ເຜີຍແຜ່ຄຳສັ່ງ ວ່າດ້ວຍການກະກຽມດຳເນີນກອງປະຊຸມໃຫຍ່

0
148

ໃນວັນທີ 19 ກັນຍາ 2019 ທີ່ຫ້ອງວ່າການປະທານປະເທດໄດ້ຈັດຕັ້ງເຜີຍແຜ່ຄໍາສັ່ງເລກທີ 04/ຄລສພ ວ່າດ້ວຍການກະກຽມດຳເນີນກອງປະຊຸມໃຫຍ່ອົງຄະນະພັກກະຊວງ-ອົງການ ແຂວງ-ນະຄອນຫຼວງ ອົງຄະນະພັກເມືອງ-ນະຄອນ ແລະ ຮາກຖານພັກ ໃນຂອບເຂດທົ່ວປະເທດ ພ້ອມມອບບັດສະມາຊິກພັກສົມບູນ ເລື່ອນສະມາຊິກພັກສຳຮອງຂຶ້ນສົມບູນ ແລະ ຮັບເອົາສະມາຊິກພັກໃໝ່ ໂດຍມີ ທ່ານ ຄຳເມິງ ພົງທະດີ ກຳມະການສູນກາງພັກ ເລຂາຄະນະພັກ ລັດຖະມົນຕີ ຫົວໜ້າຫ້ອງວ່າການປະທານປະເທດ ເຂົ້າຮ່ວມ.

ໂອກາດດັ່ງກ່າວ ທ່ານ ຄຳເມິງ ໄດ້ຍົກໃຫ້ເຫັນເນື້ອໃນຈິດໃຈຂອງຄຳສັ່ງເລກທີ ເລກທີ 04/ຄລສພ ໂດຍມີຈຸດປະສົງເພື່ອເຮັດໃຫ້ການກະກຽມກອງປະຊຸມໃຫຍ່ແຕ່ລະຂັ້ນດຳເນີນໄປຖືກຕ້ອງຕາມກົດລະບຽບຂອງພັກ ຮັບປະກັນການຊີ້ນຳນຳພາຂອງຄະນະພັກຂັ້ນເທິງ ແລະ ມີຄວາມເປັນເອກະພາບໃນທົ່ວພັກ ຊຶ່ງການດຳເນີນກອງປະຊຸມໃຫຍ່ຂອງພັກແຕ່ລະຂັ້ນເປັນການປັບປຸງພາຍໃນພັກໃຫ້ມີຄວາມໜັກແໜ້ນ ເຂັ້ມແຂງ ເພື່ອຍົກສູງຄວາມສາມາດໃນການນຳພາຂອງຄະນະພັກໃຫ້ສົມຄູ່ກັບການເລັ່ງທວງຂອງໜ້າທີ່ການເມືອງໃນໄລຍະໃໝ່ ສຳລັບການກະກຽມໃຫ້ແກ່ກອງປະຊຸມໃຫຍ່ຂອງພັກແຕ່ລະຂັ້ນນັບແຕ່ຂັ້ນກະຊວງລົງຮອດທ້ອງຖິ່ນ ຈະໄດ້ມີການສ້າງຂະບວນການເພື່ອເລືອກເຟັ້ນເອົາບຸກຂະລາກອນທີ່ມີມາດຕະຖານ ເງື່ອນໄຂຄົບຖ້ວນເຂົ້າໃນໂຄງປະກອບຂອງຄະ ນະພັກແຕ່ລະຂັ້ນ ກະກຽມດ້ານເນື້ອໃນລາຍງານການເມືອງ ແຜນພັດທະນາເສດຖະກິດ-ສັງຄົມ ບົດສຳຫລວດການນຳພາລວມ ຂອງຄະນະບໍລິຫານງານພັກ ແລະ ການກະກຽມດ້ານບຸກຂະລາກອນ.

ໂອກາດດຽວກັນ ທ່ານ ເພັດສະໜອນ ພັນທະວົງ ຮອງເລຂາຄະນະພັກ ຮອງລັດຖະມົນຕີ ຮອງຫົວໜ້າຫ້ອງວ່າການປະທານປະ ເທດກໍໄດ້ເຜີຍແຜ່ບົດແນະນຳເລກທີ 385/ຄກສພ ກ່ຽວກັບການດຳເນີນຊີວິດການເມືອງພາຍໃນພັກເພື່ອກ້າວເຂົ້າສູ່ກອງປະຊຸມ ໃຫຍ່ສາມຂັ້ນ ໂດຍທ່ານໄດ້ຍົກໃຫ້ເຫັນຈຸດປະສົງ​ ລະດັບຄາດໝາຍຂອງການດໍາເນີນຊີວິດການເມືອງ ເພື່ອສໍາຫລວດກວດກາ ຕີ ລາຄາຄວາມຮັບຜິດຊອບລວມຂອງການຈັດຕັ້ງພັກ ຂອງຄະນະພັກ ແລະ ອື່ນໆ ພ້ອມດຽວກັນນັ້ນ ພາຍໃນພິທີຍັງໄດ້ມອບບັດໃຫ້ສະມາຊິກພັກສົມບູນ 10 ສະຫາຍ ເລື່ອນສະມາຊິກພັກສຳຮອງຂຶ້ນສົມບູນ 3 ສະຫາຍ ແລະ ຮັບສະມາຊິກພັກໃໝ່ 3 ສະຫາຍ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.