ເມືອງໝື່ນໄຂສົກຮຽນໃໝ່ 2019-2020

0
51

ພິທີໄຂສົກຮຽນໃໝ່ສົກຮຽນ 2019–2020 ຢູ່ທີ່ເມືອງໝື່ນ ເເຂວງວຽງຈັນ ໄດ້ຈັດຂຶ້ນຢ່າງເປັນທາງການແລ້ວເມື່ອວັນທີ 2 ກັນ ຍາຜ່ານມາທີ່ໂຮງຮຽນ ມສ ນ້ຳຮອນ ໂດຍການໃຫ້ກຽດເຂົ້າຮ່ວມຂອງ ທ່ານ ປອ ພົນຈັດຕະວາ ທອງເຄນ ບຸນໝັ້ນ ຄະນະປະຈຳພັກແຂວງ ເລຂາຄະນະພັກຮາກຖານ ຫົວໜ້າກອງບັນຊາການ ປກສ ເເຂວງວຽງຈັນ ທ່ານ ນາງ ວົງພອນ ພານຸວົງ ຄະນະປະຈຳພັກເມືອງ ອະດີດປະທານແນວລາວສ້າງຊາດເມືອງໝື່ນ ທ່ານ ອຈ ລີຕົວ ລີເລ່ຍນູ ກຳມະການພັກເມືອງ ຫົວໜ້າຫ້ອງການສຶກ ສາທິການ ແລະ ກີລາເມືອງໝື່ນ ມີບັນຜູ້ອຳນວຍການໂຮງຮຽນມັດທະຍົມ-ປະຖົມ ຄະນະພັດທະນາການສຶກສາ ບັນດາຄູ-ອາຈານ ແລະ ນ້ອງນ້ອຍນັກຮຽນເຂົ້າຢ່າງພ້ອມພຽງ.

ໃນພິທີທ່ານ ອຈ ລີຕົວ ລີເລ່ຍນູ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກີລາໄດ້ກ່າວວ່າ ປັດຈຸບັນທົ່ວເມືອງໝື່ນມີໂຮງຮຽນ ມສ 4 ແຫ່ງ ມໍຕົ້ນ 1 ແຫ່ງ ໂຮງຮຽນປະຖົມ 23 ແຫ່ງ ໃນນີ້ ມີໂຮງຮຽນມູນ 1 ແຫ່ງ ມີໂຮງຮຽນອານຸບານ 14 ແຫ່ງ ມີຄູ-ອາຈານທັງໝົດ 369 ຄົນ ຍິງ 141 ຄົນ ມີຄູອາສາສະໝັກ 145 ຄົນ ຍິງ 77 ຄົນ ສຳລັບສົກປີຮຽນ 2018– 2019 ຜ່ານມາເມືອງໝື່ນສາມາດມາດສ້າງນັກຮຽນເກັ່ງໄປສອບເສັງຂັ້ນແຂວງໄດ້ 9 ຄົນ ສົ່ງໄປສອບເສັງລະດັບປະເທດ 2 ຄົນສອບເສັງໄດ້ 1 ຄົນ ນອກຈາກນີ້ ສົກປີຜ່ານມາເມືອງໝື່ນປະຕິບັດອັດຕາການເຂົ້າຮຽນສຸດທິຂອງເດັກປໍ 1 ໄດ້ຕາມແຜນການຂອງກະຊວງວາງອອກ ການສອບເສັງຈົບຊັ້ນ ມໍ 4 ມໍ 7 ກໍສາມາດບັນລຸຕາມແຜນການ ແລະ ໃນສົກປີ 2019–2020 ນີ້ ເມືອງໝື່ນຈະສູ້ຊົນປະບັດອັດຕາການເຂົ້າຮຽນຂອງເດັກອາຍຸ 3-4 ປີໃຫ້ໄດ້ຕາມແຜນ ສ້າງນັກຮຽນເກັ່ງໃຫ້ສາມາດສອບເສັງຕິດອັນດັບແຂວງ ແລະ ອັນດັບປະເທດໃຫ້ໄດ້ຫຼາຍກວ່າເກົ່າ ສ້າງໂຮງຮຽນຕົວແບບໃຫ້ໄດ້ 1 ຫາ 2 ໂຮງຮຽນ.

ທ້າຍພິທີ ທ່ານ ປອ ພົນຈັດຕະວາ ທອງເຄນ ບຸນໝັ້ນ ກໍໄດ້ໂອລົມ ແລະ ສະແດງຄວາມຮັກແພງອັບອົບອຸ່ນມາຍັງຄູ-ອານຈານ ຄະນະພັດທະນາການສຶກສານ້ອງນັກຮຽນ ພ້ອມກັນ ນັ້ນທ່ານກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຮອບດ້ານທີ່ຄູ-ອາຈານ ຄະນະພັດທະນາການສຶກຕະຫຼອດຮອດພໍ່ແມ່ຜູ້ປົກຄອງຂອງນ້ອງນັກຮຽນທີ່ໄດ້ເອົາໃຈໃສ່ເຂົ້າໃນວຽກງານການສຶກສາໃຫ້ນັບມື້ຂະ ຫຍາຍຕົວ ໂອກາດດຽວກັນທ່ານກໍໄດ້ຮຽກຮ້ອງມາຍັງຜູ້ປົກຄອງນັກຮຽນຈົ່ງພ້ອມກັນປະກອບສ່ວນຕາມພາລະບົດບາດຂອງຕົນ ສຶກ ສາອົບຮົ່ມບົ່ມສອນລູກຫຼານຂອງຕົນເອງໃຫ້ເຫັນເຖິງຄວາມໝາຍຄວາມສຳຄັນຂອງການສຶກສາ ບັນດາຄູ-ອາຈານກໍຕ້ອງເພີ່ມທະວີເຂົ້າໃນວຽກງານການສິດສອນໃຫ້ສູງຂຶ້ນ ໝັ່ນສຶກສາຮ່ຳຮຽນເອົາຄວາມຮູ້ອັນແປກໃໝ່ ເອົາໃຈໃສ່ຕ້ານ ແລະ ແກ້ໄຂບັນດາປາ ກົດການຫຍໍ້ທໍ້ ລວມທັງສ້າງບາດກ້າວໃໝ່ໃຫ້ນັບມື້ນັບດີຂຶ້ນຢ່າງບໍ່ຢຸດຢັ້ງ.

 

 

 

ຂ່າວ: ແຫວນຄຳ (ນັກຂ່າວຈາກເມືອງໝື່ນ ແຂວງວຽງຈັນ)

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.