ແນວຄວາມຄິດໃໝ່… ສ້າງຖະໜົນແບບຍືນຍົງດ້ວຍສິ່ງເສດເຫຼືອ!!

0
450

ມີຂໍ້ມູນທີ່ລະບຸວ່າ: ອາເມຣິກາໃຊ້ເງິນເຖິງ 5 ພັນລ້ານໂດລາຕໍ່ປີເພື່ອສ້ອມແປງໂຄງສ້າງພື້ນຖານຂອງຖະໜົນທີ່ເສຍຫາຍຈາກຫິມະໃນລະດູໜາວ, ນອກນັ້ນ ຍັງເສຍເງິນໄປກັບປະຕິບັດການຄວບຄຸມນໍ້າກ້ອນ ແລະ ການລະລາຍນໍ້າກ້ອນ ຊຶ່ງວິທີທີ່ນຳໃຊ້ໂດຍທົ່ວໄປກໍຄືການສີດພົ່ນສານລະລາຍນໍ້າກ້ອນ ຫຼື ໂຮຍເກືອເທິງຖະໜົນຫິມະ.

ທຸກໆປີຈະມີການໃຊ້ໂຊດຽມຄລໍໄຣ ຫຼື ເກືອປະມານ 27 ລ້ານໂຕນເພື່ອສ້ອມແປງຖະໜົນ ໃນຊ່ວງລະດູໜາວໃນອາເມຣິກາ, ແຕ່ກໍມີການວິໄຈຊຶ່ງພົບວ່າ: ສານຄລໍໄຣບໍ່ໄດ້ຫຼຸດລົງໃນສິ່ງແວດລ້ອມ ແລະ ອາດກໍ່ໃຫ້ເກີດຄວາມສ່ຽງໃນໄລຍະຍາວ, ມີຄວາມພະຍາຍາມໃຊ້ນໍ້າບີທຣູດມາປຸງແຕ່ງເພີ່ມປະສິດທິພາບຂອງສານລະລາຍເພື່ອຫວັງຫຼຸດຜົນກະທົບຕ່າງໆ ແຕ່ ເມື່ອນໍ້າບີທຣູດເຂົ້າສູ່ແຫຼ່ງນໍ້າກໍສາມາດຫຼຸດອົກຊີແຊນຈົນກາຍເປັນອັນຕະລາຍຕໍ່ສິ່ງທີ່ມີຊີວິດໃນນໍ້າ.

ຫຼ້າສຸດ ທີມວິໄຈ ແລະ ຜູ້ຊ່ຽວຊານດ້ານວິສະວະກຳໂຍທາ ແລະ ສິ່ງແວດລ້ອມຂອງມະຫາວິທະຍາໄລແຫ່ງລັດວໍຊິງຕັນໄດ້ເປີດເຜີຍການຄິດຄົ້ນວິທີແກ້ໄຂບັນຫາດັ່ງກ່າວທີ່ມີຄວາມຍືນຍົງກວ່າເກົ່ານັ້ນກໍຄື: ການພັດທະນາສານລະລາຍນໍ້າກ້ອນທີ່ສະກັດຈາກເປືອກໝາກລະແຊັງ ແລະ ຂອງເສຍຈາກພາກກະສິກຳ.

ທັງນີ້ ນັກວິໄຈຍັງເປີດເຜີຍອີກວ່າ: ຂະບວນການໃໝ່ນີ້ເຮັດໃຫ້ສູດສານລະລາຍບໍ່ກໍ່ໃຫ້ເກີດຂອງເສຍໃດໆ ແລະ ສານລະລາຍທີ່ສະກັດຈາກໝາກລະແຊັງກໍລະລາຍຫິມະໄດ້ໄວກວ່າສານລະລາຍຊະນິດອື່ນໆ, ເຮັດໃຫ້ຄອນກີດ ແລະ ຢາກໝາກຕ໋ອຍເສຍຫາຍໜ້ອຍລົງ, ອີກທັງວິທີແກ້ໄຂບັນຫານີ້ກໍເຮັດໃຫ້ເກີີດຄວາມສ່ຽງໜ້ອຍລົງຕໍ່ແຫຼ່ງນໍ້າ.

 

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.