ເບິ່ງດວງປະຈຳອາທິດແຕ່ວັນທີ 4 -10 ພະຈິກ 2019

0
758

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ທ່ານຄວນຫຼີກລ້ຽງການຂັດແຍ່ງ, ຄັດຄ້ານ ແລະ ຕໍ່ຕ້ານຄວາມຄິດຂອງຜູ້ອື່ນ ເພາະມີເກນສູງທີ່ທ່ານຈະມີສັດຕູ ດັ່ງນັ້ນ, ໃນບາງເລື່ອງທ່ານກໍຄວນເຫັນດີເຫັນພ້ອມໄປກັບທີມງານ.

ການເງິນ ໂດຍສະເພາະຄົນທີ່ເຮັດກ່ຽວກັບການຄ້າຂາຍຕ້ອງລະວັງໄພເລື່ອງການເດີນທາງ ຫຼື ຍາດພີ່ນ້ອງ ແລະ ມິດສະຫາຍ, ອາດເຮັດໃຫ້ທ່ານເສຍເງິນແບບບໍ່ຄາດຄິດ.

ຄວາມຮັກ ຄົນມີຄູ່ແລ້ວຄວນຟັງຄຳຄິດເຫັນຂອງຄົນຮັກໃຫ້ຫຼາຍຂຶ້ນ ຈິ່ງຈະເຮັດໃຫ້ຄວາມສຳພັນຂອງທ່ານໝັ້ນຄົງ ສ່ວນຄົນໂສດອາດໄດ້ພົບຮັກຍ້ອນເພື່ອນມິດສະຫາຍແນະນຳໃຫ້ຮູ້ຈັກໃຜຄົນໜຶ່ງ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ຫາກຕອນນີ້ທ່ານມີຄວາມຄິດຈະເຮັດສິ່ງໃດທ່ານບໍ່ຄວນບອກໃຫ້ໃຜຮູ້ ເພາະມີເກນວ່າທ່ານຈະຖືກຄົນອື່ນລັກເອົາແນວຄວາມຄິດຂອງທ່ານໄປເຮັດ ໂດຍສະເພາະແມ່ນຄົນໃກ້ຕົວທ່ານເອງ ສຳລັບຄົນທີ່ຈະລົງທຶນຮ່ວມກັບມິດສະຫາຍແມ່ນໃຫ້ພິຈາລະນາຢ່າງຮອບຄອບກ່ອນ.

ການເງິນ ຫາກທ່ານໝັ່ນຫາເງິນໄດ້ເລື່ອຍໆ ຂໍໃຫ້ທ່ານລະວັງການໃຊ້ຈ່າຍແບບຟຸມເຟືອຍ ເພາະທ່ານຈະເດືອດຮ້ອນພາຍຫຼັງ ຫາກທ່ານຄິດຈະປ່ອຍເງິນໃຫ້ຄົນອື່ນຢືມແມ່ນເຊົາຄິດກ່ອນເພາະມີເກນໄດ້ເງິນຄືນຍາກ.

ຄວາມຮັກ ລະວັງຜິດໃຈກັບຄົນຮັກຍ້ອນເລື່ອງເງິນຄຳ ແລະ ເລື່ອງຄຳເວົ້າກໍ່ສຳຄັນເພາະອາດເຮັດໃຫ້ຄົນຮັກບໍ່ໄວ້ວາງໃຈທ່ານໄດ້ ສຳລັບຄົນໂສດລະວັງເພດກົງກັນຂ້າມທີ່ເພື່ອນທ່ານແນະນຳໃຫ້ຮູ້ຈັກ ເພາະມີເກນສູງວ່າຈະກຸ້ມໃຈຫຼາຍກວ່າສຸກໃຈ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ຈະມີຂ່າວດີໃນການຕິດຕໍ່ເຈລະຈາ ມີຄົນໃຫ້ການສະໜັບສະໜູນສົ່ງເສີມ ຊ່ວງນີ້ຈະມີການພົບປະສ້າງສັນ, ການຝຶກອົບຮົມ, ສຳມະນາເຮັດກິດຈະກຳຕ່າງໆ, ທຸລະກິດການຄ້າ, ມີລູກຄ້າເພີ່ມຂຶ້ນ ລວມທັງຈະມີຊ່ອງທາງໃໝ່ໆ.

ການເງິນ ມີໂຊກໃນການເຈລະຈາ ມີລາຍຮັບພິເສດທີ່ລໍຄອຍທານຊ່ວຍເຫຼືອເລື່ອງເງິນ ຈະປະສົບຄວາມສຳເລັດ ການເງິນຈະດີຂຶ້ນ ການຂໍກູ້ຢືມກໍຈະຜ່ານໄປໄດ້ດ້ວຍດີ.

ຄວາມຮັກ ມີຄວາມສຸກສົມຫວັງ ມີໂອກາດໄດ້ທາຍາດ ຫຼື ມີຂ່າວດີເລື່ອງການສ້າງຄອບຄົວໃໝ່ ສ່ວນຄົນໂສດຈະໄດ້ພົບຮັກຈາກການໄປງານລ້ຽງ ຈະມີເພື່ອນ ຫຼື ຄົນຮູ້ຈັກຕິດຕໍ່ຄູ່ຄອງມາໃຫ້.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ຄົນທີ່ກຳລັງຊອກຫາງານ ຫຼື ສຳພາດອາດຜິດຫວັງ ສ່ວນຄົນທີ່ມີວຽກເຮັດອາດເກີດຄວາມຂັດແຍ່ງດ້ານຄວາມຄິດກັບເພື່ອນຮ່ວມງານ.

ການເງິນ ລາຍຮັບຍັງຄືເກົ່າ ແຕ່ຂໍໃຫ້ລະວັງທ່ານຈະເສຍເງິນໄປກັບການປິ່ນປົວສຸຂະພາບທັງຂອງຕົວເອງ ແລະ ຄົນໃນຄອບຄົວ.

ຄວາມຮັກ ລະວັງຈະເກີດການຜິດຖຽງກັນກັບຄົນຮັກຍ້ອນເລື່ອງຂອງຄົນໃນຄອບຄົວ ສ່ວນຄົນໂສດຍັງໂສດຕໍ່ໄປເພາະຍັງບໍ່ມີໃຜເຂົ້າມາສົນໃຈທ່ານເທື່ອ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ຮູ້ເອົາຕົວລອດເປັນຍອດຄົນ ທ່ານບໍ່ຄວນເຂົ້າໄປຫຍຸ້ງກັບບັນຫາຂອງຄົນອື່ນ ເຮັດວຽກຂອງຕົນໃຫ້ດີທີ່ສຸດລະພໍ ແລະ ທ່ານບໍ່ຄວນເຊື່ອຄຳເວົ້າຂອງໃຜຫຼາຍເກີນໄປ ເພາະທ່ານຈະຜິດຫວັງໄດ້.

ການເງິນ ທ່ານຈະໄດ້ເງິນເພີ່ມຈາກງານປະຈຳ ແລະ ງານພິເສດ ແຕ່ທ່ານບໍ່ຄວນໃຫ້ໃຜຢືມເງິນ ໂດຍສະເພາະກັບມິດສະຫາຍເພາະອາດບໍ່ໄດ້ຄືນ.

ຄວາມຮັກ ທ່ານຈະມີໂຊກລາບຈາກຄວາມສະເໜ່ຫາຈາກຄົນຮັກ ສ່ວນຄົນໂສດທີ່ຕ້ອງການມີຄວາມຮັກແມ່ນຕ້ອງໝັ່ນເຂົ້າຮ່ວມກິດຈະກຳທາງສັງຄົມ ທ່ານຈິ່ງມີໂອກາດໄດ້ພົບຄົນທີ່ຖືກໃຈ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ທ່ານຈະແຫ້ໄຂບນຫາໄດ້ດີຂຶ້ນ ສາມາດວາງແຜນເລື່ອງວຽກໄດ້ດີ ຄົນທີ່ເຮັດທຸລະກິດຈະເຫັນຊ່ອງທາງຂະຫຍາຍກິດຈະ ການຈະມີຍອດຂາຍ ຫຼື ການບໍລິການເພີ່ມຂຶ້ນ.

ການເງິນ ທ່ານຍັງວາງແຜນເລື່ອງເງິນໄດ້ ການເງິນບໍ່ມີບັນຫາຍັງໝູນໄດ້ເລື່ອຍໆ ແຕ່ຍັງບໍ່ເໝາະກັບການໃຫ້ຄົນອື່ນຢືມ ຫຼື ໄປສ້າງໜີ້ເພີ່ມ.

ຄວາມຮັກ ທ່ານກັບຄົນຮັກມີພື້ນທີ່ສ່ວນຕົວໃຫ້ກັນ ແລະ ກັນ ເຮັດໃຫ້ຄວາມສຳພັນໄປກັນໄດ້ດີ ສ່ວນຄົນໂສດມີເກນພົບຄົນຮັກໃນການເຮັດກິດຈະກຳສັງຄົມ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ຈະເລີນກ້າວໜ້າ ຕິດຕໍ່ວຽກງານຈະສຳເລັດ ຜູ້ໃຫຍ່ຈະໃຫ້ການຊ່ວຍເຫຼືອທ່ານ ຖ້າຫາກມີບັນຫາໃຫ້ທ່ານເຂົ້າປຶກສາຜູ້ ໃຫຍ່ ຫຼື ເຈົ້ານາຍທີ່ເປັນແມ່ຍິງເຂົາຈະຊ່ວຍທ່ານໄດ້.

ການເງິນ ເງິນໝູນໄດ້ສະດວກກວ່າທີ່ຜ່ານມາ ຈະມີໂຊກລາບກ້ອນໃຫຍ່ ຫຼື ອາດໄດ້ຮັບມໍລະດົກ.

ຄວາມຮັກ ຄົນມີຄູ່ແລ້ວຈະມີຄວາມສຸກຫຼາຍ ມີຄວາມເຂົ້າໃຈຊຶ່ງກັນ ແລະ ກັນ, ຄົນໂສດຈະມີດວງອຸປະຖຳຈະພົບຄູ່ຄອງທີ່ດີໃນໄວໆນີ້.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ທ່ານຕ້ອງກຽມຕົວໃຫ້ພ້ອມເຖິງເວລາທີ່ທ່ານຕ້ອງລຸຍງານແລ້ວ ຈະມີການຂະຫຍາຍວຽກງານທີ່ເຮັດຢູ່ ແລະ ມີໂອກາດກ້າວໜ້າ ການລົງທຶນຈະມີຊ່ອງທາງທີ່ດີຂຶ້ນກວ່າເມື່ອກ່ອນ.

ການເງິນ ຫາເງິນມາໄດ້ຫຼາຍກໍ່ຈ່າຍຫຼາຍຄືກັນ. ດັ່ງນັ້ນ ທ່ານຕ້ອງມີການວາງແຜນເລື່ອງລາຍຈ່າຍໃຫ້ດີ.

ຄວາມຮັກ ມີໂອກາດພັດທະນາຄວາມສຳພັນໃຫ້ຊັດເຈນຂຶ້ນກວ່າເກົ່າ ທ່ານກັບຄົນຮັກຈະມີການວາງແຜນເຖິງເລື່ອງອານາຄົກ ສ່ວນຄົນໂສດຈະມີດວງພົບຄົນຮັກ ແຕ່ບາງຄັ້ງອາດເປັນທ່ານຕ້ອງເປັນຝ່າຍທຸ້ມເທໃຫ້ກັບເຂົາຫຼາຍກວ່າ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ຈະມີອຸປະສັກເຂົ້າມາເລື້ອຍໆເຖິງຈະເປັນເລື່ອງນ້ອຍໆແຕ່ເຂົ້າມາຕະຫຼອດກໍ່ເຮັດໃຫ້ທ່ານເບື່ອໄດ້ ທ່ານຕ້ອງຕັ້ງໃຈເຮັດວຽກແບບຈິງຈັງຈິ່ງບໍ່ເກີດຜົນເສຍ.

ການເງິນ ຈະມີລາຍຈ່າຍເຂົ້າມາຫຼາຍກວ່າລາຍຮັບ ດັ່ງນັ້ນ, ກ່ອນໃຊ້ຈ່າຍເງິນຕ້ອງຄິດໃຫ້ຮອບຄອບກ່ອນຈິ່ງຈ່າຍທຸກຄັ້ງ.

ຄວາມຮັກ ຄົນໂສດມີທ່າອຽງວ່າທ່ານຈະໄດ້ພົບຄົນທີ່ໜ້າຮັກ ສ່ວນທ່ານທີ່ມີແຟນແລ້ວຈະເກີດເລື່ອງກັງວົນໃຈຍ້ອນຄຳເວົ້າຂອງຄົນອ້ອມຂ້າງ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ທ່ານຈະໄດ້ຮັບມອບໝາຍໄປຕິດຕໍ່ວຽກກັບຜູ້ໃຫຍ່ ແລະ ອາດຈະມີເຫດການບາງຢ່າງທີ່ເຮັດໃຫ້ທ່ານຕ້ອງໄດ້ຍ້າຍໄປຮັບຜິດຊອບວຽກດ້ານອື່ນ.

ການເງິນ ຄົນທີ່ລໍຄອຍເງິນອາດບໍ່ໄດ້ຕາມກຳນົດເວລາ ແລະ ຈະມີເຫດໃຫ້ທ່ານຕ້ອງຈ່າຍເງິນຫຼາຍ.

ຄວາມຮັກ ຄົນໂສດຮັກແທ້ຍັງຢູ່ໄກ ຊ່ວງນີ້ໃຫ້ຕັ້ງໃຈເຮັດວຽກ ຫຼື ຮຽນໄປກ່ອນ ສ່ວນຄົນມີຄູ່ອາດມີເລື່ອງເຂົ້າມາໃຫ້ທ່ານຄິດ ອາດເຮັດໃຫ້ເກີດຄວາມລະແວງກັນ ແລະ ກັນ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ທ່ານຈະໄດ້ຮັບການສະໜັບສະໜູນ ແລະ ໂອກາດດີໆໃນບ່ອນເຮັດວຽກ ຄົນທີ່ເຮັດວຽກກ່ຽວກັບຕົວເລກບັນຊີແມ່ນໃຫ້ທ່ານເພີ່ມຄວາມຮອບຄອບຂຶ້ນກວ່ານີ້ອີກ.

ການເງິນ ເງິນຫາມາໄດ້ກໍເກັບບໍ່ຢູ່ຊຶ່ງຈະໝົດໄປກັບການຊື້ເຄື່ອງເຂົ້າເຮືອນ ຫຼື ສ້ອມແປງລົດເປັນຕົ້ນ.

ຄວາມຮັກ ຄວາມຮັກມີຄວາມສຸກ ຄົນຮັກໃຫ້ການຊ່ວຍເຫຼືອທ່ານເປັນຢ່າງດີ ສ່ວນຄົນໂສດຕອນນີ້ກຳລັງເຫງົາໃຈເພາະຢາກມີຄູ່ຄືຄົນອື່ນ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ທ່ານຈະພົບກັບຄວາມສຳເລັດໃນໜ້າທີ່ການງານໄປອີກຂັ້ນໜຶ່ງ ຜົນງານຈະເປັນທີ່ໜາພໍໃຈ ສິ່ງທີ່ເຄີຍຕິດຂັດມີບັນຫາສຸດທ້າຍກໍຈະຜ່ານໄປດ້ວຍດີ ຄົນທີ່ເຮັດວຽກກັບລັດຈະມີໂອກາດເຕີບໃຫຍ່ໃນໜ້າທີ່, ມີການເລື່ອນຊັ້ນຕໍາແໜ່ງ, ມີໂຊກຈາກການເຮັດວຽກ ຫຼື ການລົງທຶນ.

ການເງິນ ທ່ານຈະໄດ້ເງິນຈາກເຫື່ອແຮງ ແລະ ມັນສະໝອງຂອງທ່ານເທົ່ານັ້ນ ຢ່າງຫວັງເພິ່ງດວງ ຫຼື ຂໍໃຫ້ຄົນມາຊ່ວຍ ແລະ ທ່ານຈະມີລາຍຮັບເພີ່ມຂຶ້ນຈາກງານພິເສດ.

ຄວາມຮັກ ໝັ້ນຄົງບໍ່ມີບັນຫາ ຕ່າງຄົນຕ່າງເຮັດໜ້າທີ່ຂອງຕົນເອງເປັນຢ່າງດີ ສ່ວນຄົນໂສດຈະມີຄົນເຂົ້າມາໃຫ້ທ່ານສຶກສາໃຈ ຄວາມສຳພັນຈະຄ່ອຍເປັນຄ່ອຍໄປ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.