ໂຄງການທາງລົດໄຟລາວ-ຈີນເລີ່ມວາງຂາງຂົວຄັ້ງທຳອິດເຂດພາກເໜືອຂອງໂຄງການ

0
628

ວັນທີ 26 ພະຈິກຜ່ານມາ ຢູ່ທີ່ບ້ານນາເຕີຍໄດ້ຈັດພິທີລິເລີ່ມການວາງຂາງຂົວຄັ້ງທຳອິດຢູ່ເຂດພາກເໜືອຂອງໂຄງການທາງລົດໄຟ ລາວ-ຈີນ ໃຫ້ກຽດເຂົ້າຮ່ວມໂດຍ ທ່ານ ບູນຍີ່ ແກ້ວຄູນເມືອງ ຮອງເຈົ້າແຂວງໆຫຼວງນໍ້າທາ, ທ່ານ ຫວູ໋ຫຼິງ ຫົວໜ້າຜູ້ຊິ້ນຳລວມໂຄງການເສັ້ນທາງລົດໄຟລາວ-ຈີນ, ມີຫົວໜ້າບໍລິສັດທາງລົດໄຟລາວ-ຈີນເລກ 5, ສະພາປະຊາຊົນແຂວງ, ອະດິດການນຳ, ຫົວ ໜ້າໄກເກ່ຍ, ມີບັນດາພະນັກງານວິຊາການ ແລະ ປະຊາຊົນບ້ານນາເຕີຍເຂົ້າຮ່ວມ.

ທ່ານ ບູນຍີ່ ແກ້ວຄູນເມືອງ ຮອງເຈົ້າແຂວງໆຫຼວງນໍ້າທາ, ທ່ານ ຫວູ໋ຫຼິງ ຫົວໜ້າຜູ້ຊິ້ນຳລວມໂຄງການເສັ້ນທາງລົດໄຟລາວ-ຈີນກໍໄດ້ກ່າວເປີດການວາງຂາງຂົວຢ່າງເປັນທາງການ ແລະ ບໍລິສັດກໍໍ່ສ້າງທາງລົດໄຟເລກ 5 ສປ ຈີນ ສະໜາມຫຼໍ່ຂາງຂົວນາເຕີຍ ຂອງໂຄງການທາງລົດໄຟລາວ-ຈີນ ແມ່ນຮັບຜິດຊອບຜະລິດຫຼໍ່ຂາງຂົວ, ໂຄງການທາງລົດໄຟສາຍໄໝ “ບໍໍ່ເຕ່ນ-ນະຄອນຫຼວງວຽງຈັນ ຊ່ວງສັນຍາ I”, ຮັບຜິດຊອບໜ້າທີ່ຜະລິດຫຼໍ່ຂາງຂົວລາງດ່ຽວໂຕ (T) ທັງໝົດ 309.5 ຄູ່ ແລະ ວຽກກໍໍ່ສ້າງກ່ຽວກັບການເຊື່ອມຈອດຂອງຂົວ, ຂາງຂົວທີ່ມີຄວາມຍາວ 24 ແມັດມີ 39 ຄູ່, ຍາວ 32 ແມັດມີ 270.5 ຄູ່, ໄລຍະກໍໍ່ສ້າງຂອງສັນຍາແມ່ນເລີມແຕ່ວັນທີ 1 ທັນວາ 2018–15 ພະຈິກ 2020 ມູນຄ່າສັນຍາ 102.140.193 ຢວນ.

ຊ່ວງສັນຍານີ້ຂື້ນກັບຂອບເຂດແຂວງຫຼວງນໍ້າທາ ແລະ ແຂວງອຸດົມໄຊ ຕາມແລວທາງແມ່ນໄດ້ຜ່ານບ້ານບໍໍ່ເຕ່ນ, ນາເຕີຍ, ນາໝໍ້ ແລະ ນາທົໍ່ງ, ຂອບເຂດວາງຂາງຂົວເລີ່ມແຕ່ຈຸດ DK3+425 ຫາ D3K41+000 ມີຄວາມຍາວທັງໝົດ 37.575 ກີໂລແມັດ, ລວມມີຂົວທັງໝົດ 27 ແຫ່ງ. ສະໜາມຫຼໍ່ຂາງຂົວນາເຕີຍແມ່ນໄດ້ເລີ່ມວາງຂາງຂົວໃນວັນທີ 26 ພະຈິກ 2019, ການ ວາງຂາງຂົວແມ່ນຈະນໍາໃຊ້ກົນຈັກຍົກໄດ້ 180 ໂຕນ ເພື່ອຍົກ, ເຄື່ອນຍ້າຍ ແລະ ຕິດຕັັ້ງຂາງຂົວ, ພ້ອມທັງນໍາໃຊ້ລົດເພື່ອຂົນສົໍ່ງຂາງຂົວຂະໜາດ LPLC200TK,TLQ100-102 ແລະ ວິທີການກໍໍ່ສ້າງຈະນໍາໃຊ້ໂຄງເຫຼັກກົນຈັກສໍາຫຼັບວາງຂາງຂົວ JQT180, ການກໍໍ່ສ້າງວາງຂາງຂົວແມ່ນຈະເລີມວາງມາເບື້ອງບໍໍ່ເຕ່ນກ່ອນ ລວມມີຂົວ 7 ແຫ່ງ ຈະໄດ້ນໍາໃຊ້ຂາງຂົວ 102.5 ຄູ່, ຊຶ່ງໄດ້ຜ່ານຊັັ້ນພື້ນທາງລົດໄຟ 8 ຈຸດ ແລະ 2 ອຸໂມງ, ສ່ວນການວາງຂາງຂົວລົງໄປທາງເມືອງນາໝໍ້ ລວມມີຂົວ 20 ແຫ່ງຈະໄດ້ນໍາໃຊ້ຂາງຂົວ 207 ຄູ່, ຊຶ່ງໄດ້ຜ່ານຊັັ້ນພື້ນທາງລົດໄຟ 26 ຈຸດ ແລະ 6 ອຸໂມງ, ອີງຕາມແຜນການທີ່ໄດ້ກຳນົດໄວ້ໜ້າວຽກການວາງຂາງຂົວ ແມ່ນຈະໃຫ້ສໍາເລັດໃນວັນທີ 30 ມິຖຸນາ 2020 ນີ້.

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.