ແພດເຕືອນ! ຄົນທີ່ເບິ່ງຊີຣີຫຼາຍເກີນໄປມີຄວາມສ່ຽງເປັນພະຍາດຕຸ້ຍ ແລະ ກະທົບລະບົບປະສາດ

0
30

ເມື່ອວັນທີ 7 ກໍລະກົດ 2019ທີ່ຜ່ານມາຜູ້ອຳນວຍການໂຮງໝໍຈິດຕະເວດນະຄອນຣາຊະສີມາຣາຊນະຄຣິນກ່າວວ່າ ປັດຈຸບັນການເບິ່ງຊີຣີທາງອິນເຕີເນັດກຳລັງໄດ້ຮັບຄວາມນິຍົມຢ່າງສູງ ເພາະເບິ່ງໄດ້ຈາກໂທລະສັບມືຖືຢ່າງບໍ່ມີຂໍ້ຈຳກັດທາງດ້ານເວລາ ຫຼື ສະ ຖານທີ່ ຜົນດີແມ່ນຊ່ວຍຜ່ອນຄາຍຈາກການເຮັດວຽກ ເຮັດໃຫ້ເກີດຄວາມສະໜຸກສະໜານ ແຕ່ກໍຕ້ອງມີຄວາມສຸກໃຫ້ພໍດີ ບໍ່ດັ່ງ ນັ້ນຈະສົ່ງຜົນກະທົບຕໍ່ສຸຂະພາບກາຍ ແລະ ຈິດໃຈ ຈາກການສຶກສາວິໄຈໃນສະຖາບັນຊື່ດັງຂອງຕ່າງປະເທດພົບວ່າ ຜູ້ໃຫຍ່ 1 ໃນ 3 ໃຊ້ເວລາເບິ່ງໂທລະພາບສະເລ່ຍ 1,42 ວັນຕໍ່ອາທິດ ສົ່ງຜົນເກີດບັນຫາໃຫ້ເກີດຄວາມສ່ຽງເປັນພະຍາດຕຸ້ຍ ແລະ ພັກຜ່ອນບໍ່ພຽງພໍ ສົ່ງຜົນກະທົບຕໍ່ຄວາມຈຳ ລວມເຖິງຍັງສ່ຽງຕໍ່ການເສບຕິດຊຶ່ງເກີດຈາກກົນໄກພາຍໃນສະໝອງ.

ການເບິ່ງຊີຣີຕິດຕໍ່ກັນເປັນເວລາຫຼາຍຊົ່ວໂມງຕໍ່ວັນມີຜົນກະທົບຕາມມາຢ່າງເຫັນໄດ້ຊັດຄື ການອົດນອນຊຶ່ງຈະສົ່ງຜົນຕໍ່ການທຳງານຂອງສະໝອງທັງດ້ານຄວາມຄິດ ຄວາມຈຳ ການຮຽນຮູ້ທາງດ້ານພາສາ ການຕັດສິນໃຈທີ່ຊ້າລົງ ສົ່ງຜົນກະທົບຕໍ່ການເຮັດວຽກ ແລະ ການຮຽນ ລວມທັງຍັງເຮັດໃຫ້ອາລົມປ່ຽນແປງງ່າຍຂຶ້ນ ຊຶ່ງຖ້າຫາກອົດນອນຕໍ່ເນື່ອງເປັນເວລາດົນອາດເກີດອາການທາງຈິດເຊັ່ນ ຫູແວ້ວ ປະສາດຫຼອນ ແລະ ອາການອື່ນໆ.

ສຳລັບຄົນທີ່ມັກເບິ່ງຊີຣີຄວນຈັດຕາຕະລາງຊີວິດໃຫ້ເປັນລະບຽບ ແບ່ງເວລາໃຫ້ເໝາະສົມ ກຳນົດເວລາໃຫ້ຊັດເຈນ ບໍ່ຄວນເບິ່ງຕິດຕໍ່ກັນເກີນ 2 ຊົ່ວໂມງ ທັງນີ້ ກໍເພື່ອໃຫ້ຮ່າງກາຍໄດ້ພັກຜ່ອນຢ່າງເຕັມທີ່.

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: khaosod.co.th

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.