ລັດຖະບານລາວມີແຜນສ້າງວິທະຍາໄລວິຊາຊີບເຕັກນິກການທາງລົດໄຟລາວ

0
247

ເສັ້ນທາງລົດໄຟ ລາວ-ຈີນ ມີຄວາມຈຳເປັນທີ່ຈະຕ້ອງໃຊ້ພະນັກງານຫຼາຍພັນຄົນເພື່ອເຮັດວຽກພາຍຫຼັງການເປີດນຳໃຊ້ໃນປີ 2021 ດັ່ງນັ້ນ ທາງລັດຖະບານລາວມີແຜນຮ່ວມກັບການຊ່ວຍເຫຼືອຈາກລັດຖະບານຈີນທີ່ຈະສ້າງວິທະຍາໄລວິຊາຊີບເຕັກນິກການທາງລົດໄຟລາວຂຶ້ນເພື່ອຕອບສະໜອງຊ່ຽວຊານທີ່ເປັນມືອາຊີບເຂົ້າມາເຮັດວຽກໃນໂຄງການດັ່ງກ່າວ.

ທ່ານ ຮສ ດຣ ກອງສີ ແສງມະນີ ຮອງລັດທະມົນຕີກະຊວງສຶກສາທິການ ແລະ ກິລາ ໄດ້ກ່າວວ່າ ວິທະຍາໄລດັ່ງກ່າວແມ່ນຍັງຢູ່ໃນຂັ້ນຕອນການອອກແບບຊຶ່ງໃກ້ຈະສຳເລັດແລ້ວ ປັດຈຸບັນພວກເຮົາກຳລັງລໍຖ້າການອອກແບບຈາກປະເທດຈີນ ແລະ ຄິດວ່າ ໂຄງການດັ່ງກ່າວອາດຈະເລີ່ມລົງມືກໍ່ສ້າງໃນທ້າຍປີນີ້.

ທາງລົງໄຟ 1 ກີໂລແມັດຕ້ອງການຄົນເບິ່ງແຍງ 15 ຄົນ ແບ່ງເປັນວິສະວະກອນ ແລະ ຊ່າງເຕັກນິກ ຊຶ່ງວິທະຍາໄລດັ່ງກ່າວຈະຊ່ວຍກຽມແຮງງານທີ່ມີທັກສະ ແລະ ຈ້າງແຮງງານທ້ອງຖິ່ນອີກດ້ວຍ ເຂດການກໍ່ສ້າງແມ່ນຢູ່ໃກ້ກັບເຂດສະໜາມກີລາແຫ່ງຊາດຫຼັກ 16 ແລະ ຄາດວ່າຈະໃຊ້ເວລາ 2 ປີໃຫ້ສຳເລັດ ປັດຈຸບັນທາງກະຊວງສຶກສາທິການ ແລະ ກິລາໄດ້ສົ່ງພະນັກງານຄູ 30 ກວ່າຄົນໄປສຶກສາອບຮົມຢູ່ທີ່ປະເທດຈີນເພື່ອກຽມພ້ອມສຳລັບວິທະຍາໄລດັ່ງກ່າວ ຫາກການກໍ່ສ້າງສຳເລັດວິທະຍາໄລແຫ່ງໃໝ່ຈະເປີດສອນໃນ 6 ຫຼັກສູດ ແລະ ຮັບນັກຮຽນປະມານ 300 ຄົນຕໍ່ປີ ຂະນະທີ່ນັກຮຽນກໍຈະໄດ້ຮຽນຮູ້ທຸກສ່ວນທີ່ກ່ຽວຂ້ອງກັບເຄື່ອງຈັກທາງລົດໄຟ ລວມເຖິງການຂັບລົດໄຟ ການບໍລິການສະຖານີ ແລະ ການສ້ອມແປງ-ບຳລຸງຮັກສາ.

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.targetlaos.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.