ວິນະດາ ພິສາລາດ ສາວງາມຈາກພາກເໜືອຄວ້າຕໍາແໜ່ງ “ນາງ ສາວລາວ 2019”

0
286

ປິດສາກລົງຢ່າງເປັນທາງການແລ້ວສຳລັບເວທີການປະກວດນາງສາວລາວປະຈຳປີ 2019 (Miss Laos 2019) ຊຶ່ງຈັດຂຶ້ນທີ່ສູນການຄ້າໄອເຕັກມໍໃນຄໍ່າຄືນຂອງວັນທີ 7 ທັນວາຜ່ານມາ, ປາກົດວ່າ: ນາງ ວິນະດາ ພິສາລາດ ໝາຍກເລກ ML20 ຕົວ ແທນນາງສາວລາວຈາກແຂວງຫຼວງພຣະບາງສາມາດຄວ້າຕຳແໜ່ງຊະນະເລີດໄປຄອງ.

ສຳລັບລາງວັນຊະນະເລີດໄດ້ແກ່ ນາງ ວິນະດາ ພິສາລາດ ໝາຍກເລກ ML20 ຈາກແຂວງຫຼວງພຣະບາງ ໄດ້ຮັບເງິນລາງວັນມູນຄ່າ 30 ລ້ານກີບພ້ອມມຸງກຸດເພັດມູນຄ່າ 70 ລ້ານພ້ອມສາຍສະພາຍ ແລະ ລາງວັນອື່ນໆລວມມູນຄ່າຫຼາຍກວ່າ 300 ລ້ານກີບ, ຮອງອັນດັບ 1 ໄດ້ແກ່ ນາງ ໂຈ່ແອ້ນ ໂພທິວັດ ໝາຍເລກ ML23 ຈາກນະຄອນ ຫຼວງວຽຈັນ ໄດ້ຮັບເງິນລາງວັນມູນຄ່າ 15 ລ້ານກີບພ້ອມມົງກຸດເພັດມູນຄ່າ 40 ລ້ານພ້ອມສາຍສະພາຍ ແລະ ລາງວັນອື່ນໆ, ຮອງອັນດັບ 2 ໄດ້ແກ່ ນາງ ສຸດດາວັນ ປັດສາພັນ ໝາຍເລກ ML22 ຈາກແຂວງຈຳປາສັກ ໄດ້ຮັບເງິນລາງມູນຄ່າ 10 ລ້ານກີບ, ມົງກຸດເພັດມູນຄ່າ 40 ລ້ານພ້ອມສາຍສະພາຍ ແລະ ລາງວັນອື່ນໆ, ຂະນະທີ່ຮອງອັນດັບທີ 3 ຕົກເປັນຂອງ ນາງ ພອນສະນິດ ລັດຕະນະສັກ ໝາຍເລກ ML4 ຈາກແຂວງອຸດົມໄຊ ໄດ້ຮັບເງິນລາງວັນມູນຄ່າ 8 ລ້ານກີບ, ມົງກຸດເພັດມູນຄ່າ 30 ລ້ານພ້ອມສາຍສະພາຍ ແລະ ລາງວັນອື່ນໆ ແລະ ຮອງຊະນະເລີດອັນດັບທີ 4 ໄດ້ແກ່ ນາງ ບຸດດາວ ຈັນທະລີ ໝາຍເລກ ML2 ຈາກແຂວງອຸດົມໄຊ ໄດ້ຮັບເງິນລາງວັນມູນຄ່າ 8 ລ້ານກີບ, ມົງກຸດເພັດມູນຄ່າ 30 ລ້ານກີບພ້ອມສາຍສະພາຍ ແລະ ລາງວັນອື່ນໆ.

ນອກຈາກນີ້ກໍມີລາງວັນພິເສດຕ່າງໆດັ່ງນີ້: ລາງວັນນາງສາວຜິວພັນສວຍງານ ໄດ້ແກ່ ນາງ ເຈນນີ ຫຼວງວົງ ໝາຍເລກ ML7, ລາງວັນ ນາງສາວໜ້າອ່ອນກວ່າໄວ ໄດ້ໝາຍ ນາງ ມະນີພອນ ສີຫາໄຊຍະແສງ ໝາຍເລກ ML26, ລາງວັນນາງສາວບຸກຄະລິກຄະພາບດີ ໄດ້ແກ່ ນາງ ສຸດາວອນ ປັດພັນສາ ໝາຍເລກ ML26, ລາງວັນນາງສາວແຕ່ງໜ້າງາມ ໄດ້ແກ່ ນາງ ແສງມະນີ ພູວັນໂນ ໝາຍເລກ ML11, ລາງວັນນາງສາວຜິວໜ້າຊຸ່ມຊື່ນສຸຂະພາບດີ ໄດ້ແກ່ ນາງ ດາວພະສຸກ ພົມມະຫາໄຊ ໝາຍເລກ ML1, ລາງວັນນາງສາວໜ້າໃສ-ສຸຂະພາບດີ ໄດ້ແກ່ ນາງ ຈູມມາລີ ໄຊວຸດທິ ໝາຍເລກ ML30, ລາງວັນຂວັນໃຈຊ່າງພາບ ໄດ້ແກ່ ນາງ ວິດາ ແຊ້ພານ ໝາຍເລກ ML16 ແລະ ລາງວັນນາງສາວມິດຕະພາບ ໄດ້ແກ່ ນາງ ສຸດາວັນ ປັດສາພັນ ໝາຍເລກ ML22 ຊຶ່ງລາງວັນພິເສດທັງໝົດແມ່ນໄດ້ຮັບເງິນສົດມູນຄ່າ 5 ລ້ານກີບ.

 

ໂດຍ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.