ຢາສູບມືສາມ ໄພງຽບທຳລາຍລະບົບທາງເດີນຫາຍໃຈ

0
139

ສຳນັກຂ່າວຕ່າງປະເທດລາຍງານໃນວັນທີ 2 ກໍລະກົດ 2019 ວ່າ ງານວິໄຈທີ່ໄດ້ຮັບການຕີພິມລົງໃນວາລະສານທາງການແພດ ຈາມາ ເນັດເວີຣກ ໂອເພ (JAMA Network Open) ເຜີຍວ່າ ຢາສູບມືສາມສາມາດທຳລາຍເຊລເຫຍື້ອບຸຜິວໃນລະບົບທາງເດີນຫາຍໃຈ ແລະ ບັງຄັບໃຫ້ເຊລເຫຼົ່ານັ້ນຕ້ອງຕໍ່ສູ້ເພື່ອເອົາຊີວິດລອດ ທັງນີ້ ຢາສູບມືສາມ (THS) ເກີດຂຶ້ນເມື່ອຄວັນຢາສູບທີ່ຖືກພົ່ນອອກມາ ຫຼື ປ່ອຍອອກຈາກກອກໄປສຳຜັດ ຫຼື ກະທົບກັບພື້ນຜິວຕ່າງໆເຊັ່ນ ເສື້ອຜ້າ ຜົມ ຫຼື ເຟີນີເຈີ ແລະ ອື່ນໆ.

ທັງນີ້ ຄະນະນັກວິໄຈຈາກມະຫາວິທະຍາໄລແຄລິຟໍເນຍ ເມືອງຣິເວີຣໄຊ (UCR) ໃຊ້ສິ້ນສ່ວນຈາກການຂູດຊັ້ນຜິວຂອງເຫຍື້ອບຸດັງຂອງແມ່ຍິງທີ່ບໍ່ສູບຢາອາຍຸລະຫວ່າງ 27-49 ປີ ຊຶ່ງທົດລອງໃຫ້ຢູ່ໃນສະພາບແວດລ້ອມທີ່ອາກາດສະອາດກ່ອນ ແລ້ວຈຶ່ງໃຫ້ໄປຢູ່ໃນສະພາບແວດລ້ອມຂອງຢາສູບມືສາມເປັນເວລາ 3 ຊົ່ວໂມງ ຫຼັງຈາກນນັ້ນກໍນຳໄປະກັດອາຣເອັນເອ (RNA) ຈາກສິ້ນສ່ວນເພື່ອກວດສອບການປ່ຽນແປງການສະແດງອອກຂອງຢີນ ຊຶ່ງຜົນປາກົດວ່າມີຢີນທັງໝົດ 382 ຢີນກຈາກຢີນທັງໝົດປະມານ 10.000 ຢີນ.

ຂະນະທີ່ການສູດຫາຍໃຈເອົາຢາສູບມືສາມເຂົ້າໄປເປັນເວລາ 3 ຊົ່ວໂມງສາມາດປ່ຽນແປງການສະແດງອອກຂອງຢີນໃນເຫຍື້ອບຸຜົ້ງດັງຂອງຜູ້ທີ່ບໍ່ສູບຢາ ນອກຈາກນີ້ ນັກວິໄຈຍັງພົບວ່າການຫາຍໃຈເຂົ້າໃນສະພາບແວດລ້ອມທີ່ມີຢາສູບມືສາມຍັງປ່ຽນວິຖີສັ່ງການທີ່ກ່ຽວຂ້ອງກັບພາວະຖືກອົກຊີໄດຊເກີນສົມສູນ (Oxidative Stress) ຊຶ່ງກໍ່ໃຫ້ເກີດພະຍາດມະເຮັງໄດ້ໃນໄລຍະຍາວ ເນື່ອງຈາກເນື້ອເຍື່ອໃນຜົ້ງດັງຄ້າຍຄືກັບເນື້ອເຍື່ອໃນຫຼອດລົມ ຊຶ່ງຄະນະນັກວິໄຈລະບຸວ່າຄວາມເສຍຫາຍດັ່ງກ່າວອາດລາມລົງໄປເຖິງລະບົບທາງເດີນຫາຍໃຈ.

ສຳລັບຜູ້ໃຫຍ່ທີ່ສູບຢາຈຳນວນຫຼາຍຄິດວ່າຫາກຕົນເອງສູບຢານອກບ້ານ ຄົນໃນບ້ານກໍຈະບໍ່ໄດ້ຮັບຄວັນຢາສູບ? ແຕ່ວ່າເຂົາເຈົ້າກໍໄດ້ນຳເອົາສານເຄມີເຊັ່ນ ນິໂຄຕິນ ຊຶ່ງຕິດຢູ່ຕາມເສື້ອຜ້າກັບເຂົ້າມາໃນບ້ານຄືເກົ່າ ດັ່ງນັ້ນ ຈຶ່ງສະຫຼຸບວ່າເລື່ອງສຳຄັນທີ່ທຸກຄົນຕ້ອງເຂົ້າໃຈກ່ຽວກັບຢາສູບມືສາມວ່າມີຢູ່ແທ້ ແລະ ເປັນອັນຕະລາຍທີ່ສຸດ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: teenee.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.