ອົງການກາແດງລາວຊ່ວຍເຫຼືອປະຊາຊົນເມືອສອງຄອນພ້ອມຕິດຕັ້ງເຄື່ອງກອງນໍ້າສະອາດ

0
47

ເມື່ອວັນທີ 13 ກັນຍາຜ່ານມາ ທ່ານ ພຸດທະວົງ ພົມມະຈັນ ຮອງເຈົ້າເມືອງສອງຄອນໄດ້ກ່າວວ່າ ສະພາບນໍ້າຖ້ວມຢູ່ເມືອງສອງຄອນ ແຂວງສະຫວັນນະເຂດທີ່ເລີ່ມມາແຕ່ວັນທີ 28 ສິງຫາເຖິງຕົ້ນເດືອນກັນຍາ 2019 ໄດ້ມີພະຍຸດີເປຣເຊິນ ແລະ ພະຍຸໂພດູລ ພັດຜ່ານຈຶ່ງເຮັດໃຫ້ນ້ຳຖ້ວມເປັນບໍລິເວນກວ້າງ ກວມເອົາ 36 ບ້ານ 3.396 ຄອບຄົວ 20.950 ຄົນ ໄດ້ຜົນກະທົບຢ່າງໜັກ ຕໍ່ກັບສະພາບດັ່ງກ່າວ ອຳນາດການປົກຄອງ ຄະນະພັກເມືອງ ກໍໄດ້ລະດົມທຸກພາກສ່ວນ ພ້ອມອາສາສະມັກອົງການກາແດງລາວ ເຂົ້າໄປໃຫ້ຄວາມຊ່ວຍເຫຼືອຂົນຍ້າຍສິ່ງຂອງ ແລະ ປະຊາຊົນໄປຢູ່ເຂດທີ່ປອດໄພ.

ມາຮອດປັດຈຸບັນ ເຖິງແມ່ນນໍ້າຈະລົດລົງແຕ່ກໍຍັງຢູ່ໃນຂີດອັນຕະລາຍ ປະຊາຊົນບໍ່ສາມາດເຂົ້າໄປເຮືອນຊານບ້ານຊ່ອງໄດ້ ຈຶ່ງຮຽກ ຮ້ອງມາຍັງທຸກພາກສ່ວນໃຫ້ການຊ່ວຍເລືອ ໂດຍສະເພາະແມ່ນປະເພດເຂົ້າສານ ອາຫານແຫ້ງ ແມ່ນຍັງມີຄວາມຕ້ອງການຫຼາຍ ແລະ ແນວພືດພັນຕ່າງໆເພື່ອໃຫ້ເຂົາເຈົ້າໄດ້ທຳການຜະລິດທົດແທນໃນລະດູແລງ.

ນອກຈາກນັ້ນ ອາສາສະໝັກອົງການກາແດງລາວກໍໄດ້ລໍາລຽງຂົນສະບຽງອາຫານເຂົ້າໄປສູນພັກເຊົາໃນ 4 ກຸ່ມບ້ານ ປະຖົມພະຍາ ບານໃຫ້ປະຊາຊົນຕາມຈຸດຕ່າງໆທຸກວັນ ພ້ອມຕິດຕັ້ງເຄື່ອງກອງນໍ້າສະອາດໃຫ້ປະຊາຊົນທີ່ບ້ານສິງທ່າຊະນິດເຄື່ອງ AP 700 ສາມາຜະລິດນໍ້າໄດ້ 24.000 ລິດຕໍ່ວັນ.

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.