ອີກ 11 ປີຕໍ່ໜ້າບາງກອກອາດຈະຈົມຢູ່ໃຕ້ບາດານ

0
4200

ນໍ້າຖ້ວມບາງກອກກາຍເປັນປາກົດການທີ່ພົບເຫັນເລື້ອຍໆ ເພາະບາງກອກສູງກວ່າລະດັບນໍ້າທະເລພຽງ 1,5 ແມັດເທົ່ານັ້ນ ຊຶ່ງຜົນກະທົບຈາກນໍ້າຖ້ວມແມ່ນຈະຂະຫຍາຍເປັນວົງກວ້າງ ໃນຂະນະທີ່ນໍ້າທະເລສູງຂຶ້ນດິນຂອງບາງກອກກໍຍິ່ງຊຸດໂຕລົງ ເຮັດໃຫ້ເກີດຄວາມສ່ຽງສູງທີ່ຈະພົບກັບພາວະນໍ້າຖ້ວມຮຸນແຮງໃນອະນາຄົດ ໂດຍທະນາຄານໂລກໄດ້ອອກມາລະບຸວ່າ ພາຍໃນປີ 2030 ຫຼື ອີກ 11 ປີຂ້າງໜ້າ ເກືອບ 40% ຂອງພື້້ນທີ່ໃນບາງກອກຈະຖືກນໍ້າຖ້ວມໜັກ ຊຶ່ງສາເຫດກໍມາຈາກຝົນຕົກໜັກ ແລະ ສະພາບອາ ກາດມີການປ່ຽນແປງ.

ນອກຈາກນີ້ ອົງກອນການກຸສົນເພື່ອການພັດທະນາ Christian Aid ຂອງອັງກິດຍັງເຕືອນວ່າ 8 ເມືອງໃຫຍ່ໃກ້ຝັັ່ງທະເລທົ່ວ ໂລກເຊັ່ນ ລອນດອນ ຊຽງໄຮ້ ຈາກາຕ້າ ມະນິລາ ລວມທັງບາງກອກຈະຈົມຢູ່ໃຕ້ບາດານໃນອີກ 14 ປີຂ້າງໜ້າ ເນື່ອງຈາກການເພີ່ມຂຶ້ນຂອງລະດັບນໍ້າທະເລທີ່ເກີດຈາກການປ່ຽນແປງຂອງສະພາບອາກາດ ແລະ ຖ້າຫາກນໍ້າກ້ອນກຣີນແລນລະລາຍຈົນໜົດ ນໍ້າທະເລກໍຈະສູງຂຶ້ນ 5-7 ແມັດ ຊຶ່ງນອກຈາກບາງກອກແລ້ວ ຈັງຫວັດອື່ນຂອງໄທກໍຈະຈົມນໍ້າໄປພ້ອມເຊັ່ນ ສະມຸດປາການ ນົນ ທະບູລີ ສະເຊີງເຊົາ ປະທຸມທານີ ນະຄອນສີອະຍຸດທະຍາ ສຸພັນບູລີ ຣາດບູລີ ສະໝຸດສົງຄາມ ສະໝຸດສາຄອນ ຈັນທະບູລີ ແລະ    ຕຣາດ.

ປັດຈຸບັນບາງກອນໄດ້ມີການຍຸບຕົວລົງສະເລ່ຍ 1-2 ຊົ່ວໂມງຕໍ່ປີ ສ່ວນລະດັບນໍ້າທະເລຈະເພີ່ມຂຶ້ນ 4 ມິລິແມັດຕໍ່ປີ ໂດຍກ່ອນໜ້ານີ້ສະຖາບັນວິໄຈເດລຕາເຣສຂອງເນເທີແລນໄດ້ເປີດເຜີຍຜົນການສຶກສາການຍຸບໂຕຂອງດິນທົ່ວໂລກພົບວ່າ ບາງກອກ ເວ ນິສ ແລະ ນິວອໍລິນຄືເມືອງທີ່ຍຸບຕົວໄວທີ່ກວ່າການເພີ່ມຂຶ້ນຂອງລະດັບນໍ້າທະເລເຖິງ 10 ເທົ່າ.

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.posttoday.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.