ພິທີເປີດສຳນັກງານເຂດເສດຖະກິດສະເພາະບຶງທາດຫຼວງ

0
360

ສຳັກຂ່າວສານປະເທດລາວລາຍງານເມື່ອວັນທີ 5 ພະຈິກ 2019ວ່າ ກຸ່ມບໍລິສັດ Shanghai Wanfeng Group ໄດ້ຈັດພິທີເປີດການນຳໃຊ້ສຳນັກງານບໍລິຫານຂອງເຂດເສດຖະກິດສະເພາະບຶງທາດຫຼວງ, ເຊິ່ງເປັນໂຄງການມີມູນຄ່າກໍ່ສ້າງ 1,7 ຕື້ໂດລາໃນໄລຍະສຳປະທານ 99 ປີ ແລະ ໃນວັນດຽວກັນຍັງໄດ້ເປີດຕົວໂຮງແຮມ ໂປລີ ຊຶ່ງເປັນໂຮງແຮມທີ່ຫຼູຫຼາ ແລະ ຕະຫຼາດຂາຍສົ່ງສິນຄ້າກະສິກຳສາກົນອີກດ້ວຍ.

ພິທີດັ່ງກ່າວເປັນກຽດໂດຍ ທ່ານ ສິນລາວົງ ໂຄດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ຄຳຈັນ ວົງເສິນບຸນ ຮອງລັດຖະມົນ ຕີກະຊວງແຜນການແລະການລົງທືນ, ທ່ານ ສະຫວັນຄອນ ຣາຊະມູນຕີ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ພ້ອມດ້ວຍພາກສ່ວນກ່ຽວຂ້ອງຝ່າຍລາວ ແລະ ຈີນ ເຂົ້າຮ່ວມເປັນສັກຂີພິຍານ.

ເຂດເສດຖະກິດສະເພາະບຶງທາດຫຼວງມີເນື້ອທີ່ 8 ລ້ານຕາແມັດ, ຖືກອອກແບບໃຫ້ມີສູນການຄ້າ, ຫ້າງຮ້ານ, ໂຮງແຮມ, ໂຮງ ໝໍ, ໂຮງຮຽນ, ທີ່ພັກຢູ່ອາໄສ ການເງິນສາກົນ ແລະ ອື່ນໆແບບຄົບວົງຈອນ.

ຮຽບຮຽງໂດຍ: ພຸດສະດີ ລາວລີ
ແຫຼ່ງຂໍ້ມູນ: kpl.gov.la

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.