ພາກກາງ ແລະ ໃຕ້ ກຽມພ້ອມຕ້ອງຮັບມືພະຍຸໃນໄລຍະວັນທີ 6-8 ກັນຍາ 2019

0
1188

ກົມອຸຕຸນິຍົມ ແລະ ອຸທົກກະສາດໄດ້ຄາດຄະເນສະພາບອາກາດໃນໄລຍະວັນທີ 6-8 ກັນຍາ 2019 ຮ່ອງຄວາມກົດດັນຕໍ່າຂອງອາ ກາດຮ້ອນຈະພາດຜ່ານຢູ່ແຂວງພາກກາງ ແລະ ພາກໃຕ້ຂອງປະເທດລາວປ່ອງເຂົ້າສູ່ລົມພະຍຸດີເປຣເຊິນທີ່ກຳລັງເຄື່ອນທີ່ຢູ່ທະ ເລຈີນໃຕ້ຕອນເໜືອ ແລະ ພວມເຄື່ອນທີ່ໄປທາງທິດຕາເວັນຕົກ ພ້ອມດຽວກັນລົມມໍລະສຸມຕາເວັນຕົກສຽງໃຕ້ມີກຳລັງແຮງຈະພັດປົກຄຸມພາກກາງ ແລະ ພາກໃຕ້ ຊຶ່ງຈະເຮັດໃຫ້ມີຝົນຕົກຟ້າຮ້ອງຢ້າເຫຼື້ອມໃນລະດັບຄ່ອຍຫາຕົກປານກາງເປັນບໍລິເວນກ້ວາງຢູ່ໃນແຕ່ລະພາກ ແລະ ຕົກໜັກພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງຫາພາກໃຕ້ ຈາກນັ້ນວັນທີ 6-8 ກັນຍາ 2019 ຮ່ອງຄວາມກົດດັນຕໍ່າຂອງອາກາດຮ້ອນຈະພາດຜ່ານຢູ່ແຂວງພາກເໜືອ ແລະ ພາກກາງຂອງປະເທດລາວ ສົມທົບກັບລົມມໍລະສຸມຕາເວັນຕົກສຽງໃຕ້ຈະມີກຳລັງແຮງຍັງພັດປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ທົ່ວໄປເປັນບໍລິເວນກວ້າງ ແລະ ປານກາງ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ.

ດັ່ງນັ້ນ ຈຶ່ງແຈ້ງເຕືອນເຖິງພໍ່ແມ່ປະຊາຊົນບັນດາເຜົ່າ ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນທີ່ອາໄສຢູ່ບັນດາເຂດແຂວງດັ່ງກ່າວຈົ່ງມີສະຕິ ແລະ ກຽມພ້ອມຮັບມືກັບສະພາບຝົນຕົກໜັກ ຊຶ່ງຈະເຮັດໃຫ້ມີຕົ້ນໄມ້ຫັກລົ້ມ ດິນເຈື່ອນ ນໍ້າຖ້ວມຊູ ນໍ້າຖ້ວມອັ່ງ ແລະ ລົມພັດແຮງ ພ້ອມນີ້ ຂໍໃຫ້ເກັບມ້ຽນ ແລະ ເຄື່ອນຍ້າຍວັດຖຸສິ່ງຂອງພ້ອມສັດລ້ຽງໄປໄວ້ບ່ອນສູງ ແລະ ປອດໄພ ລວມທັງຕິດຕາຂ່າວພະຍາກອນ ແລະ ລະດັບນໍ້າຢ່າງຕໍ່ເນື່ອງ.

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.