ມະນຸດຕ້ອງກິນຜັກແທນຊີ້ນເພື່ອຫຼຸດຜ່ອນພາວະໂລກຮ້ອນ

0
154

ຜົນງານວິໄຈຈາກຢູເອັນຊີ້ໃຫ້ເຫັນວ່າ ການຫຼຸດການປ່ອຍກາກບອນຈາກການໃຊ້ລົດ ແລະ ໂຮງງານອຸດສາຫະກຳຕ່າງໆພຽງຢ່າງດຽວອາດບໍ່ພຽງພໍທີ່ຈະຄວບຄຸມພາວະໂລກຮ້ອນໄດ້ ມະນຸດເອງກໍຕ້ອງຊ່ວຍກັນປັບປ່ຽນວິຖີການໃຊ້ຊີວິດ ໂດຍສະເພາະເລື່ອງອາຫານການກິນ.

ຄະນະກຳມະການລະຫວ່າງລັດຖະບານວ່າດ້ວຍການປ່ຽນແປງຂອງສະພາບອາກາດຂອງອົງການສະຫະປະຊາຊາດເປີດເຜີຍລາຍງານວ່າ ນອກຈາກການຫຼຸດການປ່ອຍກາກບອນແລ້ວ ມະນຸດຈະຕ້ອງປ່ຽນແປງການຜະລິດອາຫານ ແລະ ຈັດການບັນຫາກ່ຽວກັບການໃຊ້ດິນຄວບຄູ່ໄປນຳ ບໍ່ວ່າຈະເປັນດິນເສື່ອມສະພາບຈາກການເຮັດກະສິກຳ ການຕັດໄມ້ທຳລາຍປ່າ ເພື່ອບໍ່ໃຫ້ເກີດພາວະໂລກຮ້ອນທີ່ຮ້າຍແຮງໄປກວ່າທີ່ເປັນຢູ່ໃນປັດຈຸບັນ.

ລາຍງານດັ່ງກ່າວລະບຸວ່າ ການເພີ່ມຂຶ້ນຂອງຈຳນວນປະຊາກອນໂລກ ແລະ ຮູບແບບການບໍລິໂພກອາຫານທີ່ປ່ຽນໄປສົ່ງຜົນໃຫ້ເກີດການໃຊ້ດິນ ແລະ ນໍ້າເພື່ອການກະສິກຳສູງຂຶ້ນໃນລະດັບທີ່ບໍ່ເຄີຍເກີດຂື້ນມາກ່ອນ ທົ່ວໂລກມີພື້ນທີ່ດິນທີ່ບໍ່ມີນໍ້າກ້ອນປົກຄຸມປະມານ 510 ລ້ານກີໂລຕາແມັດ ຊຶ່ງຖາ້ຫາກວ່າມະນຸດກັບມາໃຊ້ດິນເຮັດກະສິກຳ 1 ໃນ 3 ສ່ວນໃນການປູກພືດທີ່ໃຊ້ເປັນອາຫານສັດແທນການປູກພືດທີ່ເປັນອາຫານມະນຸດ.

ການບໍລິໂພກອາຫານຂອງມະນຸດເປັນປັດໄຈສຳຄັນທີ່ເຮັດໃຫ້ເກີດການປ່ຽນແປງ ໂດຍເຄິ່ງໜຶ່ງຂອງກາກບອນ ຫຼື ປມະານ 30 ເທົ່າມາຈາກການລ້ຽງສັດ ແລະ 75% ຂອງການປ່ອຍກາກບອນທີ່ຮ້າຍແຮງກວ່າກາກບອນເຖິງ 300 ເທົ່າເກີດມາຈາກການໃສ່ປຸ໋ຍໄນໂຕຣເຈນ ແລະ ຍັງຕ້ອງໃຊ້ນໍ້າຈຳນວນມະຫາສານເຊັ່ນ ງົວໃຊ້ນໍ້າ 15.415 ລິດ ແກະໃຊ້ນໍ້າ 10.412 ລິດ ໝູໃຊ້ນໍ້າ 5.988 ລິດ ໄກ່ໃຊ້ນໍ້າ 4.325 ລິດ ໝາກແອັບເປິ້ນໃຊ້ນໍ້າ 822 ລິດ ກ້ວຍໃຊ້ນໍ້າ 790 ລິດ ໝາກເລັ່ນໃຊ້ນໍ້າ 287 ລິດ ກະຫຼໍ່າໃຊ້ນໍ້າ 237ລິດ ແລະ ອື່ນໆ ຊຶ່ງຈະເຫັນໄດ້ຊັດເຈນວ່າອາຫານປະເພດຊີ້ນສັດຈະໃຊ້ປະລິມານນໍ້າຫຼາຍກວ່າພືດຜັກ ດັ່ງນັ້ນ ທີ່ປະຊຸມ IPCC ຈຶ່ງສະເໜີແນະນຳໃຫ້ປະຊາກອນໂລກຫັນມາຮັບປະທານອາຫານທີ່ເປັນພືດຜັກໃຫ້ຫຼາຍກວ່າການບໍລິໂພກຊີ້ໜສັດ ຊຶ່ງເປັນສາເຫດຂອງການປ່ອຍແກ໊ສທີ່ສົ່ງຜົນກະທົບທັງຕໍ່ຄົນ ແລະ ສັດ ທັງເຮັດໃຫ້ອຸນຫະພູມເພີ່ມສູງຂຶ້ນອີກດ້ວຍ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.posttoday.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.