ພໍ່ຄ້າແມ່ຄ້າຂາຍເຂົ້າສົ່ງສັນຍານ “ລາຄາເຂົ້າສານ” ອາດມີການປັບຕົວຂຶ້ນ

0
286

ນີ້ຄືຍຸກທີ່ເຂົ້າຍາກໝາກແພງ ສິນຄ້າຫຼາຍປະເພດມີການປັບລາຄາສູງຂຶ້ນຫຼາຍລາຍການທັງສິນຄ້າອຸປະໂພກ-ບໍລິໂພກ ຊຶ່ງປັດໄຈເກີດມາຈາກການເໜັງຕີງຂອງເສດຖະກິດ ແລະ ລະດັບຄ່າເງິນທີ່ບໍ່ຄົງທີ່ ເນື່ອງຈາກສິນຄ້າທີ່ນຳມາໃຊ້ບໍລິໂພກໃນບ້ານເຮົາສ່ວນ ໃຫຍ່ເປັນສິນຄ້ານຳເຂົ້າ ຈຶ່ງມີຜົນດ້ານລາຄາ ແລະ ສົ່ງຜົນກະທົບໃຫ້ກັບການຄອງຊີບແກ່ກຸ່ມຄົນທີ່ມີລາຍຮັບໜ້ອຍ.

ຈາກການຊື້-ຂາຍໃນທ້ອງຕະຫຼາດ ໃນສ່ວນຂອງເຂົ້າສານມີແມ່ຄ້າທ່ານໜຶ່ງໄດ້ແຈ້ງໃຫ້ກັບນັກຂ່າວລາວໂພສຊາບວ່າ ລາຄາເຂົ້າບາງຊະນິດຈະມີການປັບຕົວຂຶ້ນ ເຊັ່ນ: ຈາກໝື່ນ 85.000ກີບ ກໍ່ຈະມີການປັບຕົວຂຶ້ນ ແຕ່ຍັງບໍ່ໄດ້ລະບຸລະອຽດວ່າຈະປັບຂຶ້ນຫຼາຍປານໃດ ຊຶ່ງທາງແມ່ຄ້າໄດ້ບອກໃຫ້ຮູ້ວ່າ ການຮັບຊື້-ຂາຍເຂົ້າໃນງວດຕໍ່ໄປ ລາຄາຮັບຊື້ເຂົ້າສານຈະແພງຂຶ້ນຕັ້ງແຕ່ຕົ້ນທາງ ໂດຍໃຫ້ເຫດຜົນວ່າ ເລື່ອງນີ້ບໍ່ສາມາດຄວບຄຸມລາຄາໄດ້ ເນື່ອງຈາກວ່າເຂົ້າສານທີ່ກິນຢູ່ທຸກວັນນີ້ບາງຊະນິດກໍ່ນຳເຂົ້າມາຈາກປະເທດເພື່ອນບ້ານ ຍ້ອນວ່າວ່າການຜະລິດໃນລາວຍັງຕອບສະໜອງບໍ່ພຽງພໍກັບຄວາມຕ້ອງການຂອງປະຊາຊົນ ເມື່ອເປັນສິນຄ້ານຳເຂົ້າດັ່ງນັ້້ນ ຈຶ່ງຍາກຕໍ່ການຄວບຄຸມດ້ານລາຄາ.

ນອກຈາກເຂົ້າສານທີ່ເປັນສິນຄ້ານຳເຂົ້າແລ້ວ ຍັງມີບັນດາພືດຜັກເກືອບທຸກຊະນິດທີ່ນຳເຂົ້າຈາກປະເມດເພື່ອນບ້ານ ເນື່ອງຈາກວ່າການຜະລິດພາຍໃນປະເທດຕອບສະໜອງບໍ່ພຽງພໍ ເຫດຜົນທີ່ເຮັດໃຫ້ການຜະລິດບໍ່ພຽງພໍອາດເກີດຂຶ້ນກັບຫຼາຍປັດໄຈເຊັ່ນ ດ້ານດິນຟ້າອາກາດ ນໍ້າຖ້ວມ ໄພແລ້ງ ເນື້ອທີ່ດິນໃນການຜະລິດໜ້ອຍລົງເນື່ອງຈາກຖືກໂຄງການ ແລະ ອື່ນໆທີ່ສົ່ງຜົນຕໍ່ການຜະລິດກະສິກຳຂອງປະຊາຊົນລາວ.

ບົດໂດຍ: ບຸດສະດີ ສາຍນໍ້າມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.