ເຂື່ອນໄຟຟ້ານໍ້າຕົກດອນສະຫົງຈຳປາສັກເປີດນຳໃຊ້ຢ່າງເປັນທາງການແລ້ວ

0
4889

ເວັບໄຊຂ່າວ laotiantimes ລາຍງານໃນວັນທີ 18 ພະຈິກ 2019 ວ່າ: ໂຄງການເຂື່ອນໄຟຟ້ານໍ້າຕົກດອນສະຫົງເທິງແມ່ນໍ້າຂອງໃນແຂວງຈຳປາສັກໄດ້ເປີດນຳໃຊ້ຢ່າງເປັນທາງການແລ້ວ. ຕາມທີ່ບໍລິສັດຮັບເໝົາກໍ່ສ້າງຈີນ Sinohydro Corp Ltd ໄດ້ໃຫ້ຂໍ້ມູນວ່າ: ປັດຈຸບັນນີ້ເຄື່ອງກັງຫັນລົມໄດ້ດຳເນີນການເຂົ້າໃນຮູບແບບທຸລະກິດການຄ້າ.

ໂຄງການເຂື່ອນໄຟຟ້າພະລັງນໍ້າມູນຄ່າ 401 ລ້ານໂດລາທີ່ສ້າງຢູ່ໃກ້ກັບນໍ້າຕົກຕາດຄອນພະເພັງ ແຂວງຈຳປາສັກ, ສ້າງແລ້ວພາຍ ໃນເວລາ 48 ວັນ (ແລ້ວກ່ອນກຳນົດ), ອີງຕາມນັກພັດທະນາບໍລິສັດ Mega First Corp Bhd ຂອງມາເລເຊຍທີ່ຄາດການໄວ້ ຫຼັງຈາກການກໍ່ສ້າງທີ່ເລີ່ມລົງມືໃນເດືອນມັງກອນ 2016. ນັກລົງທືນໃນໂຄງການດັ່ງກ່າວປະກອບມີ: ບໍລິສັດ Mega First ຖືຮຸ້ນ 80% ໃນຂະນະທີ່ຮຸ້ນຂອງບໍລິສັດ EDL-GEN ຂອງລາວຖືຮຸ້ນ 20%.

ທັງນີ້, ຈະໄດ້ມີການທົດລອງໃຊ້ງານພາຍໃນເດືອນນີ້ກ່ຽວກັບການຜະລິດພະລັງງານໄຟຟ້າ ຊຶ່ງໄດ້ສະແດງໃຫ້ເຫັນວ່າໂຄງການດັ່ງກ່າວສ້າງເກືອບສຳເລັດສົມບູນແລ້ວ. ເຂື່ອນໄຟຟ້າດອນສະຫົງເປັນເຂື່ອນທີ່ສ້າງຜ່ານແມ່ນໍ້າຂອງຕອນລຸ່ມລະຫວ່າງກອນສະຫົງ ແລະ ດອນສະດຳ, ມີກຳລັງການຜະລິດກະແສໄຟຟ້າ 260 MW, ຊຶ່ງໄຟຟ້າທີ່ຜະລິດອອກມາຈະສົ່ງອອກຂາຍໃຫ້ໄທ ແລະ ກຳປູ ເຈຍ.

 

ຮຽບຮຽງຂ່າວ:​ພຸດສະດີ ລາວລີ
ແຫຼ່ງຂໍ້ມູນ: laotiantimes.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.