ລົມສາວຜ່ານອອນລາຍ 2 ປີເຫັນຕົວຈິງເຖິງກັບເງີບ!!

0
376

ເມື່ອບໍ່ດົນມານີ້ເລື່ອງລາວຄວາມຮັກຂອງໜຸ່ມສາວຊາວອິນໂດເນເຊຍຄູ່ໜຶ່ງໄດ້ກາຍເປັນຂ່າວໃຫຍ່ ແລະ ເປັນທີ່ເວົ້າເຖິງໃນວົງກວ້າງທົ່ວສັງຄົມອອນລາຍ ໂດຍທັງສອງເປັນຄົນອິນໂດເນເຊຍທີ່ໄປເຮັດວຽກໄກບ້ານເກີດ ຝ່າຍຊາຍມີຊື່ວ່າ ທ້າວ ຢູຊຸບ ເຮັດວກຢູ່ສ. ເກົາຫຼີ ສ່ວນຝ່າຍຍິງຊື່ ນາງ ສິຣິ ເຮັດວຽກຢູ່ໄຕ້ຫວັນ ເຂົາເຈົ້າພົບຮັກກັນຜ່ານທາງອິນເຕີເນັດ ແລະ ລົມກັນເປັນເວລາດົນກວ່າ 2 ປີຈົນຄວາມຮັກຂອງທັງກ້າວມາເຖິງຂັ້ນກຽມພ້ອມເຂົ້າສູ່ປະຕູວິວາ ໂດຍທ້າວ ຢູຊູບ ໝັ້ນໃຈວ່າເຂົາຮັກຍິງສາວຄົນນີ້ຫຼາຍ ເຖິງແມ່ນວ່າຈະເຫັນພຽງຮູບຖ່າຍ ແລະ ບໍ່ເຄີຍເຫັນຕົວແທ້ຂອງນາງກໍຕາມ.

ທ້າວ ຢູຊູບ ລໍຄອຍວັນແຕ່ງດອງໃຫ້ມາຮອດໄວໆ ແລະ ເມື່ອວັນນັ້ນມາຮອດລາວກໍໄດ້ເປີດຜ້າຄຸມໜ້າຂອງເຈົ້າສາວດ້ວຍຄວາມຕື່ນເຕັ້ນ ແຕ່ກໍຕ້ອງຫງາຍເງີບເພາະເຈົ້າສາວຂອງເຂົາບໍ່ຕົງກັບສະເປັກ ເປັນຄົນລະເລື່ອງກັບທີ່ເຫັນຢູ່ໃນອິນເຕີເນັດ ເພາະວ່າໜ້າຕາຂອງ ນາງ ສິຣິ ຕົວຈິງບໍ່ຄືກັບໃນຮູບ ນອກຈາກໜ້າຕາບໍ່ຄືແລ້ວ ຍັງມີອາຍຸແກ່ກວ່າຫຼາຍປີ ຊຶ່ງອາຍຸຂອງນາງເກືອບເທົ່າກັບອາຍຸຂອງແມ່ເຈົ້າບ່າວ.

ຕະຫຼອດໄລຍະເວລາ 2 ປີທີ່ຜ່ານມານາງໄດ້ເອົາຮູບຄົນອື່ນມາໃຊ້ຫຼອກລວງ ທ້າວ ຢູຊູບ ຊຶ່ງເຂົາເອງກໍເຄີຍສົງໃສວ່າເປັນຫຍັງທີ່ຜ່ານມາຝ່າຍຍິງບໍ່ເຄີຍຍອມລົມກັບເຂົາຜ່ານວິດິໂອຄອລທີ່ສາມາດໂທເຫັນໜ້າກັນໄດ້ ແລະ ຕອນນີ້ເຂົາຮູ້ແລ້ວວ່າເປັນເພາະຫຍັງ.

ທ້າວ ຢູຊູບ ນອກຈາກຈະອອກຄ່າໃຊ້ຈ່າຍທັງໝົດໃນການແຕ່ງແລ້ວດອງ ເຂົາຍັງໝົດເງິນໃຫ້ກັບຝ່າຍຍິງ (ນາງ ສິຣິ) ຈຳນວນ ຫຼາຍ ເພາະກ່ອນໜ້ານີ້ທ້າວເຄີຍໂອນເງິນໃຫ້ ນາງ ສິຣິ ໃຊ້ທຸກເດືອນ ເມື່ອນາງເອີ່ຍປາກຂໍບໍ່ວ່າຈະຢາກໄດ້ຫຍັງເຂົາກໍໂອນໃຫ້ທຸກຄັ້ງ ຫຼ້າສຸດ ກ່ອນຈະຮອດງານແຕ່ງດອງ ນາງ ສິຣິ ຂໍຢືມເງິນອີກກ້ອນໜຶ່ງ ລວມເຖິງຂໍເງິນຊື້ໂທລະສັບ ຊຶ່ງເຂົາກໍໂອນໃຫ້ຄືທີ່ຜ່ານມາ ແລະ ເມື່ອຄວາມຈິງເປີດເຜີຍ ທ້າວ ຍູຊູບ ກໍໄດ້ຍົກເລີກການແຕ່ງດອງທັນທີ ແລະ ຕອນນີ້ກຳລັງຢູ່ໃນລະຫວ່າງລວບລວມຫຼັກ ຖານເພື່ອດຳເນີນຄະດີທາງກົດໝາຍກັບເຈົ້າສາວກຳມະລໍຄົນນີ້.

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: hilight.kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.