ຮົງກົງໃຊ້ກົດໝາຍສຸກເສີນຄັ້ງທຳອິດໃນຮອບກວ່າ 50 ປີ

0
226

ຮົງກົງກຽມໃຊ້ກົດໝາຍພິເສດຈາກຍຸກອານານິຄົມຄັ້ງທຳອິດໃນຮອບ 52 ປີນັ້ນກໍຄື “ຫ້າມບໍ່ໃຫ້ຜູ້ປະທ້ວງສວມໃສ່ໜ້າກາກປິດ ບັງໃບໜ້າ” ຊຶ່ງຖ້າຫາກມີການຝ່າຝືນອາດຕ້ອງຮັບໂທດຈຳຄຸກສູງສຸດ 1 ປີ ຫຼື ປັບໄໝເງິນສູງເຖິງ 25.000 ໂດລາຮົງກົງ.

ທ່ານ ນາງ ແຄຣີ ແລມ ຜູ້ບໍລິຫານເຂດປົກຄອງພິເສດຮົງກົງໄດ້ອອກຖະແຫຼງການເມື່ອວັນທີ 4 ຕຸລາຜ່ານມາ ໂດຍໄດ້ປະກາດໃຊ້ກົດໝາຍສະບັບສຸກເສີນເປັນຄັ້ງທຳອິດນັບແຕ່ປີ 1967 ວ່າດ້ວຍການຫ້າມບໍ່ໃຫ້ມີການສວມໃສ່ໜ້າກາກ ຫຼື ອຸປະກອນປົກປິດໃບໜ້າທຸກຊະນິດລະຫວ່າງເຂົ້າຮ່ວມການຊຸມນຸມທາງການເມືອງ ຊຶ່ງມີຜົນບັງຄັບໃຊ້ນັບແຕ່ວັນທີ 5 ຕຸລາເປັນຕົ້ນໄປຈົນກວ່າຈະມີຄຳສັ່ງປ່ຽນແປງ.

ຢ່າງໃດກໍຕາມ ຄຳປະກາດດັ່ງກ່າວນັບເປັນການປະກາດໃຊ້ອຳນາດພິເສດຊຶ່ງເປັນກົດໝາຍ ຈາກຍຸກອານານິຄົມເປັນຄັ້ງທຳອິດໃນຮອບ 52 ປີ ໂດຍທາງການຮົງກົງຫວັງຈະໃຊ້ອຳນາດຕາມກົດໝາຍພິເສດສະບັບນີ້ຄວບຄຸມສະຖານະການຊຸມນຸມທີ່ຍືດເຍື້ອຫຼາຍເດືອນ ຊຶ່ງກຸ່ມປະທ້ວງມັກສວມໃສ່ໜ້າກາກ ຫຼື ອຸປະກອນປິດບັງໃບໜ້າໃນລະຫວ່າງການປະທ້ວງ ທັງນີ້ ການທີ່ລັດຖະບານຮົງກົງປະກາດໃຊ້ກົດໝາຍສະບັບດັ່ງກ່າວນີ້ແມ່ນໝາຍເຖິງສະຖານະການເຖິງຂັ້ນວິກິດ ຫຼື ສຸກເສີນເໜືອການຄວບຄຸມແລ້ວ.

ການຊຸມນຸມປະທ້ວງໃນຮົງກົງໂດຍສະເພາະໃນຊ່ວງອາທິດທີ່ຜ່ານມາຊຶ່ງກົງກັບການສະເຫຼີມສະຫຼອງຄົບຮອບ 70 ປີການກໍ່ຕັ້ງສາ ທາລະນະລັດປະຊາຊົນຈີນກໍຍິ່ງສົ່ງຜົນໃຫ້ສະຖານະການດັ່ງກ່າວຮຸນແຮງຍິ່ງຂຶ້ນພາຍຫຼັງມີການລາຍງານວ່າ ເຈົ້າໜ້າທີ່ຕຳຫຼວດໄດ້ໃຊ້ລູກປືນແທ້ຍິງປະທະກັບກຸ່ມປະທ້ວງຊຶ່ງເປັນນັກຮຽນມັດທະຍົມປາຍຄົນໜຶ່ງ ໂດຍຕຳຫຼວດໄດ້ອອກມາລະບຸພາຍຫຼັງວ່າເປັນການປ້ອງກັນຕົວເອງ ຊຶ່ງເຫດການດັ່ງກ່າວຍິ່ງເຮັດໃຫ້ກຸ່ມປະທ້ວງເກີດຄວາມບໍພໍໃຈ ແລະ ສະຖານະການຍິ່ງທະວີຄວາມຮຸນແຮງຂຶ້ນເລື້ອຍໆ.

 

 

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.