ພົບດາວເຄາະດວງໃໝ່ຂະໜາດໃຫຍ່ກວ່າດາວໂລກ 20%…!!

0
10277

ໜຶ່ງໃນພາລະກິດທີ່ທ້າທາຍຂອງອົງການນາຊ່າກໍຄື: ການຄົ້ນຫາດາວເຄາະທີ່ຄ້າຍຄືກັບດາວໂລກ ແລະ ເຄື່ອງມືທີ່ສ້າງຂຶ້ນເພື່ອຕາຫາດາວເຄາະລັກສະນະນີ້ກໍຄືກ້ອງໂທລະພາບອະວະກາດທີ່ຕິດຕັ້ງເທິງດາວທຽມເທສ (Transop Exoplanet Survey Satellite-TESS).

ຊຶ່ງເມື່ອບໍ່ດົນມານີ້ມີລາຍງານວ່າ: ດາວທຽມເທສໄດ້ຄົ້ນພົບດາວເຄາະຂະໜາດໃກ້ຄຽງກັບໂລກເປັນຄັ້ງທຳອິດ, ຕັ້ງຢູ່ໃນເຂດທີ່ເອື້ອອຳນວຍຕໍ່ການຢູ່ອາໄສ ເນື່ອງຈາກມີໄລຍະທາງ ແລະ ສະພາວະທີ່ອາດເໝາະສົມໃຫ້ມີຂອງແຫຼວຢູ່ເທິງພື້ນຜິວຂອງດາວດວງນີ້.

ຂະນະທີ່ນັກຟີຊິກດາລາສາດຂອງນາຊ່າກໍຢືນຢັນວ່າ: ການຄົ້ນພົບດາວເຄາະທີ່ເອີ້ນວ່າ: TOI 700 d ເປັນໜຶ່ງໃນດາວເຄາະພຽງບໍ່ເທົ່າໃດດວງທີ່ມີຂະໜາດໃກ້ຄຽງກັບດາວໂລກທີ່ຖືກຄົ້ນພົບໃນເຂດທີ່ມະນຸດອາດຈະສາມາດອາໄສຢູ່ໄດ້, ຫຼັງຈາກດາວທຽມເທສໄດ້ກວດສອບຕ່າງໆນາໆເປັນເວລາ 27 ວັນ, ຊຶ່ງໃນແຕ່ລະຄັ້ງການເຝົ້າສັງເກດໄລຍະຍາວຊ່ວຍໃຫ້ດາວທຽມເທສຕິດຕາມການປ່ຽນ ແປງຄວາມສະຫວ່າງຂອງດາວດວງນີ້ທີ່ເກີດຈາກການທີ່ດາວເຄາະໂຄຈອນປ່ຽນຜ່ານໜ້າດາວກິດຂອງມັນຊຶ່ງກໍຄື: TOI 700 ເປັນດາວດວງນ້ອຍສີແດງທີ່ຢູ່າງຫ່າງອອກໄປ 100 ປີແສງໃນທາງໃຕ້ຂອງກຸ່ມດວງດາວທີ່ເອີ້ນວ່າ: constellation Dorado ໂດຍ TOI 700 ມີຂະໜາດ ແລະ ມວນສານປະມານ 40% ຂອງດວງອາທິດ ແລະ ມີອຸນຫະພູມພື້ນຜິວປະມານເຄິ່ງໜຶ່ງ.

ນອກຈາກນີ້ຍັງພົບວ່າ: ດາວເຄາະວົງໃສ່ສຸດ TOI 700 b ມີຂະໜາດເກືອບເທົ່າດາວໂລກຊຶ່ງຄາດວ່າອາດຈະເປັນກ້ອນຫີນໂຄ ຈອນອ້ອມຮອບ TOI 700 ທຸກໆ 10 ວັນ, ສ່ວນດາວເຄາະຊັ້ນກາງ TOI 700 c ມີຂະໜາດໃຫຍ່ກວ່າໂລກ 2,6 ເທົ່າ, ໂຄ ຈອນອ້ອມຮອບດາວກິດທຸກໆ 16​ ວັນ ແລະ ໜ້າຈະມີແກ໊ສໃນລະປະລິມານສູງສົມຄວນ, ສ່ວນ TOI 700 d ເປັນດາວເຄາະນອກລະບົບພຽງດວງດຽວຢູ່ໃນໂຊນທີ່ອາດຈະອາໄສຢູ່ໄດ້, ມີຂະໜາດໃຫຍ່ກວ່າໂລກປະມານ 20% ໂຄຈອນອ້ອມຮອບດາວກິດທຸກ 37 ວັນ ແລະ ຮັບພະລັງງານຈາກດາວກິດ 86% ຂອງພະລັງງານທີ່ດວງອາທິດສົ່ງເຖິງດາວໂລກ.

 

 

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.