ມອບ-ຮັບເງິນຊົດເຊີຍຜົນກະທົບຕໍ່ສິ່ງແວດລ້ອມ ແລະ ສົງຄົມ “ງວດທີ 1”

0
445

ພິທີມອບ-ຮັບເງິນຊົດເຊີຍຜົນກະທົບຕໍ່ສິ່ງແວດລ້ອມ-ສັງຄົມ ງວດ 1 ຂອງໂຄງການກໍ່ສ້າງສາຍສົ່ງ 115 ກີໂລໂວນແຕ່ສະຖາ ນີບ້ານດອນ ເມືອງເຟືອງ ຫາສະຖານີໂນນໄຮ ເມືອງໝື່ນ ຊຶ່ງໄດ້ຈັດຂຶ້ນເມື່ອວັນທີ 12 ສິງຫາຜ່ານມາຢູ່ທີ່ສະໂມສອນຫ້ອງວ່າການປົກຄອງເມືອງໝື່ນ ໃຫ້ກຽດເຂົ້າຮ່ວມໂດຍ ທ່ານ ພູວອນ ບຸນວິໄລ ກຳມະການພັກເເຂວງ ເລຂາພັກເມືອງ ເຈົ້າເມືອງໆໝື່ນ ມີກຳ ມະການພັກເມືອງ ຫ້ອງການທີ່ກ່ຽວຂ້ອງ ແລະ ປະຊົນທີ່ຖືກຜົນກະທົບເຂົ້າຮ່ວມ.

ໂຄງການກໍ່ສ້າງຕາຂ່າຍໄຟຟ້າແຮງສູງ 115 ກີໂລໂວນແຕ່ສະຖານີບ້ານດອນ ເມືອງເຟືອງ ຫາສະຖານີໂນນໄຮ ເມືອງໝື່ນ ມີຄວາມຍາວ 53 ກີໂລເເມັດ ຈຳນວນຕົ້ນເສົາ 153 ຕົ້ນ ໂດຍແມ່ນໂຄງການບູລິມະສິດຂອງລັດຖະບານລາວມອບໃຫ້ລັດວິສາຫະ ກິດໄຟຟ້າລາວເປັນຜູ້ດຳເນີນການເພື່ອຕອບສະໜອງຕາມຄວາມຮຽກຮ້ອງຕ້ອງການໃນການນຳໃຊ້ກະເເສໄຟຟ້າຂອງປະຊາຊົນພາຍໃນແຂວງວຽງຈັນ ແລະ ເປັນການຮັບຮອງໃຫ້ແກ່ບັນດາເຂື່ອນທີ່ກຳລັງກໍ່ສ້າງ ແລະ ກໍ່ສ້າງສຳເລັດ ທັງເປັນການເຊື່ອມຕໍ່ຕາໜ່າງສາຍສົ່ງຄວບຄຸມທົ່ວປະເທດ.

ປັດຈຸບັນ ໂຄງການແມ່ນຢູ່ໃນຂັ້ນຕອນການແກ້ໄຂຜົນກະທົບຕໍ່ສະພາບແວດລ້ອມ-ສັງຄົມ ຕາມແລວສາຍສົງໄຟຟ້າດັ່ງກ່າວ ສຳ ລັບເມືອງໝື່ນແມ່ນກວມເອົາ 7 ບ້ານຄື ບ້ານນ້ຳແພດບ້ານໂພນແສນ ບ້ານເມືອງໝື່ນ ບ້ານນາໝໍ້ ບ້ານນ້ຳເລົ້າ ບ້ານນາຕາດ ແລະ ບ້ານໂພນສີວິໄລ ໃນນັ້ນ ມີຈຳນວນຄອບຄົວທີ່ໄດ້ຮັບຜົນກະທົບ 71 ຄອບຄົວ ມາຮອດປັດຈຸບັນ ສາມາດຊົດເຊີຍໃຫ້ແລ້ວ 59 ຄອບຄົວ ເປັນຈຳນວນເງິນ 445.910.000 ກີບ ຈຳນວນເງິນດັ່ງກ່າວນີ້ໂດຍແມ່ນ ທ່ານ ພູວອນ ບຸນວິໄລ ເປັນຄົນມອບ ໃຫ້ກັບຄອບຄົວທີ່ໄດ້ຮັບຜົນກະທົບ ໂດຍຊ້ອງໜ້າກັບພາກສ່ວນທີ່ກ່ຽວຂ້ອງ ແລະ ພໍ່ແມ່ປະຊາຊົນ.

 

 

 

ໂດຍ: ແຫວນຄຳ ນັກຂ່າວຈາກເມືອງໝື່ນ ແຂວງວຽງຈັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.