ໄຕ້ຫວັນສຳເລັດການເລືອກຕັ້ງປະທານາທິບໍດີ…!!

0
619

ສຳນັກຂ່າວເອເອຟພີ ແລະ ບລູມເບີຣກ ລາຍຜົນການເລືອກຕັ້ງປະທານາທິບໍດີ ແລະ ສະມາຊິກສະພາຜູ້ແທນຣາຊະດອນໄຕ້ຫວັນຢ່າງບໍ່ເປັນທາງການວ່າ: ຈາກການນັບຄະແນນທີ່ 93,3% ຫຼື ປະມານ 13 ລ້ານສຽງຈາກຜູ້ມີສິເລືອກຕັ້ງປະມານ 19 ລ້ານຄົນ, ຊຶ່ງປາກົດວ່າ ທ່ານ ນາງ ໄຊ່ ອິງເຫວິນ ປະທານາທິບໍດີຍິງຈາກພັກປະຊາທິປະໄຕກ້າວໜ້າ (DPP) ມີຄະແນນນຳໜ້າ ທ່ານ ຫັນ ກໍຫຍູ ຄູ່ແຂ່ງຈາກພັກຊາດນິຍົມຈີນ (ກົກມິນຕັ໋ງ) ດ້ວຍຄະແນນ 7,49 ລ້ານສຽງຕໍ່ 5,02 ລ້ານສຽງ ຫຼື ຄິດເປັນ 57,4% ຕໍ່ 38,4%.

ເຖິງແມ່ນວ່າຈະຍັງບໍ່ໄດ້ປະກາດຜົນຢ່າງເປັນທາງການ, ແຕ່ກໍເປັນທີ່ຊັດເຈນແລ້ວວ່າ ທ່ານ ນາງ ໄຊ່ ອິງເຫວິນ ສາມາດຮັກສາຕຳ ແໜ່ງຜູ້ນຳໄຕ້ຫວັນໄດ້ເປັນສະໄໝທີສອງ ຊຶ່ງເປັນໄປຕາມຜົນສຳຫຼວດກ່ອນໜ້າທີ່ທີ່ຄະແນນຄວາມນິຍົມໃນໄລຍະໂຄ້ງສຸດທ້າຍທີ່ຊີ້ວ່າ: ທ່ານ ນາງ ອິງເຫວິນ ມີຄະແນນຄວາມໄວ້ວາງໃຈນຳໜ້າ ທ່ານ ຫັນ 30,6% ເຖິງແມ່ນວ່າທ່ານນາງຈະຖືກໂຈມຕີຢ່າງໜັກຈາກວິກິດເສດຖະກິດກ່ອນໜ້ານີ້ກໍຕາມ.

ຂະນະທີ່ຜູ້ຊ່ຽວຊານການເມືອງຫຼາຍທ່ານກໍໄດ້ອອກມາລະບຸວ່າ: ການເລືອກຕັ້ງຄັ້ງນີ້ຖືເປັນການສະແດງຈຸດຢືນທີ່ຊັດເຈນຂອງຊາວໄຕ້ຫວັນວ່າບໍ່ຕ້ອງການຢູ່ພາຍໃຕ້ອິດທິພົນຂອງຈີນແຜ່ນດິນໃຫຍ່, ເນື່ອງຈາກ ທ່ານນາງ ອິງເຫວິນ ໄດ້ສະເໜີນະໂຍບາຍ “ອະນາ ຄົດໄຕ້ຫວັນທີ່ເປັນປະຊາທິປະໄຕ ແລະ ມີເສລີພາບ”.

 

 

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.