ສິງກະໂປຮຽກຮ້ອງອາຊຽນເພີ່ມເອກະພາບທາງດ້ານເສດຖະກິດໃຫ້ຫຼາຍຂຶ້ນ

0
119

ສຳນັກຂ່າວຕ່າງປະເທດລາຍງານເມື່ອວັນທີ 5 ພະຈິກຜ່ານມາວ່າ: ທ່ານ ລີ ຊຽນລຸງ ນາຍົກລັດຖະມົນຕີຂອງສິງກະໂປຮຽກຮ້ອງໃຫ້ອາຊີຕາເວັນອອກສຽງໃຕ້ (ອາຊຽນ) ໃຫ້ຍົກລະດັບຄວາມເປັນເອກະພາບຂອງພາກພື້ນໃນການປະເຊີນໜ້າກັບຄວາມທ້າທາຍທາງດ້ານເສດຖະກິດທັງພາຍໃນ ແລະ ພາຍນອກ.

ທ່ານ ລີ ຊຽນລຸງ ກ່າວໃນກອງປະຊຸມສຸດຍອດຄັ້ງທີ 35 ຂອງຜູ້ນຳ 10 ປະເທດອາຊຽນໂດຍໄດ້ລະບຸວ່າ: ອາຊຽນລວມຕົວກັນເປັນປະຊາຄົມເສດຖະກິດອາຊຽນ (ເອອີຊີ) ເມື່ອປີ 2015 ແຕ່ນັບຈາກນັ້ນມາເກືອບໍ່ມີຄວາມຄືບໜ້າ, ປັດຈຸບັນສະມາຊິກຕ້ອງເພີ່ມ ຄວາມຈິງໃຈໃນການຮ່ວມມືກັນເພື່ອບັນລຸເປົ້າໝາຍ “ພິມຂຽວເສດຖະກິດອາຊຽນ” ທີ່ມີການກຳນົດໄວ້ໃນປີ 2025.

ຂະນະດຽວກັນ, ອາຊຽນກໍຄວນຂະຫຍາຍຂອບຄວາມຮ່ວມມືທາງເສດຖະກິດກັບປະເທດພາຍນອກ ແລະ ພາກພື້ນໃຫ້ຫຼາຍກວ່ານີ້, ຍົກລະດັບການຄ້າເສລີກັບຄູ່ຄ້າທັງເກົ່າ ແລະ ໜ້າໃໝ່ໃຫ້ເພີ່ມຫຼາຍຂຶ້ນໃນອະນາຄົດ. ຢ່າງໃດກໍຕາມ ບັນຍາກາດຂອງກອງປະຊຸມເກີດຂຶ້ນທ່າມກາງຄວາມບໍ່ແນ່ນອນຂອງການເຈລະຈາຂໍ້ຕົກລົງຮຸ້ນສ່ວນທາງເສດຖະກິດລະດັບພາກພື້ນ ຫຼື ອາເຊັບວ່າ: ຈະມີການ ຊຸກຍູ້ທີ່ສ້າງສັນ ແລະ ເປັນຮູບປະທຳ ຫຼື ບໍ່?, ເນື່ອງຈາກທິດທາງຂອງອາເຊັບໃນປັດຈຸບັນແມ່ນຂຶ້ນກັບອິນເດຍເທົ່ານັ້ນ.

ຮຽບຮຽງ: ເພັງສະຫວັນ

ຮູບພາບ: kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.