ໄພແລ້ງ ສປ ເກົາຫຼີ ສົ່ງຜົນໃຫ້ຂາດແຄນອາຫານຂັ້ນຮຸນແຮງ

0
94

ອົງການສັງເກດການດ້ານການກະສິກຳໂລກເຜີຍວ່າ: ສປ ເກົາຫຼີ ອາດປະສົບບັນຫາຂາດແຄນອາຫານຮຸນແຮງຂຶ້ນເລື້ອຍໆ, ຫຼັງ ຈາກການເກັບກ່ຽວຜົນຜະລິດທາງກະສິກຳໄດ້ຮັບຜົນກະທົບຈາກເຫດໄພແລ້ງຢ່າງຮຸນແຮງ.

ຈາກການວິເຄະາພາບທາງດາວທຽມໄດ້ສະແດງໃຫ້ເຫັນວ່າພື້ນທີ່ແຂວງຮວາງແຮ ແລະ ປຽງຢາງໃຕ້ຊຶ່ງເປັນພື້ນທີ່ອູ່ເຂົ້າອູ່ນໍ້າທາງພາກໃຕ້ຂອງປະເທດມີຜົນຜະລິດທາງກະສິກຳໃນປະລິມານຕໍ່າກວ່າຄ່າສະເລ່ຍປົກກະຕິ, ຈາກປັດໄຈທີ່ຝົນຕົກບໍ່ສະໝໍ່າສະເໝີ ແລະ ລັດຖະບານກັກເກັບນໍ້າສຳຮອງໃນຊ່ວງລະດູຝົນບໍ່ພຽງພໍ, ລວມເຖິງຜົນກະທົບຈາກພະຍຸໄຕ້ຝຸ່ນຫຼິງຫຼິງໃນເດືອນກັນຍາຜ່ານມາ.

ລາຍງານຂ່າວກ່ອນໜ້ານີ້ລະບຸວ່າ: ລັດຖະບານ ສປ ເກົາຫຼີ ໄດ້ຫຼຸດປະລິມານອາຫານສຳຮອງສຳລັບແຈກຢາຍໃຫ້ປະຊາຊົນຈາກ 550 ກຣາມເຫຼືອ 300 ກຣາມຕໍ່ຄົນ, ຂະນະທີ່ ສະຫະປະຊາຊາດໄດ້ຄິດໄລ່ວ່າຊາວ ສປ ເກົາຫຼີ 40% ຕ້ອງການຄວາມຊ່ວຍເຫຼືອດ້ານອາຫານ ເນື່ອງຈາກການເກັບກ່ຽວຜົນຜະລິດຕົກຕໍ່າທີ່ສຸດໃນຮອບ 5 ປີ.

ສ່ວນທີ່ປຶກສາດ້ານຄວາມໝັ້ນຄົງແຫ່ງຊາດຂອງ ສ.ເກົາຫຼີ ໄດ້ເປີດເຜີຍວ່າ: ອາເມຣິກາກຳລັງພະຍາຍາມຢ່າງໜັກທີ່ຈະວ່ານລ້ອມໃຫ້ ສປ ເກົາຫຼີ ກັບຄືນມາສູ່ໂຕະເຈລະຈາເລື່ອງປົດອາວຸດນິວເຄລຍກ່ອນເຖິງເສັນຕາຍທີ່ ສປ ເກົາຫຼີ ຕັ້ງໄວ້ໃນທ້າຍປີນີ້.

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.