ພະຍຸດີເປຣເຊິນພັດຜ່ານເມືອງສະໜາມໄຊ ແຂວງອັດຕະປືເກີດນໍ້າຖ້ວມ 4 ບ້ານ

0
402

ພາຍຫຼັງທີ່ກົມອຸຕຸນິຍົມ ແລະ ອຸທົກກະສາດໄດ້ອອກແຈ້ງເຕືອນໄພວ່າຈະມີຝົນຕົກໜັກໃນລະຫວ່າງວັນທີ 2 ຫາ 5 ກໍລະກົດ 2019 ແລະ ສະພາບອາກາດໂດຍທົ່ວໄປໃນເວລາ 7:00 ໂມງເຊົ້າຂອງວັນທີ 3 ກໍລະກົດ 2019 ພະຍຸດີເປຣເຊິນຢູ່ທະເລຈີນໃຕ້ຕອນເໜືອໄດ້ເພີ່ມກຳລັງແຮງຂຶ້ນກາຍເປັນພະຍຸໝູນ (Mun) ຫົວທີ 4 ໃນປີ 2019 ຊຶ່ງໃນເວລາ 7 ໂມງເຊົ້າມື້ນີ້ມີທີຕັ້ງຢູ່ບໍລິເວນເກາະໄຮໜານ ຈຸດສູນກາງຢູ່ເສັ້ນຂະໜານທີ 19.4 ອົງສາເໜືອ ແລະ ເສັ້ນແວງທີ 109.5 ອົງສາຕາເວັນອອກ ພວມເຄືອນທີ່ໄປທາງທິດຕາເວັນຕົກ-ຕາເວັນຕົກສ່ຽງເໜືອດ້ວຍຄວາມໄວ 20 ກີໂລແມັດຕໍ່ຊົ່ວໂມງ ຊຶ່ງພະຍຸດັ່ງກ່າວໄດ້ພັດປົກຄຸມຢູ່ທົ່ວທຸກພາກເໜືອ ແລະ ພາກກາງຂອງປະເທດລາວແຕ່ເໜືອຮອດໃຕ້.

ຫຼ້າສຸດ ມີລາຍງານເບື້ອງຕົ້ນຈາກປະຊາຊົນເມືອງສະໜາມໄຊ ແຂວງອັດຕະປືໃຫ້ຮູ້ວ່າ ໃນວັນທີ 3 ກໍລະກົດ 2019 ເນື່ອງຈາກໃນຕອນແລງຂອງວັນທີ 2 ກໍລະກົດ 2019 ທີ່ຜ່ານມາເກີດມີຝົນຕົກໜັກຕະຫຼອດຄືນເຮັດໃຫ້ນໍ້າຫ້ວຍລົ້ນອັ່ງຂຶ້ນມາຖ້ວມບ້ານ ເຮືອນປະຊາຊົນເຂດບ້ານແທ ບ້ານທ່າ ບ້ານມ່ວງ ແລະ ບ້ານບົກ ເມືອງສະໜາມໄຊ ແຂວງອັດຕະປື ປັດຈຸບັນຍັງບໍ່ທັນມີລາຍງານຄວາມເສຍຫາຍ ຊີວິດ ແລະ ຊັບສິນ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ໜັງສືພິມເສດຖະກິດ-ການຄ້າ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.