ເຄນຢາສະຫຼອງ “ຄິບໂຊເກ້” ສ້າງປະຫວັດສາດທຳລາຍສະຖິຕິແລ່ນມາຣາທອນ

0
56

ສຳນັກຂ່າວບີບີຊີລາຍງານເມື່ອບໍ່ດົນມານີ້ວ່າ ອີລິອຸດ ຄິບໂຊເກ້ ນັກແລ່ນຊາວເຄນຢາ ອາຍຸ 34 ປີສ້າງປະຫວັດສາດກາຍເປັນນັກແລ່ນມາຣາທອນຄົນທຳອິດທີ່ສາມາດທຳລາຍສະຖິຕິການແລ່ນມາຣາທອນໃນໄລຍະທາງ 42,2 ກີໂລແມັດ ໂດຍໃຊ້ເວລາບໍ່ເຖິງ 2 ຊົ່ວໂມງໄດ້ເປັນຄົນທຳອິດ.

ຄິບໂຊເກ້ ສາມາດເຮັດເວລາໃນການແລ່ນມາຣາທອນໃນໂຄງການ Ineos 1.59 Challenge  ທີ່ນະຄອນວຽນນາ ປະເທດອອສເຕຣຍເມື່ອວັນທີ 12 ຕຸລາຜ່ານມາ ດ້ວຍເວລາລວມ 1 ຊົ່ວໂມງ 59 ນາທີກັບ 40 ວິນາທີ ຊຶ່ງຂາດອີກພຽງແຕ່ 20 ວິນາທີກໍຈະຮອດ 2 ຊົ່ວໂມງ ຈຶ່ງນັບເປັນຄວາມສຳເລັດທີ່ສ້າງຄວາມພາກພູມໃຈໃຫ້ນັກແລ່ນປອດເຫຼັກຄົນນີ້ ຂະນະທີ່ຊາວເຄນຢາກໍໄດ້ອອກມາຮ່ວມສະແດງຄວາມຍິນດີພາຍຫຼັງທີ່ ຄິບໂຊເກ້ ສາມາດສ້າງສະຖິຕິປະຫວັດສາດດັ່ງກ່າວນີ້ໄດ້.

“ຄວາມສຳເລັດຄັ້ງນີ້ສະແດງໃຫ້ເຫັນວ່າມະນຸດບໍ່ມີຂີດຈຳກັດ” ຫຼັງຈາກທີ່ ຄິບໂຊເກ້ ສາມາດແລ່ນມາຣາທອນໃນໄລຍະທາງ 42,2 ກີໂລແມັດໂດຍໃຊ້ເວລາບໍ່ເຖິງ 2 ຊົ່ວໂມງເປັນຄົນທຳອິດຂອງໂລກ ຢ່າງໃດກໍຕາມ ການທຳລາຍສະຖິຕິຄັ້ງນີ້ຍັງບໍ່ມີການຮັບຮອງຢ່າງເປັນທາງການຈາກສະຫະພັນແລ່ນ ແລະ ລານນາໆຊາດ ເນື່ອງຈາກເປັນການລົງແລ່ນທີ່ບໍ່ມີການແຂ່ງຂັນກັບນັກແລ່ນຄົນອື່ນ ທັງນີ້ ຄິບໂຊເກ້ ຫຼື ເຈົ້າຂອງແຊ໋ມໂອລິມປິກໄດ້ສ້າງສະຖິຕິໂລກໃໝ່ໃນການແຂ່ງຂັນແລ່ນລາຍການເບີລິນ ມາຣາທອນເມື່ອປີ 2018 ທີ່ປະເທດເຢຍລະມັນດ້ວຍເວລາ 2 ຊົ່ວໂມງ 1 ນາທີກັບ 39 ວິນາທີ ຊຶ່ງຍັງບໍ່ມີນັກແລ່ນຄົນໃດສາມາດທຳລາຍສະຖິຕິດັ່ງກ່າວໄດ້.

 

 

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.