ສະຫວັນນະເຂດກຽມຈັດງານເທສະການ “ສະຫວັນສຸກສັນຫັນສາ” ເພື່ອຕ້ອນຮັບນັກທ່ອງທ່ຽວ

0
331

ແຂວງສະຫວັນນະເຂດໄດ້ກະກຽມຄວາມພ້ອມເພື່ອຕ້ອນຮັບບັນດານັກທ່ອງທ່ຽວທີ່ຈະເຂົ້າມາຮ່ວມໃນເທສະການ “ສະຫວັນສຸກຫັນສາ” ຊຶ່ງຈະຈັດຂື້ນໃນລະຫວ່າງວັນທີ 22-24 ພະຈິກ 2019 ນີ້.

ທ່ານ ນາງ ວິໄລວັນ ຈັນທະວົງ ປະທານກຸ່ມບໍລິສັດທ່ອງທ່ຽວແຂວງສະຫວັນນະເຂດໄດ້ກ່າວວ່າ: ຈຸດປະສົງຂອງການຈັດງານກໍເພື່ອສົ່ງເສີມການທ່ອງທ່ຽວ, ທັງເປັນການໂຄສະນາຕົວເມືອງເກົ່າຂອງນະຄອນໄກສອນພົມວິຫານໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ຮັບຮູ້, ເພາະທີ່ຜ່ານມາແມ່ນຍັງບໍ່ເຄີຍມີການຈັດງານແບບນີ້ມາກ່ອນ. ດັ່ງນັ້ນ ທາງກຸ່ມທຸລະກິດທ່ອງທ່ຽວໄດ້ເຫັນຄວາມສຳຄັນ ແລະ ໄດ້ເຫັນຄວາມງາມຂອງຕົວເມືອງເກົ່າຈຶ່ງໄດ້ຮ່ວມມືກັນກັບພະແນກ ຖວທ ແຂວງ, ນະຄອນໄກສອນພົມວິ ຫານ ແລະ ພາກສ່ວນກ່ຽວຂ້ອງຈັດງານເທສະການ “ສຸກສະຫວັນຫັນສາ”. ຊຶ່ງຄັ້ງນີ້ຖືເປັນຄັ້ງທໍາອິດ ແລະ ເປັນສິ່ງທີ່ທ້າທາຍ, ພາຍໃນງານຈະມີການຈັດກິດຈະກິດຈະກຳຫຼາຍຢ່າງທີ່ເປັນການຢ້ອນຍຸກ ແລະ ກິດຈະກໍາທີ່ຈະຈັດເແມ່ນເວທີໃຫຍ່ຕໍ່ໜ້າໂບດເດີ່ນຕະຫຼາດສະຫວັນກາງຄືນ, ພ້ອມທັງມີການສະແດງສິລະປະພື້ນບ້ານ, ມີດົນຕີທັງສາກົນ, ທ້ອງຖິ່ນ ແລະ ແບບປະຍຸກສະໄໝໃໝ່, ພ້ອມນີ້, ພາຍໃນງານຈະມີການວາງສະແດງຮູບພາບ, ປະກວດເກົ້າຜົມງາມ ແລະ ການແຕ້ມຮູບເໝືອນ, ການວາງສະແດງຂາຍສິນຄ້າພຶ້ນເມືອງຂອງພາຍໃນແຂວງ ແລະ ຕ່າງປະເທດ, ມີໂຊນຂາຍເຄື່ອງ, ໂຊນອາຫານ ແລະ ໂຊນຂາຍເຄື່ອງທົ່ວໄປ ໃນນັ້ນ ມີບັນດາຫ້າງຮ້ານເຂົ້າຮ່ວມຫຼາຍກວ່າ 100 ຫ້ອງ.

ດັ່ງນັ້ນ, ຈຶ່ງຢາກສົ່ງຂ່າວປ່າວປະກາດເພື່ອເຊີນຊວນບັນດານັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ມາສຳຜັດ, ມາທ່ຽວຊົມເຂດຕົວເມືອງເກົ່ານະຄອນໄກສອນພົມວິຫານແຂວງສະຫວັນນະເຂດ, ງານຄັ້ງນີ້ຈະຈັດຂຶ້ນລະຫວ່າງວັນທີ 22-24 ພະຈິກ 2019 ນີ້.

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.