ເບິ່ງດວງປະຈຳອາທິດ ແຕ່ວັນທີ 26 ສິງຫາເຖິງວັນທີ 1 ກັນຍາ 2019

0
82

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ທ່ານຈະມີໂອກາດຂະຫຍາຍວຽກງານ ແລະ ສ້າງລາຍຮັບໃຫ້ຫຼາຍຂຶ້ນ ສ່ວນພະນັກງານເງິນເດືອນໃຫ້ລະວັງຄົນອິດສາ ເຮັດດີໄດ້ແຕ່ຢ່າໂດດເດັ່ນຫຼາຍ ແລະ ລະວັງເລື່ອງການເດີນທາງໄປຕ່າງແຂວງຈະເກີດອຸບັດເຫດ.

ການເງິນ ຫາກທ່ານຈະໃຫ້ຄົນຢືມເງິນແມ່ນຕ້ອງໄດ້ເຮັດເອກະສານຄໍ້າປະກັນໄວ້ ບໍ່ດັ່ງນັ້ນທ່ານຈະບໍ່ໄດ້ເງິນຄືນ.

ຄວາມຮັກ ທ່ານກັບຄົນຮັກອາດເກີດເລື່ອງຂັດແຍ່ງກັນເພາະເລື່ອງເລັກໆນ້ອຍໆພາຍໃນຄອບຄົວ ສ່ວນຄົນໂສດແມ່ນຈະໄດ້ໂຊກຍ້ອນຄວາມສະເໜຫາ ມີເພດກົງກັນຂ້າມເອົາອົກເອົາໃຈເປັນພິເສດ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ໄລຍະນີ້ເວົ້າຫຍັງອອກໄປໃຜກໍເຊື່ອ ແລະ ວຽກງານຈະສຳເລັດງ່າຍຂຶ້ນຍ້ອນຄຳເວົ້າຄຳວ່າ ແຕ່ກໍຂໍໃຫ້ທ່ານລະວັງເລື່ອງອາລົມ ແລະ ຄວາມປະໝາດ ເພາະອາດຈະເຮັດໃຫ້ທ່ານເດືອດຮ້ອນ.

ການເງິນ ວຽກງານທີ່ມີຫຸ້ນສ່ວນການຕິດຕໍ່ສື່ສານ​ ຄູ່ສັນຍາ ຈະຢູ່ໃນເກນທີ່ດີ ສຳລັບມະນຸດເງິນເດືອນທີ່ກຳລັງຊອກວຽກໃໝ່ ແມ່ນຈະມີໂອກາດຫຼາຍຂຶ້ນ.

ການເງິນ ຄົນໂສດສະເໜ່ແຮງຫຼາຍຈະມີເພດກົງກັນຂ້າມເຂົ້າມາພົວພັນຫຼາຍຄົນ ແລະ ທ່ານຈະມີໂຊກຍ້ອນຄວາມສະເໜຫາ ທ່ານຈະໄດ້ໃນສິ່ງທີ່ຕ້ອງການ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ສະເພາະຄົນທີ່ເຮັດວຽກເບື້ອງຫຼັງຂອງຄວາມງາມ ຄວາມບັນເທີງຈະຢູ່ໃນເກນທີ່ດີ ແຕ່ໃຫ້ລະວັງຈິດໃຈຂອງຕົນເອງຢ່າລັງ ເລ ແລະ ຕ້ອງຕັດສິນໃຈໃຫ້ເດັດຂາດ ບໍ່ດັ່ງນັ້ນທ່ານຈະພາດໂອກາດດີໆທີ່ກຳລັງເຂົ້າມາ ສຳລັບຄົນທີ່ຫາວຽກເຮັດທ່ານຄວນພິຈາ ລະນາໃຫ້ຮອບຄອບກ່ອນຕັດສິນໃຈ.

ການເງິນ ລາຍຮັບ-ລາຍຈ່າຍບໍ່ແນ່ນອນ ທ່ານອາດໄດ້ໂຊກລາບແບບບໍ່ຄາດຝັນ ແຕ່ຄວນຕັ້ງສະຕິໃຫ້ດີເພາະມີໂອກາດສູງທີ່ທ່ານຈະຖືກລໍ້ລວງໃຫ້ເສຍເງິນຈຳນວນຫຼາຍແບບບໍ່ຄາດຄິດເຊັ່ນກັນ.

ຄວາມຮັກ ສຳລັບຄູ່ທີ່ຜິດໃຈກັນຈະກັບມາຫວານຊື່ນກັນຄືເກົ່າ ສ່ວນຄົນໂສດຈະໄດ້ພົບກັບເນື້ອຄູ່່ແລ້ວໄວໆນີ້ ຈະມີຄວາມຮັກທີ່ມີຄວາມສຸກດີ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ທ່ານຕ້ອງໝັ່ນເຂົ້າງານສັງຄົມ ແລະ ໝັ່ນອອກຄຳຄິດເຫັນໃນວຽກງານຈຶ່ງຈະເຮັດໃຫ້ທ່ານມີໂອກາດໃໝ່ໆຫຼາຍຂຶ້ນ ສຳ ລັບຄົນທີ່ເຮັດທຸລະກິດອາດຈະມີການຂໍກູ້ຢືມເງິນ.

ການເງິນ ທ່ານມີໂອກາດໄດ້ຮັບໝາກຜົນຈາກການລົງທຶນ ແຕ່ບໍ່ຄວນໃຈຮ້ອນຫຼາຍເພາະອາດເຮັດໃຫ້ທ່ານເສຍໂອກາດ.

ຄວາມຮັກ ຄົນມີຄູ່ແລ້ວຈະກຸ້ມໃຈເພາະຄົນຮັກ ແລະ ຜູ້ໃຫຍ່ຝ່າຍຄົນຮັກຈະເບິ່ງທ່ານໃນແງ່ລົບ ຈິ່ງເຮັດໃຫ້ເກີດບັນຫາຜິດຖຽງກັນຕະຫຼອດ ດັ່ງນັ້ນ ໃນຊ່ວງນີ້ບໍ່ວ່າທ່ານຈະມີເລື່ອງຫຍັງກໍຕາມທ່ານບໍ່ຄວນໄປຮ້ອງຂໍຄວາມຊ່ວຍເຫຼືອຈາກເຂົາເຈົ້າ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ສຳລັບຄົນທີ່ກຳລັງຊອກວຽກເຮັດ ອາທິດນີ້ທ່ານຈະມີໂອກາດດີໆໄດ້ງານດີໆເຮັດຕາມທີ່ຕ້ອງການ ສ່ວນຄົນທີ່ມີວຽກເຮັດແລ້ວຈະມີຄົນຮັກແພງ.

ການເງິນ ຈະຢູ່ໃນເກນທີ່ດີຫຼາຍ ທ່ານຈະມີໂຊກທັງວຽກປະຈຳ ແລະ ວຽກພິເສດ ລວມເຖິງຜູ້ໃຫຍ່ຈະໃຫ້ໂຊກກັບທ່ານ ແຕ່ໃຫ້ລະວັງການເດີນທາງຈະມີເພດຍິງມາຕົວະຢັວະທ່ານໃຫ້ເສຍເງິນຫຼາຍ.

ຄວາມຮັກ ທ່ານກຳລັງມ່ວນກັບການເຮັດວຽກຫຼາຍຈົນລືມເອົາໃຈໃສ່ຄົນຮັກ ສຳລັບຄົນໂສດຈະພົບຮັກໃນງານລ້ຽງຕ່າງໆ ແລະ ຄົນນີ້ຈະເປັນເນື້ອຄູ່ແທ້.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ການຕິດຕໍ່ວຽກງານກັບຕ່າງປະເທດຈະເຮັດໃຫ້ທ່ານພົບຄວາມຈະເລີນຮຸ່ງເຮືອງ ມີຜົນກຳໄລສູງ ລວມເຖິງບັນດາຜູ້ຄົນທີ່ເຮັດວຽກກ່ຽວກັບການຂຽນໜັງສື ແມ່ນຈະມີໂອກາດສ້າງສັນຜົນງານໃໝ່ໆ.

ການເງິນ ເງິນຮັບມາແລ້ວກໍຈ່າຍອອກໄປ ເປັນອາທິດທີ່ທ່ານຕ້ອງວາງແຜນການຈ່າຍເງິນຢ່າງລະວັງ ໂດຍສະເພາະອາດມີເຫດເຮັດໃຫ້ທ່ານເສຍເງິນແບບບໍ່ຄາດຝັນ ແລະ ຫ້າມສ່ຽງໂຊກ ເພາະຈະເສຍຫຼາຍກວ່າໄດ້.

ຄວາມຮັກ  ຄົນໂສດຈະໄດ້ພົບຄົນທີ່ຖືກໃຈຜ່ານການແຊັດທາງສື່ອອນລາຍ ແຕ່ທ່ານຍັງບໍ່ກ້າຕັດສິນໃຈເທື່ອ ສຳລັບຄົນມີຄູ່ແລ້ວຈະກຸ້ມໃຈຈົນຕ້ອງໄດ້ເພິ່ງພາສິ່ງສັກສິດ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ທ່ານຄວນຫຼີກລ້ຽງການຂັດແຍ່ງ ຄັດຄ້ານ ຫຼື ຕໍ່ຕ້ານຄວາມຄິດຂອງຜູ້ອື່ນ ເພາະມີເກນສູງທີ່ທ່ານຈະມີສັດຕູ ດັ່ງນັ້ນ ໃນບາງເລື່ອງທ່ານກໍຄວນເຫັນດີເຫັນພ້ອມໄປກັບທີມງານກໍແລ້ວ.

ການເງິນ ໂດຍສະເພາະຄົນທີ່ເຮັດກ່ຽວກັບການຄ້າຂາຍ ຕ້ອງລະວັງໄພເລື່ອງການເດີນທາງ ຫຼື ຍາດພີ່ນ້ອງ ມິດສະຫາຍ ອາດເຮັດໃຫ້ທ່ານເສຍເງິນແບບບໍ່ຄາດຄິດ.

ຄວາມຮັກ ຄົນມີຄູ່ແລ້ວຄວນຟັງຄຳຄິດເຫັນຂອງຄົນຮັກໃຫ້ຫຼາຍຂຶ້ນ ຈິ່ງຈະເຮັດໃຫ້ຄວາມສຳພັນຂອງທ່ານໝັ້ນຄົງ ສ່ວນຄົນໂສດອາດໄດ້ພົບຮັກຍ້ອນເພື່ອນມິດສະຫາຍນຳພາມາໃຫ້ຮູ້ຈັກ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ຫາກຕອນນີ້ທ່ານມີຄວາມຄິດຈະເຮັດສິ່ງໃດທ່ານບໍ່ຄວນບອກໃຫ້ໃຜຮູ້ ເພາະມີເກນວ່າທ່ານຈະຖືກຄົນອື່ນລັກເອົາແນວຄວາມຄິດຂອງທ່ານໄປເຮັດ ໂດຍສະເພາະແມ່ນຄົນໃກ້ຕົວທ່ານເອງ ສຳລັບຄົນທີ່ຈະລົງທຶນຮ່ວມກັບມິດສະຫາຍແມ່ນໃຫ້ພິຈາລະນາຢ່າງຮອບຄອບກ່ອນ.

ການເງິນ ຫາກທ່ານໝັ່ນຫາເງິນໄດ້ເລື່ອຍໆ ຂໍໃຫ້ທ່ານລະວັງການໃຊ້ຈ່າຍແບບຟຸມເຟືອຍ ເພາະທ່ານຈະເດືອດຮ້ອນພາຍຫຼັງ ຫາກທ່ານຄິດຈະປ່ອຍເງິນໃຫ້ຄົນອື່ນຢືມ ແມ່ນເຊົາຄິດກ່ອນເພາະມີເກນໄດ້ເງິນຄືນຍາກ.

ຄວາມຮັກ ລະວັງຜິດໃຈກັບຄົນຮັກຍ້ອນເລື່ອງເງິນຄຳ ແລະ ເລື່ອງຄຳເວົ້າກໍສຳຄັນເພາະອາດເຮັດໃຫ້ຄົນຮັກບໍ່ໄວ້ວາງໃຈທ່ານໄດ້ ສຳ ລັບຄົນໂສດລະວັງເພດກົງກັນຂ້າມທີ່ເພື່ອນທ່ານແນະນຳໃຫ້ຮູ້ຈັກ ເພາະມີເກນສູງວ່າຈະກຸ້ມໃຈຫຼາຍກວ່າສຸກໃຈ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ຄົນທີ່ເຮັດທຸລະກິດ ຫຼື ວຽກທີ່ກ່ຽວກັບການຕິດຕໍ່ສື່ສານຈະຢູ່ໃນເກນທີ່ດີຢ່າງຕໍ່ເນື່ອງ ຈະສາມາດຂະຫຍາຍວຽກງານ  ຕ່າງໆໄດ້ຢ່າງໝັ້ນຄົງ.

ການເງິນ ຫາຫຼາຍໄດ້ຫຼາຍແຕ່ອາທິດນີ້ທ່ານບໍ່ຄວນໃຈອ່ອນໄປຊ່ວຍໃຜເລື່ອງເງິນ ເພາະທ່ານອາດຖືກຫຼອກລວງ ມີທ່າອຽງຈະເສຍເງິນຈຳນວນຫຼາຍ.

ຄວາມຮັກ ຂໍໃຫ້ທ່ານໃຈເຢັນລົງກວ່ານີ້ ຄວນຫຼີກລ້ຽງການຜິດຖຽງກັນຕໍ່ໜ້າຄົນອື່ນ ສຳລັບຄົນໂສດທ່ານຈະໄດ້ພົບເນື້ອຄູ່ຈາກການເດີນທາງໄກ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ຮູ້ເອົາຕົວລອດເປັນຍອດດີ ທ່ານບໍ່ຄວນເຂົ້າໄປຫຍຸ້ງກັບບັນຫາຂອງຄົນອື່ນ ເຮັດວຽກຂອງຕົນໃຫ້ດີທີ່ສຸດກໍພໍ ແລະ ທ່ານບໍ່ຄວນເຊື່ອຄຳເວົ້າຂອງໃຜຫຼາຍເກີນໄປເພາະທ່ານຈະຜິດຫວັງໄດ້.

ການເງິນ ທ່ານຈະໄດ້ເງິນເພີ່ມຈາກງານປະຈຳ ແລະ ງານພິເສດ ແຕ່ທ່ານບໍ່ຄວນໃຫ້ໃຜຢືມເງິນ ໂດຍສະເພາະກັບມິດສະຫາຍເພາະອາດບໍ່ໄດ້ຄືນ.

ຄວາມຮັກ ທ່ານຈະມີໂຊກລາບຈາກຄວາມສະເໜຫາຈາກຄົນຮັກ ສ່ວນຄົນໂສດທີ່ຕ້ອງການມີຄວາມຮັກແມ່ນຕ້ອງໝັ່ນເຂົ້າຮ່ວມກິດຈະກຳທາງສັງຄົມທ່ານຈິ່ງມີໂອກາດໄດ້ພົບຄົນທີ່ຖືກໃຈ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ຈະມີອຸປະສັກເຂົ້າມາເລື້ອຍໆເຖິງຈະເປັນເລື່ອງນ້ອຍໆແຕ່ເຂົ້າມາຕະຫຼອດກໍເຮັດໃຫ້ທ່ານເບື່ອໄດ້ ທ່ານຕ້ອງຕັ້ງໃຈເຮັດວຽກແບບຈິງຈັງຈິ່ງບໍ່ເກີດຜົນເສຍ.

ການເງິນ ຈະມີລາຍຈ່າຍເຂົ້າມາຫຼາຍກວ່າລາຍຮັບ ດັ່ງນັ້ນ ກ່ອນໃຊ້ຈ່າຍເງິນຕ້ອງຄິດໃຫ້ຮອບຄອບກ່ອນຈິ່ງຈ່າຍທຸກຄັ້ງ.

ຄວາມຮັກ ຄົນໂສດມີທ່າອຽງວ່າທ່ານຈະໄດ້ພົບຄົນທີ່ໜ້າຮັກ ສ່ວນທ່ານທີ່ມີຄົນຮັກຢູ່ແລ້ວຈະເກີດເລື່ອງກັງວົນໃຈຍ້ອນຄຳເວົ້າຂອງຄົນອ້ອມຂ້າງ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ທ່ານຄວນຈັດຄວາມສຳຄັນຂອງວຽກໃຫ້ດີຈິ່ງບໍ່ເກີດຄວາມຜິດພາດ ສຳລັບຄົນທີ່ວ່າງງານ ແລະ ລໍຖ້າຄຳຕອບເລື່ອງວຽກຈະໄດ້ຮັບຂ່າວດີພາຍໃນອາທິດນີ້.

ການເງິນ ຢາກໄດ້ເງິນຕ້ອງຂະຫຍັນຫາ ຢ່າຫວັງຈາກການສ່ຽງໂຊກ ຫຼື ເພິ່ງພາຄົນອື່ນ ການໃຊ້ຈ່າຍຕ້ອງຮອບຄອບຢ່າໃຊ້ເງິນເກີນຕົວ.

ຄວາມຮັກ ຄົນມີຄູ່ແລ້ວຈະໄດ້ຂອງຂວັນຈາກຄົນຮັກ ສ່ວນຄົນໂສດເນື້ອຄູ່ຂອງທ່ານຈະເຂົ້າມາແບບບໍ່ຄາດຄິດ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.