ພິທີມອບ-ຮັບໜ້າທີ່ອະທິການບໍດີມະຫາວິທະຍາໄລສະຫວັນນະເຂດ

0
1408

ເມື່ອວັນທີ 7 ສິງຫາຜ່ານມາທີ່ສະໂມສອນມະຫາວິທະຍາໄລສະຫວັນນະເຂດ ໄດ້ມີພິທີມອບ-ຮັບໜ້າທີ່ເລຂາຄະນະພັກຮາກຖານ ແລະ ອະທິການບໍດີ ມຂ ລະຫວ່າງ ທ່ານ ບຸນປົງ ແກ້ວໂຣດົງ (ຄົນເກົ່າ) ແລະ ທ່ານ ສຸລິຍົງ ໄຊໂກສີ ເປັນຜູ້ຮັກສາການ ມຂ ຄົນໃຫມ່ ໂດຍການເຂົ້າຮ່ວມຂອງ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກີລາ ທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ ມີບັນດາພະແນກການກ່ຽວຂ້ອງ ແລະ ແຂກຖືກເຊີນ ພ້ອມດ້ວຍຄູ-ອາຈານພາຍໃນ ມຂ ເຂົ້າຮ່ວມ.

ທ່ານ ບຸນປົງ ແກ້ວໂຣດົງ ອະທິການບໍດີ ມຂ ໄດ້ກ່າວມອບໜ້າທີ່ ແລະ ລາຍງານບາງຜົນສຳເລັດຕະຫຼອດການຊີ້ນຳ-ນຳພາຂອງທ່ານໃນໄລຍະຜ່ານມາແມ່ນມີຫລາຍດ້ານທີ່ປະສົບຜົນສຳເລັດ ເປັນຕົ້ນມີ 1 ໜ່ວຍພັກໄດ້ນາມມະຍົດເປັນໜ່ວຍພັກແຂງຮູ້ນຳພາຮອບດ້ານ 4 ຄັ້ງ ແລະ ເປັນໜ່ວຍພັກປອດໃສ ເຂັ້ມແຂງ-ໜັກແໜ້ນ 1 ຄັ້ງ ຂະຫຍາຍສະມາຊິກຊາວໜຸ່ມໄດ້ທັງໝົດ 3.493 ຄົນ ຍິງ 1.737 ຄົນ ຈັດຕັ້ງ ແລະ ຂະຫຍາຍສະມາຊິກແມ່ຍິງ 2.265 ຄົນ ຂະຫຍາຍສະມາຊິກກໍາມະບານໄດ້ 1.247 ຄົນ ຍິງ 709 ຄົນ ສ້າງລັດຖະກອນສົມບູນທັງໝົດ 309 ຄົນ ຍິງ 134 ຄົນ ໃນນັ້ນ ປ.ເອກ 11 ຄົນ ປ.ໂທ 113 ຄົນ ຍິງ 39 ຄົນ ຮັບນັກສຶກສາແຕ່ປີ 2009-2019 ໄດ້ຈໍານວນ 9.791 ຄົນ ຍິງ 5.323 ຄົນ ໃນນັ້ນ ປ.ໂທ 2 ສາຂາຈໍານວນ 40 ຄົນ ຍິງ 9 ຄົນ ແລະ ສ້າງບຸກຄະລາກອນອອກຮັບໃຊ້ສັງຄົມໃນໄລຍະ 10 ປີໄດ້ 5 ລຸ້ນນ ມີທັງໝົດ 4.609 ຄົນ ຍິງ 2.502 ຄົນ ປ.ໂທ 19 ຄົນ ຂະຫຍາຍຄະນະວິຊາໄດ້ 8 ຄະນະ ພັດທະນາຫຼັກສູດ 43 ຫຼັກສູດ ປ.ໂທ 2 ຫຼັກສູດ ແລະ ຫຼັກສູດນາໆຊາດ 1 ຫຼັກສູດ ສຶກສາວິໄຈໄດ້ທັງໝົດ 978 ຫົວຂໍ້ ປ.ໂທ 69 ຫົວຂໍ້.

ນອກຈາກນີ້ ຍັງຍົກລະດັບອາຈານສອນໂດຍໄດ້ສົ່ງທືນໄປຮຽນຕໍ່ ປ.ເອກ 22 ຄົນ ຍິງ 8 ຄົນ ປ.ໂທ 100 ຄົນ ຍິງ 40 ຄົນ ການຮ່ວມມືສາກົນສອງຝ່າຍໄດ້ເຊັນບົດບັນທຶກຄວາມເຂົ້າໃຈກັບສະຖາບັນການສຶກສາຊັ້ນສູງຂອງຕ່າງປະເທດ 21 ສະຖາບັນ ແລະ ການຮ່ວມມືຫຼາຍຝ່າຍຮ່ວມກັບອົງການພາກພື້ນ ແລະ ສາກົນ 7 ຄັ້ງ ຈາກນັ້ນ ທ່ານ ສຸລິຍົງ ໄຊໂກສີ ຜູ້ຮັກສາການອະທິການບໍດີ ມຂ ຄົນໃຫມ່ກໍໄດ້ໃຫ້ຄຳໝັ້ນສັນຍາວ່າ ຈະພ້ອມກັນກັບໝູ່ຄະນະສືບຕໍ່ດຳເນີນວຽກງານຂອງມະຫາວິທະຍາໄລໄປສູ່ເປົ້າໝາຍຄຸນ ນະພາບ ໂດຍເລັ່ງໃສ່ວຽກງານແນວຄິດການເມືອງເປັນກົກອັນສຳຄັນ ຖືເອົາວຽກງານວິຊາການເປັນໃຈກາງໃນການພັດທະນາ ແລະ ວຽກງານອື່ນໆທີ່ປິ່ນອ້ອມ ສືບຂະຫຍາຍຜົນງານດ້ານຕ່າງທີ່ຍາດມາໄດ້ໃນຜ່ານມາໃຫ້ກ້າວໜ້າຂະຫຍາຍຕົວໄປເລື່ອຍໆ ພ້ອມກັນນີ້ກໍໄດ້ສືບຕໍ່ພັດທະນາປັບປຸງຈຸດອ່ອນ ແລະ ຂໍ້ຄົງຄາທີ່ບໍສອດຄ່ອງກັບມະຕິຂອງພັກການນຳພາຂອງລັດ ທັງນີ້ ກໍເພື່ອພັດທະນາ ມຂ ໃຫ້ໄປຕາມ 3 ລັກສະນະ 5 ຫຼັກມູນ ເພື່ອກ້າວໄປສູ້ຄຸນນະພາບ ແລະ ການເຊື່ອມໂຍ່ງສາກົນເທື່ອລະກ້າວ.

ໃນໂອກາດດ່ຽວກັນ ທ່ານ ນາງ ແສງເດືອນ ກໍໄດ້ໃຫ້ກຽດມີຄໍາເຫັນພ້ອມທັງຍ້ອງຍໍຊົມເຊີຍອະທິການບໍດີ ມຂ ຄົນເກົ່າທີ່ເຫັນວ່າການນຳພາໃນຜ່ານມາແມ່ນໄດ້ຮັບການຂະຫຍາຍຕົວຊຶ່ງສະແດງອອກໃນການພັດທະນາຈາກ 3 ຄະນະວິຊາມາເປັນ 8 ຄະນະວິຊາ ແລະ ສ້າງບຸກຄະລາກອນອອກໄປຮັບໃຊ້ສັງຄົມຢ່າງຫຼວງຫຼາຍ ພ້ອມຜົນງານອື່ນໆອີກ ສຳລັບທ່ານຮັກສາການຄົນໃຫມ່ນີ້ກໍແມ່ນໃຫ້ສືບຕໍ່ພັດທະນາພາລະກິດບໍ່ວ່າຈະເປັນທາງດ້ານການພັດທະນາ ພື້ນຖານດ້ານຫຼັກສູດ ວິຊາການ ພັດທະນາໃນການກໍ່ສ້າງບຸກຄະລາກອນ ແລະ ປະຕິບັດໜ້າທີ່ທີ່ມອບໝາຍໃຫ້ເກີດດອກອອກຜົນ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.