ແຂ້ວ… ເປັນຫຍັງບໍ່ປົ່ງຢູ່ໃນປາກ?

0
4459

ເວັບໄຊຂ່າວຕ່າງປະເທດໄດ້ເປີດເຜີຍເລື່ອງລາວຂອງໜຸ່ມຊາວຈີນຄົນໜຶ່ງຊຶ່ງເກີດອາການຫາຍໃຈຕິດຂັດ-ຫາຍໃຈຍາກ, ດັ່ງນັ້ນ ຜູ້ກ່ຽວຈຶ່ງຟ້າວໄປພົບແພດຢ່າງຮີບດ່ວນ ພາຍຫຼັງທີ່ແພດໄດ້ກວດເຊັກຢ່າງລະອຽດກໍພົບວ່າ: ມີແຂ້ວປົ່ງຂຶ້ນຢູ່ໃນຮູດັງຂອງຊາຍໜຸ່ມຄົນດັ່ງກ່າວ.

ທັງນີ້, ອາການຫາຍໃຈຕິດຂັດ, ຫາຍໃຈບໍ່ສະດວກມັກເກີດຂຶ້ນເມື່ອມີສິ່ງໃດສິ່ງໜຶ່ງເຮັດໃຫ້ເກີດການລະຄາຍເຄືອງ ຫຼື ອັບເສບພາຍໃນເຫຍື່ອບຸຜ່ານທາງລະບົບຫາຍໃຈ ແຕ່ສິ່ງຕ່າງໆເຫຼົ່ານີ້ບໍ່ແມ່ນສາເຫດທີ່ເຮັດໃຫ້ ທ້າວ ຊາງ ບິນເຊັງ (Zhang Binsheng) ອາຍຸ 30 ປີຈາກເມືອງຮາຣບິນໃນ ສປ ຈີນ ເກີດອາການຫາຍໃຈຍາກດົນກວ່າ 3 ເດືອນຢ່າງແນ່ນອນ.

ໂດຍສຳນັກຂ່າວໃນ ສປ ຈີນໄດ້ລາຍງານວ່າ: ທ້າວ ຊາງ ໄດ້ເດີນທາງໄປພົບແພດຢູ່ໂຮງໝໍແຫ່ງໜຶ່ງເນື່ອງຈາກພົບວ່າຕົນເອງຫາຍໃຈບໍ່ສະດວກ ແລະ ຍັງໄດ້ກິ່ນເນົ່າເໝັນຢູ່ພາຍໃນຜົ້ງດັງ, ດັ່ງນັ້ນ ແພດຈຶ່ງກວດເຊັກ ແລະ ເອັກສເຣເບິ່ງ ຜົນປາກົດວ່າມີບາງສິ່ງອັດຕັນຢູ່ໃນຮູດັງຂອງ ທ້າວ ຊາງ ແລະ ເມື່ອກວດຢ່າງລະອຽດກໍຮູ້ວ່າສິ່ງນັ້ນກໍຄື ແຂ້ວທີ່ງອກຂຶ້ນຜິດບ່ອນນັ້ນເອງ.

ດ້ວຍເຫດນີ້ແພດຈຶ່ງໄດ້ຜ່າຕັດເອົາແຂ້ວເຫຼັ້ມດັ່ງກ່າວນັ້ນອອກ, ຂະນະທີ່ ທ້າວ ຊາງ ໄດ້ກ່າວວ່າ: ແຂ້ວທີ່ພົບໃນຮູດັງໜ້າຈະເກີດຈາກອຸບັດເຫດທີ່ຕົນເອງເຄີຍຕົກລົງມາຈາກຊັ້ນສາມຂອງຫ້າງສັບພະສິນຄ້າເມື່ອຕອນອາຍຸ 10 ປີ, ແຂ້ວເຫຼັ້ມນີ້ໜ້າຈະເປັນແຂ້ວທີ່ຫາຍໄປໃນຄັ້ງນັ້ນ. ຢ່າງໃດກໍຕາມ ຕົນເອງກໍຍັງຮູ້ສຶກແປກໃຈທີ່ຢູ່ດີໆກໍຫາກໍ່ມີອາການແບບນີ້ໃນໄວ 30 ປີຊຶ່ງເຫດການດັ່ງກ່າວກໍຜ່ານມາໄດ້ປະມານ 20 ປີແລ້ວ.

 

ຮຽບຮຽງ: ເພັງສະຫວັນ

ຮູບພາບ: postjung.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.