“ວິຖີຄົນສູ້” ລາຍການດຽວໃນປະເທດທີ່ຖ່າຍຖອດເລື່ອງລາວຊີວິດຄົນແບບເຈາະເລິກ

0
163

ລາຍການ “ວິຖີຄົນສູ້” ເປັນລາຍການໜຶ່ງດຽວຂອງປະເທດລາວທີ່ເປັນລາຍການຕາມຕິດຊີວິດຂອງຄົນທຸກສາຂາອາຊີບແບບເຈາະເລິກ ນອກຈາກນີ້ ຍັງເປັນລາຍການທີ່ແປກໃໝ່ທີ່ສຸດແບບບໍ່ເຄີຍມີມາກ່ອນຄືການໃຫ້ໂອກາດຄົນພິການເປັນພິທີກອນດຳເນີນລາຍການ ແລະ ທີມງານການຜະລິດຍັງນຳໃຊ້ຄົນພິການເປັນສ່ວນໃຫຍ່.

ປັດຈຸບັນ ລາຍການວິຖີຄົນສູ້ໄດ້ປ່ອຍເພງ “ກຳລັງໃຈ” ຊຶ່ງເປັນເພງປະກອບລາຍການອອກມາຮຽກກະແສກ່ອນທີ່ຈະປ່ອຍຕອນທີ 1 (EP 1) ອອກມາ ຊຶ່ງກໍເປັນໄປຕາມຄາດເພາະໄດ້ຮັບຄວາມສົນໃຈຈາກສັງຄົມພໍສົມຄວນ.

ລາຍການວິຖີຄົນສູ້ຈະເລີ່ມອອກອາກາດຕອນທຳອິດໃນວັນທີ 21 ສິງຫາ 2019 ນີ້ທາງເຟສບຸ໊ກເພສ ລາຍການວິຖີຄົນສູ້ ແລະ ຊ່ອງຢູທູບ PVS Channel ໃນເວລາ 20:00-20:30 ໂມງທຸກຄືນວັນພຸດ ແຕ່ລະຕອນຈະຖ່າຍທອດເລື່ອງລາວຊີວິດຂອງນັກສູ້ຊີວິດທີ່ແຕກຕ່າງກັນອອກໄປ ຮັບຮອງວ່າຜູ້ທີ່ໄດ້ຮັບຊົມລາຍການນີ້ຈະເກີດມຸມມອງໃໝ່ໃນການດຳລົງຊີວິດ ພ້ອມມີກຳລັງໃຈໃນການໃຊ້ຊີວິດຕໍ່ໄປ (ມີຄລີບ).

ຂ່າວໂດຍ: ບຸດສະດີ ສາຍນໍ້າມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.