ສຳຜັດວັດທະນະທຳແບບລາວໆຜ່ານ “ສະຖານທີ່ທ່ອງທ່ຽວວັດທະນະທຳບ້ານນາຊາຍທອງ”

0
196

ເປັນອີກໜຶ່ງສະຖານທີ່ທ່ອງທ່ຽວທີ່ພວມໄດ້ຮັບຄວາມນິຍົມຈາກມວນຊົນຢ່າງຫຼວງຫຼາຍ ນັ້ນກໍຄື “ສະຖານທີ່ທ່ອງທ່ຽວວັດທະ ນະທຳບ້ານນາຊາຍທອງ” ຊຶ່ງພາຍຫຼັງທີ່ເປີດຢ່າງເປັນທາງການເມື່ອເດືອນເມສາຜ່ານມາກໍໄດ້ຮັບຄວາມນິຍົມ ແລະ ກະແສຕອບຮັບຈາກສັງຄົມເປັນຢ່າງດີ.

ໂອກາດດັ່ງກ່າວ ທ່ານ ນາງ ທິດາສະຫວັນ ຫຼວງລາດ (ຕົວແທນຜູ້ບໍລິຫານສະຖານທີ່ທ່ອງທ່ຽວວັດທະນະທຳບ້ານນາຊາຍທອງ) ໄດ້ກ່າວວ່າ ສຳລັບເທສະການບຸນອອກພັນສານີ້ ສະເພາະໃນວັນທີ 12-13 ຕຸລາ 2019 ນີ້ທາງສະຖານທີ່ທ່ອງທ່ຽວຂອງພວກເຮົາມີໂປຣໂມເຊິນຫຼາກຫຼາຍໃຫ້ບັນດາທ່ານທີ່ເຂົ້າມາຢ້ຽມຊົມ ບໍ່ວ່າຈະເປັນການຫຼຸດລາຄາຄ່າເຂົ້າ ຈາກປົກກະຕິ 90.000 ກີບຕໍ່ຄົນແມ່ນເຫຼືອພຽງ 60.000 ກີບຕໍ່ຄົນ (ສະເພາະວັນທີ 12-13 ຕຸລາ 2019 ເທົ່ານັ້ນ) ຊຶ່ງໃນລາຄາ 60​.000 ກີບທ່ານຈະໄດ້ນຸ່ງທັງເຄື່ອງແບບທຳມະຊາດ ແລະ ຊຸດແບບ VIP ແລະ ອີກໜຶ່ງໂປຣໂມເຊິນໃໝ່ນັ້ນກໍຄື ຜູ້ໃຫຍ່ທີ່ມາ 2 ຄົນ (ຟຣີ) ເດັກນ້ອຍ 1 ຄົນ.

ນອກຈາກນີ້ ໃນກິດຈະກຳຕໍ່ໄປທີ່ຈະຈັດກໍຄື ໂປຣໂມເຊິນລຸ້ນໂຊກທ່ຽວເກົາຫຼີ ຈຳນວນ 2 ບ່ອນນັ່ງ ພຽງແຕ່ທ່ານເຂົ້າມາທ່ຽວສະ ຖານທີ່ຂອງພວກເຮົາທ່ານກໍຈະໄດ້ຮັບຄູປ໋ອງລຸ້ນໂຊກທັນທີ 1 ທ່ານຕໍ່ 1 ໃບ ຊຶ່ງການຈັບສະຫຼາກມອບໂຊກແມ່ນຈະຈັດຂຶ້ນໃນເດືອນມິຖຸນາ 2020.

ພິເສດ ສະເພາະກິດຈະກຳພາຍໃນວັນທີ 12-13 ຕຸລາ 2019 ແມ່ນຈະມີການປະດັບປະດາໂຄມໄຟຫຼາກສີສັນຕາມຈຸດຕ່າງໆເພື່ອໃຫ້ບັນດາທ່ານໄດ້ເກັບພາບແຫ່ງຄວາມປະທັບໃຈ ສະຖານທີ່ທ່ອງທ່ຽວວັດທະນະທຳບ້ານນາຊາຍທອງຕັ້ງຢູ່ບ້ານນາຊາຍເໜືອ ເມືອງນາຊາຍທອງ ນະຄອນຫຼວງວຽງຈັນ ເປີດໃຫ້ເຂົ້າຊົມທຸກວັນເສົາ ແລະ ອາທິດ ເວລາ 08:00-17:00 ໂມງ (ພິເສດໃນວັນທີ 12-13 ຕຸລານີ້ແມ່ນເປີດໄປຈົນເຖິງເວລາ 20:00 ໂມງ).

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.