເດີນທາງພ້ອມກັບ 2 ສິນລະປິນເຊິ່ງໄດ້ແກ່ Nok Phonethamaly Chitpanya ແລະ Maylaong Xisanon ທີ່ຈະອອກໄປທ່ອງທ່ຽວ 5 ທະວີບ 5 ປະເທດໃນຕົ້ນປີໜ້ານີ້.

ທ່ານ ວິກເຕີ ຊ໋ອງ ກ່າວຕໍ່ອີກວ່າ: “ຜ່ານໂຄງການນີ້ ທູບ໋ອກ ໄດ້ສ້າງແຮງບັນດານໃຈໃຫ້ຜູ້ບໍລິໂພກກ້າເປີດຮັບປະສົບການໃໝ່ ດ້ວຍການກ້າລອງ ແລະ ກ້າເຮັດສິ່ງໃໝ່ໆ ສໍາລັບພວກເຮົາຖືວ່າປະສົບຜົນສໍາເລັດ ແລະ ພວກເຮົາມຸ່ງໝັ້ນທີ່ຈະຈັດການປະກວດອີກຄັ້ງໃນປີ 2020 ແລະ ຫວັງຢ່າງຍິ່ງວ່າຈະໄດ້ເຫັນຜູ້ບໍລິໂພກເຂົ້າຮ່ວມໂຄງການຫຼາຍຂື້ນ ແລະ ໄດ້ຮັບລາງວັນທີ່ດີແບບນີ້ອີກຄັ້ງ”.

ສຳລັບຂໍ້ມູນເພີ່ມເຕີມ ແລະ ລາຍລະອຽດຂອງຜູ້ຊະນະສາມາດເຂົ້າໄປເບິ່ງໄດ້ທີ່
https://www.facebook.com/TuborgLaos/

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.