ວິໄຈໄວຣັສໃນວັນນີ້ເພື່ອປ້ອງກັນການລະບາດໃນອະນາຄົດ

0
325

ຄວາມເປັນມາດ້ານວິວັດທະນາການຂອງເຊື້ອໄວຣັສຖືເປັນສິ່ງທີ່ຍາກຈະກວດສອບ ເຖິງຈະມີຊ່ອງທາງສຳລັບການຄາດຄະເນເຖິງປະຫວັດສາດວິວັດທະນາການຂອງສິ່ງທີ່ມີຊີວິດເຊັ່ນ ຊາກດຶກດຳບັນ ຫຼື ຟອສຊິລ (fossil) ແຕ່ວ່າວິທີເຫຼົ່ານັ້ນກໍບໍ່ສາມາດໃຊ້ກັບເຊື້ອໄວຣັສໄດ້ ທັງນີ້ ເມື່ອບໍ່ດົນມານີ້ນັກຊີວະວິທະຍາ ແລະ ນັກວິທະຍາສັດລ້ຽງລູກດ້ວຍນົມຈາກມະຫາວິທະຍາໄລນິວເມັກຊິໂກໃນອາເມ ຣິກາໄດ້ເປີດເຜີຍເຖິງການຄົ້ນພົບຫົນທາງທີ່ຈະຊ່ວຍຕໍ່ສູ້ກັບເຊື້ອໄວຣັສໃນອະນາຄົດ.

ໂດຍທີມວິໄຈມຸ່ງໄປທີ່ການສຶກສາປະຫວັດສາດດ້ານວິວັດທະນາການ ແລະ ວິເຄາະສາຍວິວັດທະນາການຂອງຂໍ້ມູນທາງພັນທຸກຳກ່ຽວກັບໄວຣັສຮັນທາ (hantaviruses) ຊຶ່ງມັກພົບໃນກຸ່ມສັດທີ່ໃຊ້ແຂ້ວກັດ ຈາກການລວບລວມຕົວຢ່າງທີ່ໄດ້ຈາກສັດລ້ຽງລູກດ້ວຍນົມ ຕາມທຳມະຊາດໃນຫຼາຍພື້ນທີ່ເຊັ່ນ ອາລາສກາ ປານາມາ ມອງໂກລີ ຍີ່ປຸ່ນ ລວມເຖິງອ້ອມຮອບລັດນິວເມັກຊີໂກ ແລະ ເນື່ອງຈາກຄວາມກ້າວໜ້າຂອງການສຶກສາໄວຣັສຮັນທາ ປັດຈຸບັນໄວຣັສຮັນທາບາງກຸ່ມຕ້ອງປ່ຽນຊື່ໃໝ່ເຊັ່ນ ໄວຣັສທີ່ພົບໃນເຈຍຖືກເອີ້ນວ່າ ໂມແບັທໄວຣັສ (mobatviruses) ໂລນໄວຣັສ (loanviruses)  ຫຼື ໂຊຣິຊິດ(Soricid).

ຈາກການສຶກສາສັກທີ່ໃຊ້ແຂ້ວກັດເພື່ອຫາກິນເຊັ່ນ ໂຕເຈຍ ຕຸ່ນ ສາຍພັນໝູບາງຊະນິດ ໂດຍການກວດເບິ່ງຮູບແບບທາງປະຫວັດ ສາດການເຄື່ອນໄຫວຂອງໄວຣັສຈາກສາຍພັນໜຶ່ງໄປຫາສາຍພັນໜຶ່ງ ລວມເຖິງຄົ້ນຫາການປ່ຽນແປງ ຫຼື ວິວັດທະນາການຂອງມັນໃນຂະນະທີ່ມັນເຄື່ອນໄຫວ ນັກວິໄຈເຜີຍອີກວ່າພຶດຕິກຳຂອງໄວຣັສໃນອະດີດຈະຊ່ວຍໃນການພະຍາກອນວ່າໄວຣັສຈະເປັນແບບໃດໃນອະນາຄົດ ເມື່ອສັດລ້ຽງລູກດ້ວຍນົມມີການປ່ຽນ ແປງໄປຕາມສະພາບພູມີອາກາດ ຊຶ່ງຂໍ້ມູນອາດຄາດຄະເນໄດ້ວ່າ ຈຸດສຳຄັນທີ່ຈະເກີດການລະບາດຂອງພະຍາດສາມາດເກີດຂຶ້ນຢູ່ໃນບ່ອນໃດ ຫຼື ແຫຼ່ງໃດໄດ້ແດ່.

 

 

 

ຮຽບຮຽງ: ພ.ສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.