ພົບຜູ້ເສຍຊີວິດແລ້ວ 19 ຄົນ ແລະ ຍັງມີຜູ້ສູນຫາຍນັບຮ້ອຍຊີວິດທີ່ຕ້ອງເລັ່ງຄົ້ນຫາ

0
688

ລາຍງານຫຼ້າສຸດ ໃນຕອນເຊົ້າວັນນີ້ ທີ 25 ກໍລະກົດ 2018 ວ່າຈາກຂໍ້ມູນ ເບື້ອງຕົ້ນພົບເຫັນຜູ້ເສຍຊີວິດແລ້ວ 19 ຄົນ ແລະ ຍັງມີຜູ້ສູນຫາຍຫຼາຍກ່ວາ 100 ຊີວິດທີ່ກຳລັງຄົ້ນຫາຢ່າງຂຸ້ນຂ້ຽວ.

ຂະນະທີ່ທ່ານເຈົ້າແຂວງອັດຕະປື ກໍ່ໄດ້ຊີ້ນຳຄະນະຊ່ວຍຜູ້ປະສົບໄພຕັ້ງແຕ່ຮຸ່ງເຊົ້າຂອງມື້ນີ້ ເພື່ອປັບປຸງແຜນການແບ່ງຫນ້າທີ່ຮັບຜິດຊອບແຕ່ລະເຂດໃຫ້ຄ່ອງຕົວ ລວມທັງການສ້ອມແປງການສັນຈອນ, ການເບິ່ງແຍງ ແລະ ອຳນວຍຄວາມສະດວກແກ່ຜູ້ປະສົບໄພຢ່າງທົ່ວເຖິງ.

ສ່ວນລະດັບນໍ້າເຊກອງໃນເວລາ 20 ໂມງ ວັນທີ 24/7/2018 ຜ່ານມາ ປາກົດວ່າລະດັບນໍ້າທີ່ສະຖານີແທກນໍ້າບ້ານເວີນແຄນ ບົກລົງ 79 ຊັງຕີແມັດ. ຫຼ້າສຸດໃນຕອນເຊົ້າຂອງມື້ນີ້ 25/7/2018 ລະດັບນໍ້າເຊກອງໃນເວລາ 6 ໂມງເຊົ້າມື້ນີ້ ນໍ້າໄດ້ບົກລົງ 12 ແມັດ 82 ຊັງຕີແມັດ.

 

ແຫລ່ງຂ່າວ: ເອບີຊີລາວ ແລະ ສຳນັກຂ່າວສານປະເທດລາວ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.