ເບິ່ງດວງປະຈຳອາທິດແຕ່ວັນທີ 25 ພະຈິກຫາ 1 ທັນວາ 2019

0
514

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ທ່ານຈະໄດ້ຮັບຂ່າວດີກ່ຽວກັບວຽກທີ່ຕິດຕໍ່ໄວ້ ແລະ ລໍຖ້າຢູ່, ສ່ວນໃຜທີ່ຍັງວ່າງງານ ແລະ ຄິດຈະຊອດວຽກໃໝ່ໃຫ້ຕິດຕໍ່ໃນໄລຍະນີ້.

ການເງິນ ຢູ່ໃນລະດັບດີເນື່ອງຈາກຈະມີເງິນຈາກງານເກົ່າໆເຂົ້າມາເຮັດໃຫ້ມີລາຍຮັບເຂົ້າມາແກ້ໄຂບັນຫາເງິນຂາດທຶນ.

ຄວາມຮັກ ບໍ່ຄ່ອຍດີປານໃດ ທ່ານບໍ່ຄວນນັດໝາຍ ຫຼື ບໍ່ຄວນຕົກລົງກັບໃຜຖ້າບໍ່ແນ່ໃຈ ເພາະຈະນຳໄປສູ້ບັນຫາຂັດແຍ່ງກັນ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ຄົນທີ່ເປັນພະນັກງານລັດ ຫຼື ເຮັດວຽກນຳອົງກອນແຕ່ຕ້ອງພົວພັນກັບລັດ ຊ່ວງນີ້ຈະມີການເດີນທາງໄກໄປຕ່າງປະເທດ ແລະ ໄດ້ຜົນຕອບຮັບທີ່ດີ.

ການເງິນ ຖານະການເງິນບໍ່ໝັ້ນຄົງ ມີບັນຫາຂັດແຍ້ງຈົນເຮັດໃຫ້ທ່ານຕ້ອງໄປກູ້ເງິນມາໃຊ້ກ່ອນ ຫຼື ອາດມີສາເຫດຕ້ອງສູນເສຍເງິນຄຳ.

ຄວາມຮັກ ຄົນທີ່ມີແຟນແລ້ວແຕ່ຢູ່ຫ່າງໄກກັນຈະໄດ້ກັບມາພົບກັນໃນມໍ່ໆນີ້ ສ່ວນຄົນໂສດນັ້ນກຳລັງເລີ່ມຕົ້ນມີຄວາມຮັກທີ່ສົດໃສກັບໃຜບາງຄົນ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ຄົນທີ່ເຮັດວຽກກ່ຽວກັບທຸລະກິດການບໍລິການ ຫຼື ທຸລະກິດການບັນເທີງຈະໄດ້ຮັບຄວາມສຳເລັດສູງ ລວມທັງຜົນຕອບແທນທີ່ດີເຊັ່ນກັນ.

ການເງິນ ຈະໄດ້ເງິນແບບສ່ຽງໆເຊັ່ນ: ທຸລະກິດກ່ຽວກັບການຊື້-ຂາຍເງິນ ຫຼື ການພະນັນ.

ຄວາມຮັກ ຄວາມຮັກສົດໃສເພາະຜູ້ໃຫຍ່ທັງສອງຝ່າຍເປີດທາງໃຫ້ທັງຄູ່, ສ່ວນຄົນໂສດນັ້ນຕ້ອງທຳໃຈເພາະທ່ານອາດໄປຫຼົງຮັກຄົນມີເຈົ້າຂອງແລ້ວ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ວຽກງານຢຸດນິ້ງບໍ່ກ້າວໜ້າ ທ່ານຕ້ອງໄດ້ແກ້ໄຂສັນຍາຄືນໃໝ່ ແລະ ບໍ່ຄວນສະເໜີງານໃໝ່ໆໄປເພາະຈະເຮັດໃຫ້ງານບໍ່ຜ່ານ.

ການເງິນ ລາຍຈ່າຍສູງແຕ່ລາຍຮັບຍັງເທົ່າເກົ່າ ຈຶ່ງເຮັດໃຫ້ເງິນຂາດມື ແລະ ຕ້ອງການແກ້ໄຂດ້ວຍການໄປກູ້ຢືມເງິນ.

ຄວາມຮັກ ໃຫ້ລະວັງຄົນຮັກຈະກໍ່ເຫດກັບເພື່ອນຝູງຂອງທ່ານຈົນເກີດຄວາມຂັດແຍ່ງກັນ ແລະ ອາດເຮັດໃຫ້ທ່ານເສຍທັງເພື່ອນເສຍທັງຄົນຮັກ.

ຣາສີພຶກ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ວຽກທີ່ເຮັດກຳລັງດີມີຄວາມກ້າວໜ້າໄປຕາມທີ່ຕ້ອງການເຖິງແມ່ນວ່າຈະພົບບັນຫາກໍຕາມ ເນື່ອງຈາກທ່ານຈະເກີດບັນຫາຂັດແຍ່ງກັບເພື່ອນຮ່ວມງານ.

ການເງິນ ລາຍຈ່າຍສູງຂຶ້ນ, ລາຍຮັບກໍເພີ່ມຂຶ້ນ ທ່ານຈຶ່ງບໍ່ມີບັນຫາເລື່ອງການໃຊ້ຈ່າຍ ພຽງແຕ່ບໍ່ເຫຼືອເງິນເກັບ.

ຄວາມຮັກ ຄົນຮັກນອກຈາກເປັນກຳລັງໃຫ້ທ່ານແກ້ໄຂບັນຫາເລື່ອງງານ ແລະ ເງິນແລ້ວ ຍັງຊ່ວຍທ່ານຕັດສິນໃຈເລື່ອງທີ່ມີຜູ້ໃຫຍ່ກ່ຽວຂ້ອງ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ຈະດີຂຶ້ນກວ່າໄລຍະຜ່ານມາ ໂດຍສະເພາະຢ່າງຍິ່ງງານທີ່ມີບັນຫາຢຸດໄປເພາະຂາດເງິນໝູນວຽນຈະດີຂຶ້ນຫຼາຍ ເນື່ອງຈາກມີເງິນກ້ອນໃຫຍ່ເຂົ້າມາໝູນ.

ການເງິນ ລາຍຈ່າຍສູງ, ລາຍຮັບໜ້ອຍ ຈຶ່ງຍາກທີ່ຈະສະໝອງຄວາມຕ້ອງການ ໂດຍສະເພາະການອອກງານສັງຄົມທີ່ຕ້ອງໃຊ້ເງິນຕະຫຼອດ.

ຄວາມຮັກ ຄົນຮັກຂອງທ່ານເປັນຄົນຫົວແຂງເວົ້າຫຍັງບໍ່ຄ່ອຍຝັງຄວາມທ່ານ ຈຶ່ງເຮັດໃຫ້ທ່ານປວດຫົວໃນບາງຄັ້ງ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ການຮ່ວມທຶນກັບມິດສະຫຍຈະເປັນການເລີ່ມຕົ້ນທີ່ດີ ສຳລັບຄົນທີ່ເຮັດວຽກກິນເງິນເດືອນກໍເຊັ່ນກັນໄລຍະນີ້ມິດສະຫາຍຈະຍື່ນມືເຂົ້າມາຊ່ວຍວຽກງານຂອງທ່ານ ແລ້ວທ່ານກໍຈະເຮັດວຽກສຳເລັດດັ່ງຫວັງໄວ້.

ການເງິນ ຄົນທີ່ເຮັດຄ້າຂາຍຊ່ວງນີ້ຈະໄດ້ຂາຍດີກວ່າໄລຍະຜ່ານມາ ແຕ່ໃຫ້ລະວັງພາຍໃນທິດນີ້ທ່ານຈະເສຍເງິນກ້ອນໃຫຍ່ໄປກັບເລື່ອງບໍ່ມີປະໂຫຍດ.

ຄວາມຮັກ ຄົນມີຄູ່ແລ້ວອາດບໍ່ມີເວລາໃຫ້ຄົນຮັກຍ້ອນທ່ານວຽກຫຍຸ້ງຫຼາຍ ແລະ ຍັງຕ້ອງວຸ້ນກັບການຫາເງິນ ສຳລັບຄົນໂສດຍັງບໍ່ມີເກນໄດ້ພົບຄົນຖືກໃຈຕ້ອງຖ້າໄປອີກໄລຍະໜຶ່ງ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ເປັນອາທິດທີ່ຕ້ອງໄດ້ອົດທົນໃຫ້ຫຼາຍໆ ທ່ານອາດໄດ້ຮັບການຕຳນິຈາກຜູ້ໃຫຍ່ ແລະ ຂໍໃຫ້ຫຼີກລ້ຽງການປະທະຄາລົມ ເພາະອາດເຮັດໃຫ້ທ່ານໝົດໂອກາດຕ່າງໆໃນວຽກງານໄດ້.

ການເງິນ ຫາກທ່ານຮູ້ຈັກປະຢັດໃຊ້ຈ່າຍທ່ານກໍຈະມີເງິນໃຊ້ໝົດເດືອນ ສຳລັບການອອກງານສັງຄົມແມ່ນໃຫ້ທ່ານຫຼຸດຜ່ອນລົງແນ່ກໍດີ.

ຄວາມຮັກ ທ່ານຄວນຍອມຮັບຟັງຄົນຮັກຂອງທ່ານໃຫ້ຫຼາຍກວ່ານີ້ ທ່ານຄວນໃຫ້ໂອກາດເຂົາໃນການຕັດສິນໃຈແນ່ກໍດີ ສຳລັບຄົນໂສດທ່ານຈະມີໂອກາດພົບຮັກຈາກການເດີນທາງໄກໄປທ່ອງທ່ຽວ ຫຼື ໃນງານສັງຄົມຕ່າງໆ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ໝັ່ນເຂົ້າສັງຄົມໃຫ້ຫຼາຍຂຶ້ນຈະເກີດຜົນດີກັບວຽກງານຂອງທ່ານ ຄົນທີ່ກຳລັງຊອກວຽກເຮັດແມ່ນຈະໄດ້ວຽກແຕ່ຂໍໃຫ້ທ່ານລະວັງເລື່ອງສຸຂະພາບ.

ການເງິນ ອາດໄດ້ໂຊກລາບແບບບໍ່ຄາດຄິດ ແຕ່ໃນອາທິດນີ້ຂໍໃຫ້ທ່ານລະວັງຢ່າເບິ່ງໂລກໃນແງ່ດີເກີນໄປ ເພາະທ່ານອາດຖືກສໍ້ໂກງຈາກຄົນບໍ່ຫວັງດີ.

ຄວາມຮັກ ຄວາມຮັກຂອງຄົນມີຄູ່ມີຄວາມສຸກດີ ແຕ່ລະວັງຜິດໃຈກັນຍ້ອນເລື່ອງເງິນ ສຳລັບຄົນໂສດແມ່ນຍັງເຫງົາໃຈໄປອີກໄລຍະໜຶ່ງ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ຢ່າເຊື່ອໃຈຄົນອື່ນຫຼາຍຈົນເກີນໄປໂດຍສະເພາະກັບເພື່ອນຮ່ວມງານ ເພາະທ່ານຈະຖືກເຂົາຫັກຫຼັງໄດ້, ດັ່ງນັ້ນ ບໍ່ວ່າທ່ານຈະເຮັດສິ່ງໃດແມ່ນໃຫ້ຮອບຄອບໄວ້ດີທີ່ສຸດ.

ການເງິນ ອາດໄດ້ຮັບໂຊກລາບຫຼາຍຂຶ້ນແຕ່ກໍຕ້ອງເສຍຄ່າຕອບແທນຫຼາຍເຊັ່ນກັນ, ຊ່ວງນີ້ຫາກມີຄົນມາຢືມເງິນຕ້ອງພິຈາລະນາໃຫ້ດີໆກ່ອນ.

ຄວາມຮັກ ທ່ານຈະມີສະເໜດຶງດູດເພດກົງກັນຂ້າມຫຼາຍໃນຊ່ວງນີ້ ຊຶ່ງມັນບໍ່ເປັນຜົນດີກັບຄົນທີ່ມີຄູ່ແລ້ວ ສ່ວນຄົນໂສດແມ່ນດວງຄວາມຮັກກຳລັງມາແຮງຂໍໃຫ້ທ່ານເລືອກດີໆ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ການແລກປ່ຽນຄວາມຄິດເຫັນກັບເພື່ອນໃນສາຍງານອາດເຮັດໃຫ້ທ່ານມີຄວາມຄິດໃໝ່ໃນການສ້າງສັນຜົນງານ ເພາະມີໂອກາດທີ່ທ່ານຈະຖືກຫັກຫຼັງ ຖືກຍ້າຍຕຳແໜ່ງໜ້າທີ່ແບບກະທັນຫັນ.

ການເງິນ ໃນອາທິິດນີ້ທ່ານບໍ່ຄວນໃຫ້ໃຜຢືມເງິນເດັດຂາດ ເພາະມີໂອກາດທວງເງິນຄືນຍາກ ໂດຍສະເພາະກັບຄົນຮູ້ຈັກແມ່ນຂໍໃຫ້ປະຕິເສດເຂົາໄປກ່ອນ.

ຄວາມຮັກ ຄົນໂສດຈະໄດ້ແຟນຈາກສາຍງານດຽວກັນ ແຕ່ທ່ານຕ້ອງອົດທົນເພາະຄົນນັ້ນເປັນຄົນມີສະເໜແຮງມີຕົວເລືອກຫຼາຍ ສ່ວນຄົນມີຄູ່ແລ້ວແມ່ນມີຄວາມສຸກດີ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ເປັນອາທິດທີ່ວຽກຂອງທ່ານມັກຖືກຄົນອື່ນເຂົ້າມາກ້າວກ່າຍໜ້າວຽກ ໂດຍສະເພາະແມ່ນຜູ້ໃຫຍ່ແມ່ນຄອຍຈັບຕາເບິ່ງການປະພຶດຂອງທ່ານ.

ການເງິນ ຕ້ອງໃຊ້ຄວາມພະຍາຍາມໃນການຫາເງິນໃຫ້ຫຼາຍຂຶ້ນຫາກທ່ານຢາກມີເງິນພໍໃຊ້ຈ່່າຍ ຫຼື ເຫຼືອເກັບ ເພາະຊ່ວງນີ້ທ່ານມີຫຼາຍຈ່າຍເຂົ້າມາຫຼາຍແຕ່ລາຍຮັບຄືເກົ່າ.

ຄວາມຮັກ ຄົນມີຄູ່ຂໍໃຫ້ຫຼີກລ່ຽງຄວາມຂັດແຍ້ງບໍ່ວ່າຈະເປັນແນວຄວາມຄິດ ການກະທຳ ຫຼື ຄຳເວົ້າ ຫາກບໍ່ຢາກຜິດໃຈກັນ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.