ເປີດໂຕໂຄງການ “Top Star Laos” ຢ່າງເປັນທາງການ

0
141

ໃນວັນທີ 19 ສິງຫາທີ່ຜ່ານມາທີ່ສູນການຄ້າວຽງຈັນ ເຊັນເຕີ ນະຄອນຫຼວງວຽງຈັນ ໄດ້ຈັດຖະແຫຼງຂ່າວເປີດໂຕໂຄງການປະກວດຮ້ອງເພງທີ່ມີຊື່ວ່າ “Top Star Laos” ຢ່າງເປັນທາງການ ໃຫ້ກຽດເຂົ້າຮ່ວມໂດຍ ທ່ານ ຄຳພວງ ອິນທະວົງສີ ຫົວໜ້າກົມສິລະ ປະກາສະແດງ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ທ່ານ ອານຸສອນ ສິລິສັກດາ ປະທານໂຄງການ Top Star Laos ມີບັນດາແຂກຖືກເຊີນ ສິລະປິນຊື່ດັງທັງພາຍໃນ ແລະ ຕ່າງປະເທດ ພ້ອມດ້ວຍພາກສ່ວນກ່ຽວຂ້ອງ ລວມເຖິງບັນດາບໍລິສັດຫ້າງຮ້ານທີ່ໃຫ້ການສະໜັບສະໜູນໂຄງການດັ່ງກ່າວ ແລະ ມວນຊົນເຂົ້າຮ່ວມຢ່າງຫຼວງຫຼາຍ.

ໂຄງການ “Top Star Laos” ຖືເປັນໂຄງການປະກວດຮ້ອງເພງເພື່ອຄົ້ນຫາສິລະປິນໜ້າໃໝ່ໃນສາຂາລູກທົ່ງບ້ານນາເພື່ອກ້າວຂຶ້ນມາປະດັບວົງການເພງ (ລູກທົ່ງ) ຊຶ່ງໃນເວທີປະກວດຄັ້ງນີ້ແມ່ນໄດ້ເຊີນບັນດາສິລິປິນຊື່ດັງທັງລາວ ແລະ ໄທມາຮ່ວມເປັນກຳມະ ການຕັດສິນເພື່ອຄັດເລືອກເອົາດາວດວງໃໝ່ມາປະດັບວົງການເພງ ທັງນີ້ ຜູ້ທີ່ຈະເຂົ້າຮ່ວມສະໝັກຕ້ອງມີອາຍຸແຕ່ 15 ປີຂຶ້ນໄປ (ຊາຍ-ຍິງ) ສຳລັບລາງວັນຊະນະເລີດແມ່ນຈະໄດ້ຮັບເງິນສົດມູນຄ່າ 14.500.000 ກີບ ລົດຈັກ 1 ຄັນ ພ້ອມມີຊິງເກິລເປັນຂອງຕົນເອງ 1 ຊິງເກິລ ສ່ວນຮອງຊະນະເລີດຈະໄດ້ຮັບເງິນສົດ 8.700.000 ກີບພ້ອມຂອງລາງວັນອື່ນໆ ນອກນີ້ ກໍມີລາງວັນພິເສດ 2 ລາງວັນຄື 1. ລາງວັນພິເສດຈາກ ເພັດ ສະຫະລັດ ໂດຍຈະເລືອກເອົາ 1 ໃນ 16 ຄົນທີ່ຜ່ານເຂົ້າຮອບສຸດທ້າຍ ແລະ 2. ລາງ ວັນຈາກ White B ຄລີນິກ ສັນຍະກຳຟຣີມູນຄ່າ 87.000.000 ກີບໂດຍຈະເລືອກເອົາ 1 ໃນ 16 ຄົນທີ່ຜ່ານເຂົ້າຮອບສຸດ ທ້າຍ.

ບັນດາທ່ານສາມາດຮ່ວມສະໝັກໄດ້ໃນວັນທີ່ເປີດ Audition ຢູ່ໃນ 3 ແຂວງຄື ແຂວງສະຫວັນນະເຂດເລີ່ມ Audition ແຕ່ວັນ ທີ 31 ສິງ ຫາ 2019 ທີ່ສູນການຄ້າສະຫວັນໄອເຕັກ ແຂວງຈຳປາສັກເລີ່ມ Audition ທີ່ສູນການຄ້າ ເຟຣນຊິບ ມໍ ໃນວັນທີ 1 ກັນຍາ 2019 ແລະ ຢູ່ທີ່ນະຄອນຫຼວງວຽງຈັນຈະເລີ່ມ Audition ແຕ່ວັນທີ 7 ກັນຍາ 2019 ທີ່ສູນການຄ້າວຽງຈັນ ເຊັນເຕີ ສຳລັບເວລາລົງທະບຽນແມ່ນເລີ່ມແຕ່ 9:00-12:00 ໂມງ ແລະ ເລີ່ມ Audition ໃນເວລາ 13:00-17:00 ໂມງ.

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.