ຫໍໂມງ “ບິກເບນ” ສັນຍະລັກຂອງນະຄອນລອນດອນອາຍຸຄົບ 160

0
41

ຫໍໂມງບິກເບນ (Big Ben) ສັນະຍະລັກຂອງນະຄອນຫຼວງລອນດອນມີອາຍຸຄົບ 160 ປີ (11 ກໍລະກົດ) ຂະນະທີ່ການບູລະນະຄັ້ງໃຫຍ່ໄດ້ດຳເນີນມາເຖິງເຄິ່ງທາງແລ້ວ ເພື່ອອະນຸຮັກໜຶ່ງໃນສັນຍະລັກສຳຄັນຂອງອັງກິດໃຫ້ຄົງຢູ່ຕະຫຼອດໄປ.

ບິກເບນ ຊຶ່ງມີຊື່ຢ່າງເປັນທາງການວ່າ ມະຫາລະຄັງແຫ່ງຫໍຄອຍເອລິຊາເບດ (Great Bell of the Elizabeth Tower) ເລີ່ມຕີສຽງກ້ອງກັງວານໃຫ້ຊາວນະຄອນລອນດອນໄດ້ຍິນເປັນຄັ້ງທຳອິດເມື່ອວັນທີ 11 ກໍລະກົດ 1859 ຊຶ່ງມີຄວາມເຊື່ອວ່າຊື່ ບິກເບນຖືກເອີ້ນຫຼິ້ນໆຕາມຊື່ຂອງ ເຊີເບນຈະມິນ ຮອລ ຜູ້ຄວບຄຸມການຕິດຕັ້ງມະຫາລະຄັງໃນຂະນະນັ້ນ.

ທັງນີ້ ຫໍໂມງດັ່ງກ່າວມີຄວາມສູງ 96 ແມັດ ເປັນສ່ວນໜຶ່ງຂອງພຣະຣາຊະວັງເວສມິນສເຕີຣ ຊຶ່ງໄດ້ຮັບການຂຶ້ນທະບຽນເປັນມໍລະ ດົກໂລກຂອງອົງການຢູເນສໂກ ແລະ ຕັ້ງຢູ່ໃຈກາງນະຄອນຫຼວງລອນດອນຂອງອັງກິດ ນອກຈາກຫໍໂມງແຫ່ງນີ້ຈະກາຍເປັນແຫຼ່ງ ທ່ອງທ່ຽວສຳຄັນທີ່ຄົນທົ່ວໂລກຮູ້ຈັກ ແລະ ເປັນໜຶ່ງໃນອາຄານທີ່ຖືກຖ່າຍຮູບຫຼາຍທີ່ສຸດໃນອັງກິດແລ້ວ ສຽງລະຄັງທີ່ດັງກ້ອງກັງ ວານຍັງຖືກນຳມາເປີດກ່ອນເຂົ້າລາຍການຂ່າວຂອງສະຖານີວິທະຍຸບີບີຊີອີກດ້ວຍ.

ປັດຈຸບັນ ຫໍໂມງບິກເບນພວມຢູ່ລະຫວ່າການບູລະນະຄັ້ງໃຫຍ່ທີ່ສຸດນັບແຕ່ເຄີຍມີມາ ຊຶ່ງໄດ້ດຳເນີນມາແຕ່ປີ 2017 ແລະ ມີກຳ ນົດສຳເລັດໃນປີ 2021 ໃນນັ້ນ ແມ່ນຈະນຳໃຊ້ງົບປະມານເກືອບ 40 ລ້ານປອນ ຢ່າງໃດກໍດີ ໂຄງການບູລະນະດັ່ງກ່າວເຮັດໃຫ້ຕ້ອງປິດຫໍຄອຍເອລິຊາເບດ ແລະ ລະບົບລະຄັງເພື່ອປ້ອງກັນບໍ່ໃຫ້ຄົນງານໄດ້ຮັບຜົນກະທົບຈາກສຽງລະຄັງຂະນະທີ່ເຂົ້າໄປເຮັດວຽກ ຂະນະທີ່ບິກເບນຈະຕີບອກເວລາໃນໂອກາດສຳຄັນໆເຊັ່ນ ວັນລະນຶກທະຫານຜ່ານສຶກ ແລະ ຄືນສົ່ງທ້າຍປີເກົ່າຕ້ອນຮັບປີໃໝ່ ແລະ ອື່ນໆ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: bbc

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.