ໂດຣນຖະຫຼົ່ມໂຮງກັ່ນນໍ້າມັນໃຫຍ່ສຸດຂອງໂລກ

0
291

ສຳນັກຂ່າວຕ່າງປະເທດລາຍງານເມື່ອວັນທີ 14 ກັນຍາຜ່ານມາວ່າ ມີໂດຣນໂຈມຕີໂຮງກັ່ນນໍ້າມັນຂະໜາດໃຫຍ່ 2 ແຫ່ງຂອງບໍລິສັດອາຣຳໂກ ຊຶ່ງເປັນບໍລິສັດນໍ້າມັນແຫ່ງຊາດຂອງຊາອຸດິດອາຣັບບີ.

ຂະນະທີ່ໂດຣນລຳທຳອິດໂຈມຕີໂຮງນໍ້າມັນອັບເຄກ ໂຮງກັ່ນນໍ້າມັນທີ່ຫຍ່ທີ່ສຸດໃນໂລກຊຶ່ງຕັ້ງຢູ່ໃນແຂວງອັຊຊັລກິຍະທາງພາກຕາເວັນອອກ ແລະ ໃນເວລາຕໍ່ມາໂດຣນລຳທີສອງກໍໄດ້ໂຈມຕີພື້ນທີ່ບໍ່ນໍ້າມັນຄູຣາອິສທາງພາກຕາເວັນຕົກ ສົ່ງຜົນໃຫ້ເກີດກຸ່ມຄວັນຂະໜາດໃຫຍ່ປົກຄຸມ ແລະ ເກີດໄຟໄໝ້ຮຸນແຮງ ເບື້ອງຕົ້ນເຈົ້າໜ້າທີ່ດັບເພີງສາມາດຄວບຄຸມໄຟໄດ້ແລ້ວ.

ສ່ວນເຈົ້າໜ້າທີ່ປະຈຳອາຣຳໂກກໍໄດ້ເປີດເຜີຍວ່າ ໜ່ວຍງານຮັກສາຄວາມປອດໄພຂອງໂຮງກັ່ນນໍ້າມັນທັງສອງແຫ່ງສາມາດຄວບ ຄຸມສະຖານະການຈາກການໂຈມຕີຂອງໂດຣນໄດ້ແລ້ວ ແຕ່ກໍບໍ່ໄດ້ລະບຸຊື່ວ່າເຫດການດັ່ງກ່າວເປັນການກະທຳຂອງກຸ່ມຕິດອາວຸດກຸ່ມໃດ?.

ຂະນະທີ່ຫຼຍຝ່າຍຕ່າງກໍເຊື່ອວ່າເປັນສີມືຂອງກຸ່ມກະບົດຮູຕີ ກຸ່ມຕິດອາວຸດມຸສລິມນິກາຍຊີອາ ຊຶ່ງຕໍ່ຕ້ານລັດຖະບານເຢເມນທີ່ເປັນນິກາຍສຸໜີ ເນື່ອງຈາກວ່າກ່ອນໜ້ານີ້ກະບົດຮູຕີກໍເຄີຍກໍ່ເຫດດ້ວຍການສົ່ງໂດຣນໄປໂຈມຕີບໍ່ນໍ້າມັນເຊບາເມື່ອເດືອນສິງຫາຜ່ານມາ ພ້ອມນີ້ ກໍໄດ້ສົ່ງໂດຣນ 5 ລຳຂ້າມຊາຍແດນເຂົ້າສູ່ຊາອຸດິດອາຣັບບີ ໂດຍມີເປົ້າໝາຍໂຈມຕີສະໜາມບິນອັບຮມ ແລະ ຖານທັບອາກາດໃນເມືອງຄາມິສມູຊາອິຕເມື່ອຕົ້ນເດືອນມິຖຸນາຜ່ານມາ ແຕ່ລະບົບປ້ອງກັນໄພທາງອາກາດຂອງຊາອຸດິດອາຣັບບີສາ ມາດສະກັດກັ້ນໄວ້ກ່ອນຈະເຖິງເປົ້າໝາຍ ແລະ ໃນເດືອນພຶດສະພາຜ່ານມາກຸ່ມກະບົດຮູຕີກໍໄດ້ໂຈມຕີແຫຼ່ງຂຸດເຈາະນໍ້າມັນ 2 ແຫ່ງໃນຊາອຸດິດອາຣັບບີ.

ຂະນະທີ່ລາຄານໍ້າມັນດິບເວສເທັກຊັສກໍໄດ້ປັບເພີ່ມຂຶ້ນຫຼາຍກວ່າ 11% ໃນການຊື້-ຂາຍໃນວັນທີ 16 ສິງຫາພາຍຫຼັງທີ່ເກີດເຫດໂຈມຕີໂຮງກັ່ນນໍ້າມັນໃນຊາອຸດິດອາຣັບບີໃນວັນທີ 14 ກັນຍາ ທັງນີ້ ສັນຍານນໍ້າມັນດິບເວສເທັກຊັລ (WTI)  ງວດສົ່ງມອບເດືອນຕຸລາຊຶ່ງມີການຊື້-ຂາຍທີ່ຕະຫຼາດ NYMEX ປັບເພີ່ມຂຶ້ນ 6,12 ໂດລາ ຫຼື 11,16% ປັບຂຶ້ນສູ່ລະດັບ 60,97 ໂດລາຕໍ່ບາເຣລ ພາຍຫຼັງທີ່ເກີດເຫດໂຈມຕີໂຮງກັ່ນນໍ້າມັນ 2 ແຫ່ງ.

ຂະນະທີ່ເຈົ້າຊາຍອັບດຸລາຊິຊ ບິນ ຊັລມານ ລັດຖະມົນຕີກະຊວງພະລັງງານຂອງຊາອຸດິດອາຣັບບີໄດ້ອອກມາເປີດເຜີຍວ່າ ເຫດໂຈມ ຕີດັ່ງກ່າວສົ່ງຜົນກະທົບຕໍ່ການຜະລິດນໍ້າມັນ ແລະ ແກ໊ສ 5,7 ລ້ານບາເຣລຕໍ່ວັນ ສ່ວນໂຕເລກຫຼ້າສຸດທີ່ໂອເປັກເປີດເຜີຍເມື່ອເດືອນສິງຫາຜ່ານມາຊຶ່ງລະບຸວ່າ ຜົນຜະລິດທັງໝົດຂອງຊາອຸດິດອາຣັບບີຢູ່ທີ່ 9,8 ລ້ານບາເຣລຕໍ່ວັນ ເທົ່າກັບຜົນຜະລິດຈະສູນເສຍໄປເກືອບເຄິ່ງໜຶ່ງ ຫຼື ຄິດເປັນ 5% ຕໍ່ວັນຂອງຄວາມຕ້ອງການນໍ້າມັນທົ່ວໂລກ.

ຂະນະທີ່ຫຼາຍປະເທດໃນອາຊີຍັງເຊື່ອໝັ້ນວ່າປະລິມານນໍ້າມັນຍັງພໍໃຊ້ ແຕ່ບາງປະເທດອາດຕ້ອງໃຊ້ສາງນໍ້າມັນສຳຮອງເພື່ອທົດແທນ ຊຶ່ງປະກອບມີ ສ.ເກົາຫຼີ ຍີ່ປຸ່ນ ອິນເດຍ ໄຕ້ຫວັນ ອິນໂດເນເຊຍ ແລະ ໄທ ພ້ອມນີ້ ການຜະລິດນໍ້າມັນອາດຢຸດນິ້ງໄດ້ທຸກເມື່ອຖ້າຫາກສະຖານະການຍັງບານປາຍ ຊຶ່ງອາດສົ່ງຜົນໃຫ້ລາຄານໍ້າມັນໃນຕະຫຼາດໂລກປັບເພີ່ມຂຶ້ນ.

 

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.