ໂຕເລກຜູ້ເສຍຊີວິດຈາກເຫດດິນຖະຫຼົ່ມໃນມຽນມາເພີ່ມຂຶ້ນຫຼາຍກວ່າ 50 ລາຍ

0
242

ຈາກເຫດການດິນຖະຫຼົ່ມໃນລັດມອນຂອງມຽນມາ ສົ່ງຜົນໃຫ້ໂຕເລກຜູ້ເສຍຊີວິດໃນຂະນະນີ້ເພີ່ມສູງຂຶ້ນຫຼາຍກວ່າ 50 ລາຍ ຂະນະທີ່ເຈົ້າໜ້າທີ່ຍັງຄົງລະດົມກຳລັງຄົ້ນຫາຜູ້ເຄາະຮ້າຍຢ່າງຕໍ່ເນື່ອງທ່າມກາງຝົນຕົກໜັກມາແຕ່ວັນທີ 9 ສິງຫາຜ່ານມາ ພ້ອມນີ້ ທາງ ການກໍໄດ້ສັ່ງອົບພະຍົບປະຊາຊົນຫຼາຍກວ່າ 10 ພັນຄົນອອກຈາກພື້ນທີ່ສ່ຽງໄພ.

ສຳນັກຂ່າວຕ່າງປະເທດລາຍງານເມື່ອວັນທີ 11 ສິງຫາຜ່ານມາວ່າ ໜ່ວຍງານກູ້ໄພໃນມຽນມາໄດ້ລາຍງານຍອດຜູ້ເສຍຊີວິດຈາກເຫດການດິນຖະຫຼົ່ມໃນລັດມອນ ທາງພາກໃຕ້ຂອງປະເທດ ພາຍຫຼັງທີ່ເກີດຝົນຕົກໜັກຕິດຕໍ່ຫຼາຍວັນ ໃນນັ້ນ ມີຜູ້ເສຍຊີວິດແລ້ວຢ່າງໜ້ອຍ 51 ລາຍ ແລະ ໄດ້ຮັບບາດເຈັບຫຼາຍກວ່າ 42 ຄົນ.

ລາຍງານຂ່າວດຽວກັນລະບຸອີກວ່າ ມີວັດ 1 ແຫ່ງ ເຮືອນ 25 ຫຼັງ ລົດບັນທຸກ 4 ຄັນ ແລະ ລົດໃຫຍ່ 1 ຄັນໄດ້ຮັບຄວາມເສຍຫາຍ ແລະ ຈົມຢູ່ກ້ອງຊາກດິນ.

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.