ລັດຖະມົນຕີກະຊວງ ຖວທ ຕ້ອນຮັບຄະນະກໍາມາທິການທ່ອງທ່ຽວເຢຍລະມັນ

0
20

ເມື່ອວັນທີ 7 ຕຸລາຜ່ານມາທີ່ນະຄອນຫຼວງວຽງຈັນ ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ກຽດຕ້ອນຮັບ ທ່ານ Dr Klaus-Peter Schulze ຄະນະກໍາມາທິການທ່ອງທ່ຽວ ລັດຖະສະພາເຢຍລະມັນພ້ອມດ້ວຍຄະນະ ເນື່ອງໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ໂອກາດນີ້ ທ່ານ ບໍ່ແສງຄໍາ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍທີ່ Dr Klaus-Peter Schulze ໄດ້ນໍາພາຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງຖືເປັນນິມິດໝາຍທີ່ດີ ແລະ ເປັນການປະກອບສ່ວນອັນສຳຄັນເຂົ້າໃນການຮັດແໜ້ນການຮ່ວມມືຂອງສອງປະເທດ ລາວ-ເຢຍລະມັນ ໃນຂົງເຂດວຽກງານທ່ອງທ່ຽວໃຫ້ນັບມື້ນັບຂະຫຍາຍຕົວ ສອງຝ່າຍໄດ້ປຶກສາຫາລືກັນເພື່ອສືບຕໍ່ຊຸກຍູ້ ແລະ ສົ່ງເສີມວຽກງານວັດທະນະທຳ ແລະ ທ່ອງທ່ຽວຂອງສອງປະເທດ​.

ທ່ານ Dr Klaus-Peter Schulze ໄດ້ສະຄວາມຂອບໃຈຕໍ່ທ່ານລັດຖະມົນຕີທີ່ໃຫ້ກຽດຕ້ອນຮັບຢ່າງອົບອຸ່ນສຳລັບການມາຢ້ຽມຢາມ ສປປ ລາວໃນຄັ້ງນີ້ ພ້ອມສະແດງຄວາມຊົມເຊີຍທີ່ວຽກງານການທ່ອງທ່ຽວຂອງ ສປປ ລາວ ມີການພັດທະນາ ແລະ ຂະຫຍາຍຕົວໄວ ອັນໄດ້ສ້າງລາຍຮັບຢ່າງຫຼວງຫຼາຍໃຫ້ປະຊາຊົນລາວ ແລະ ຊົມເຊີຍທີ່ ສປປ ລາວ ມີແຫຼ່ງທຳມະຊາດ ແລະ ແຫຼ່ງທ່ອງທ່ຽວທີ່ອຸດົມສົມບູນ.

 

 

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.